ព័ត៌មានជាតិ
ស្តារប្រឡាយមេរំដោះទឹកសំអុយ រវាងព្រំប្រទល់ខណ្ឌពោធិ៍សែនជ័យ និងខណ្ឌសែនសុខ
រដ្ឋបាលរាជធានីភ្នំពេញ តែងយកចិត្តទុកដាក់ជួយដោះស្រាយរាល់បញ្ហាជូនបងប្អូនប្រជាពលរដ្ឋទាំងអស់នៅក្នុងរាជធានីភ្នំពេញ។ រឿងធំជាងគេ គឺបញ្ហាទឹកលិច ពីព្រោះថា រដូវនេះ ជារដូវវស្សា តែងមានភ្លៀងធ្លាក់។ បញ្ហានេះភាគច្រើនបង្កឡើង ដោយសារតែបងប្អូនប្រជាពលរដ្ឋមួយចំនួនបានលួចសាងសង់លំនៅឋានរំលោភលើផ្ទៃប្រឡាយបង្ហូរទឹកដែលជាទ្រព្យសម្បត្តិរបស់រដ្ឋ។
ដោយមានការគិតគូខ្លាំងអំពីបញ្ហាទឹកលិចនេះ លោក ប៉ាង លីដា អភិបាលរងខណ្ឌពោធិ៍សែនជ័យ តំណាងលោក ហែម ដារិទ្ធ អភិបាល នៃ គណអភិបាលខណ្ឌពោធិ៍សែនជ័យ កាលពីថ្ងៃទី២៩ ខែសីហា ឆ្នាំ២០២១ ដោយសហការជាមួយអាជ្ញាធរខណ្ឌសែនសុខ បានដាក់គ្រឿងចក្រ អាអិច ( អេស្កាវទ័រ ) ដែលមានសាឡង់ខាងក្រោមបណ្តែតទឹក កាយស្តារប្រឡាយនៅចំណុចភូមិប៉ប្រកខាងជើង សង្កាត់ កាកាបទី១ ខណ្ឌពោធិ៍សែនជ័យ ព្រំប្រទល់ជាមួយភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានី ភ្នំពេញ។
លោក ប៉ាង លីដា អភិបាលរងខណ្ឌពោធិ៍សែនជ័យ ប្រាប់ឲ្យដឹងថា ប្រឡាយដែលអាជ្ញាធរខណ្ឌពោធិ៍សែនជ័យសហការជាមួយអាជ្ញាធរខណ្ឌសែនសុខ កំពុងដាក់គ្រឿងចក្រកាយភក់ស្តារនេះ បើតាមគម្រោងប្រវែង ១៥០០ម៉ែត្រ និង ទទឹង ៤ម៉ែត្រ ប៉ុន្តែបច្ចុប្បន្នមានប្រជាពលរដ្ឋមួយចំនួនបានលួចសាងសង់ផ្ទះរំលោភទៅលើជាយប្រឡាយទាំងសងខាងដែលធ្វើឲ្យផ្ទៃប្រឡាយទាំងមូលមានសភាពតូច។ ដូច្នេះនៅពេលភ្លៀងធ្លាក់មកម្តងៗ ចរន្តទឹកហូរមិនទាន់នោះទេ ទើបធ្វើឲ្យជន់លិចជារឿយៗ ។
លោកអភិបាលរងខណ្ឌពោធិ៍សែនជ័យ ប្រាប់បន្តឲ្យដឹងថា ដោយមានការយកចិត្តទុកដាក់ខ្ពស់ពីសំណាក់ ឯកឧត្តម ឃួង ស្រេង អភិបាល នៃគណអភិបាល រាជធានីភ្នំពេញ ក៏ដូចជា លោក ហែម ដារិទ្ធ អភិបាល នៃ គណអភិបាលខណ្ឌពោធិ៍សែនជ័យ ខិតខំការស្តារផ្ទៃប្រឡាយមួយនេះ សម្រេចបានប្រមាណ ៧០ភាគរយ ទៅលើគម្រោងប្រវែង ១៥០០ម៉ែត្រ និង ទទឹង ៤ម៉ែត្រ ។ ការស្តារប្រឡាយនេះ ចំណុចខ្លះ ត្រូវប្រើកម្លាំងពលកម្មមនុស្សចុះទៅក្នុងទឹកស្អុយផ្ទាល់តែម្តង ដើម្បីបារសំរាម ថង់ប្លាស្ទិច ចាន ឬ ប្រអប់ស្ងោរ និង ពូកចាស់មួយដែលនៅបាំងមុខទឹក។
លោកស្រី ទៀប វណ្ណរឿង ចៅសង្កាត់កាកាបទី១ រៀបរាប់ឲ្យដឹងថា នៅក្នុងមូលដ្ឋានសង្កាត់របស់លោកស្រី គឺមិនទាន់មានប្រព័ន្ធលូបង្ហូរទឹកឲ្យបានសមរម្យនោះទេ គឺមានតែប្រឡាយទឹកនេះហើយសម្រាប់បង្ហូររំដោះទឹកនារដូវវស្សា។ ប៉ុន្តែផ្ទៃប្រឡាយមួយចំណែកត្រូវពលរដ្ឋខ្លះលួចធ្វើផ្ទះបាំងមុខទឹក ដែលនាំឲ្យប៉ះពាល់ខ្លាំងនូវចរន្តទឹកហូរ ។ បើតាមពិនិត្យជាក់ស្តែង ប្រជាពលរដ្ឋដែលមានផ្ទះរស់នៅលើផ្ទៃប្រឡាយសាធារណៈខុសច្បាប់ ប្រមាណ ១៤២ខ្នងផ្ទះ ដោយពួកគាត់មករស់នៅទីនេះខ្លះតាំងពីឆ្នាំ១៩៩២ និងខ្លះទៀត ក្នុងឆ្នាំ១៩៩៨ មកម្ល៉េះ។ ជាមួយគ្នានេះលោកស្រីចៅសង្កាត់កាកាបទី១ សូមសំណូមពរ ឯកឧត្តម ឃួង ស្រេង អភិបាល នៃគណអភិបាល រាជធានីភ្នំពេញ មេត្តាជួយអភិវឌ្ឍន៍ កសាងផ្លូវបេតុង ១ ខ្សែ ស្របជាមួយផ្លូវរថភ្លើង និងជាពិសេស សូមជួយដាក់ប្រព័ន្ធលូប្រអប់មេ ដើម្បីរំដោះទឹកចេញឲ្យទាន់ពេលវេលា ពីព្រោះថា នៅក្នុងភូមិសាស្ត្រសង្កាត់កាកាបទី១ គឺមានតែភូមិប៉ប្រកខាងជើងនេះ ដែលរងផលប៉ះពាល់ខ្លាំង ជាងគេ គឺបញ្ហាទឹកនេះហើយ។
ទោះបីយ៉ាងណាក្តី អាជ្ញាធរខណ្ឌពោធិ៍សែនជ័យបានបញ្ជាក់អោយដឹងថា ការស្តារប្រឡាយនេះនៅតំបន់ខាងមូលដ្ឋានរដ្ឋបាលខណ្ឌពោធិ៍សែនជ័យ គឺការកាយស្តារបានល្អប្រសើរច្រើនហើយ ដោយឡែកនៅតែខាងមូលដ្ឋានខណ្ឌសែនសុខឯណោះទេ នៅមិនទាន់បានល្អ នៅឡើយ ដោយសារកំពុងមានដីល្បាប់ និងមានដើមស្មៅ ដើមកំប្លោកដុះក្រាស់ៗ ដែលធ្វើឲ្យប៉ះពាល់ខ្លាំងទៅដល់ផ្លូវទឹកមិនហូរបានលឿន ៕
អត្ថបទ៖ រ៉ាវុទ្ធ
ត្រាំ ព្រមានក្រុមហាម៉ាស ថា នឹងជួបអាសន្នធំ បើមិនដោះលែងចំណាប់ខ្មាំង មុនគាត់ចូលកាន់តំណែង
ក្រសួងអប់រំបើកវេទិកាអប់រំស្តីពី “ឧត្តមានុវត្តន៍កំណែទម្រង់សាលារៀន ឆ្នាំ២០២៤”
មន្ត្រីជាន់ខ្ពស់៖ កម្មវិធីក្រៅម៉ោងសិក្សាជួយភ្ជាប់រវាងយុវជន និងសង្គមស្វែងរកដំណោះស្រាយភាពស្មុគស្មាញនៃជីវិតនាសម័យទំនើប
សម្ដេចតេជោ៖ ដំណើរទស្សនកិច្ចទៅចិន រៀបចំទុកមុនជិត២ខែ មិនមែនទៅទាំងតក់ក្រហល់ ដូចលោកជេម សុខ ថាឡើយ
លោក ហេង សួរ ៖ ការបង្រួបបង្រួមអង្គការវិជ្ជាជីវៈមិនមែនជាការដាក់កំហិត ឬបំបិទសិទ្ធិសេរីភាពសហជីពណាមួយនោះទេ
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
តារាថៃល្បីៗ ៤គូ ត្រៀមចូលរោងការនៅដើមឆ្នាំថ្មីនេះ
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ២២ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
បច្ចេកវិទ្យា៧ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា