ព័ត៌មានអន្ដរជាតិ
WHO ព្រមាន«នៅអឺរ៉ុបមនុស្សជាង២០ម៉ឺននាក់ទៀតនឹងស្លាប់ដោយកូវីដត្រឹមថ្ងៃទី១ធ្នូ»
នៅថ្ងៃចន្ទ ទី៣០ ខែសីហា អង្គការសុខភាពពិភពលោក (WHO) បានព្រមានមនុស្សប្រមាណ ២៣៦០០០នាក់ទៀតនឹងស្លាប់ដោយកូវីដ-១៩នៅអឺរ៉ុបត្រឹមថ្ងៃទី១ ខែធ្នូ ដែលជាការរំលឹកជុំវិញករណីឆ្លងកំពុងកើនឡើង ហើយអត្រាចាក់វ៉ាក់សាំងនៅទ្រឹង។
យោងតាមការផ្សាយរបស់ AFP នៅថ្ងៃចន្ទម្សិលមិញថា ការព្រមានបានកើតឡើង ចំពេលករណីស្លាប់ដោយសារកូវីដ-១៩ទូទាំងពិភពលោកបានកើនឡើងដល់៤.៥លាននាក់ចាប់តាំងពីជំងឺឆ្លងដ៏កាចសាហាវនេះបានចាប់ផ្តើមឡើង។
អត្រាឆ្លងជាសកលបានកើនឡើងសាជាថ្មី ដែលបណ្តាលមកពីវីរុសបំប្លែងខ្លួនឆ្លងកាច និងរហ័សលឿន Delta បានរាតត្បាតខ្លាំង ជាពិសេសក្នុងចំណោមមនុស្សដែលមិនទាន់ចាក់វ៉ាក់សាំង និងវិធានការត្រូវបានបន្ធូរបន្ថយ។
ប្រធានអង្គការសុខភាពពិភពលោកប្រចាំអឺរ៉ុបបាននិយាយថា ករណីឆ្លង និងស្លាប់បានកើនឡើងខ្ពស់ជាថ្មីនៅអឺរ៉ុប ជាពិសេសនៅប្រទេសក្រីក្រនៅតំបន់បាល់កង់ តំបន់កូកាកាស។
លោក Hans Kluge បានឲ្យដឹងថា ៖«កាលពីសប្តាហ៍មុន មានការកើននូវចំនួនអ្នកស្លាប់ក្នុងតំបន់១១% ដែលតាមការរំពឹងទុកនឹងមានមនុស្ស២៣៦០០០នាក់ស្លាប់នៅអឺរ៉ុបត្រឹមថ្ងៃទី១ ខែធ្នូ»។
រហូតដល់ពេលនេះ អឺរ៉ុបមានតួលេខស្លាប់ដោយកូវីដ-១៩ដែលត្រូវបានចុះបញ្ជីប្រហែលជា១.៣លាននាក់ហើយ។
លោក Kluge បន្តថា ក្នុងចំណោមរដ្ឋជាសមាជិក៥៣របស់ WHO នៅអឺរ៉ុប មាន៣៣រដ្ឋបានចុះបញ្ជីពីអត្រាកើនឡើងជាង១០%កាលពីពីរសប្តាហ៍មុនគឺភាគច្រើនបំផុតនៅប្រទេសក្រីក្រ។
អត្រាឆ្លងខ្ពស់ទូទាំងទ្វីបបានក្លាយជាកង្វល់ដ៏ធ្ងន់ធ្ងរ ជាពិសេសនៅក្នុងប្រទេសដែលមានអត្រាចាក់វ៉ាក់សាំងទាប។
លោក Kluge បញ្ជាក់ថា វីរុសបំប្លែងខ្លួន Delta ជាកត្តាឥទ្ធិពលជាងគេដែលជំរុញឲ្យមានការរីករាលដាលឆ្លងខ្លាំង។ ជាមួយគ្នានេះ ការបន្ធូរបន្ថយបំរាម និងវិធានការទប់ស្កាត់ ព្រមទាំងការធ្វើដំណើរច្រើននៅរដូវក្តៅជាកត្តារួមចំណែកដែរ។
នៅពេលមនុស្សប្រហែលជាពាក់កណ្តាលនៅក្នុងតំបន់អឺរ៉ុបរបស់អង្គការសុខភាពពិភពលោកបានចាក់វ៉ាក់សាំងបង្ការពេញលេញបានធ្វើឲ្យតំបន់មានករណីឆ្លងធ្លាក់ចុះ។
ប្រធាន WHO ប្រចាំអឺរ៉ុបនិយាយថា ៖«នៅក្នុងរយៈពេល៦សប្តាហ៍ចុងក្រោយនេះ វាបានធ្លាក់ចុះ១៤% ដោយសារឥទ្ធិពលនៃកង្វះទទួលបានវ៉ាក់សាំងនៅក្នុងប្រទេសមួយចំនួន និងកង្វះទទួលយកវ៉ាក់សាំងនៅក្នុងប្រទេសផ្សេងៗទៀត»។
ត្រឹមតែ៦%នៃមនុស្សនៅក្នុងប្រទេសប្រាក់ចំណូលទាប និងមធ្យមនៅអឺរ៉ុបបានចាក់វ៉ាក់សាំងពេញលេញ ហើយប្រទេសខ្លះទើបចាក់វ៉ាក់សាំងបានម្នាក់ក្នុងចំណោមបុគ្គលិកសុខាភិបាល១០នាក់។
«ការជាប់គាំងទទួលបានវ៉ាក់សាំងនៅក្នុងតំបន់របស់យើងគឺជាកង្វល់ដ៏ធ្ងន់ធ្ងរ»។ លោក Kluge បន្ថែម និងជំរុញឲ្យ«បង្កើនការផលិត ចែករំលែក និងធ្វើឲ្យប្រសើរឡើងនូវការទទួលបានវ៉ាក់សាំង»៕
ប្រែសម្រួល៖ វីរបុត្រ
ប្រភព៖ AFP
សម្តេចធិបតី ថា មិនខឹងKanitha Showទេ តែចង់ឲ្យពលរដ្ឋឈប់បន្តជជែកវែកញែកពីGumball 3000
អាមេរិក ជូនរង្វាន់ ៣០លានដុល្លារ បើអ្នកណាផ្តល់ព័ត៌មាន ឈានដល់ការចាប់ខ្លួន ជនជាតិអ៊ីរ៉ង់ម្នាក់
លោក ហេង សួរ ចូលរួមពិធីសូត្រមន្ត ចម្រើនព្រះបរិត្ដ បុណ្យកាន់បិណ្ឌ នៅវត្តទួលទំពូង ក្នុងខណ្ឌចំការមន រាជធានីភ្នំពេញ
លោក គង់ វិសាល៖ បវរកញ្ញាពិភពលោក ជាការប្រកួតដ៏ពិសេស បង្ហាញពីភាពប៉ិនប្រសប់របស់ស្ត្រី
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
មនុស្សស្រីមានប្រជ្រុយ៥កន្លែងលើរាងកាយ គេចាត់ទុកថានាំលុយ ពូកែគ្រប់គ្រងទ្រព្យ
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
ស្ពានឆ្លងទន្លេទៅអរិយក្សត្រ ឈានចុះហត្ថលេខាសិក្សាលម្អិតបច្ចេកទេសដំណើរការសាងសង់
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២១ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព