ព័ត៌មានជាតិ
រដ្ឋមន្ត្រីការងារ៖ ការប្រើប្រាស់សារធាតុអាសបេស្តុសយូរឆ្នាំនឹងធ្វើឱ្យប៉ះពាល់ដល់សុខភាព
លោកបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានមានប្រសាសន៍ថាការប្រើប្រាស់សារធាតុអាសបេស្តុសយូរឆ្នាំទៅនឹងធ្វើឱ្យប៉ះពាល់ដល់សុខភាពមនុស្សដូចជាប៉ះពាល់ដល់សួត មហារីក និងផ្នែកផ្សេងទៀតនៃរាងកាយមនុស្ស។
ថ្លែងក្នុងកិច្ចប្រជុំផ្សព្វផ្សាយប្រកាសសមាសភាពនៃក្រុមការងារកសាងកម្រងព័ត៌មានជាតិ ស្តីពី សារធាតុអាសបេស្តុសនៅកម្ពុជា ដែលរៀបចំឡើងក្រោមកិច្ចសហការជាមួយអង្គការILO/Japan តាមរយៈគម្រោងលើកកម្ពស់ស្តង់ដាសុខភាព និងសុវត្ថិភាពការងារក្នុងវិស័យសំណង់ និងអង្គការ អាហ្វីដា ដែលធ្វើឡើងតាមរយៈប្រព័ន្ធវីដេអូZoom នាព្រឹកថ្ងៃទី៣១ ខែសីហា ឆ្នាំ២០២១ លោករដ្ឋមន្ត្រី អ៊ិត សំហេង ដែលជាប្រធានក្រុមការងារកសាងកម្រងព័ត៌មានជាតិ ស្តីពីសារធាតុអាសបេស្តុស នៅកម្ពុជា បានមានប្រសាសន៍បន្តថា«សារធាតុអាសបេស្តុសជាសារធាតុរ៉ែមួយប្រភេទធ្វើឱ្យផលិតផលមានគុណភាព ជាពិសេសគឺ ស្វិត រឹង ហើយតម្លៃថោកអាចទទួលយកបាន ក៏ប៉ុន្តែការប្រឈមនឹងសារធាតុអាសបេស្តុសអាចធ្វើឲ្យមានជំងឺដូចជា មហារីកសួត ហើយជាញឹកញាប់ សារធាតុនេះត្រូវបានគេហៅថា ជាឃាតកលាក់មុខ ព្រោះវាត្រូវការពេលវេលាច្រើនឆ្នាំដើម្បីចូលមកបំផ្លាញសុខភាពរបស់អ្នកដែលបានប៉ះពាល់ ឬក៏ទទួលរងឥទ្ធិពលពីសារធាតុអាសបេស្តុសនេះ ដែលភាគច្រើនវាវាយឡុកចូលទៅក្នុងសួត និងផ្នែកផ្សេងទៀតនៃរាងកាយមនុស្ស»។
លោករដ្ឋមន្ត្រីបានបន្តទៀតថា ក្នុងវិស័យឧស្សាហកម្មការប្រើប្រាស់ធនធានវត្ថុធាតុដើម គឺវាតែងតែ មានមុខពីរ៖ ទី១ វាអាចបង្កើតនូវផលិតផលឬក៏ធ្វើឱ្យផលិតផលកាន់តែមានគុណភាពសម្រាប់ការប្រើប្រាស់ ឬកាន់តែមានប្រសិទ្ធភាព ប៉ុន្តែមួយមុខទៀត បើយើងប្រើប្រាស់វាមិនបានប្រុងប្រយ័ត្នទេ វានឹងបង្កើតហានិភ័យសម្រាប់មនុស្ស មិនត្រឹមតែកម្មករនិយោជិតអ្នកផលិតទេ អ្នកប្រើប្រាស់និងអ្នកជុំវិញក៏អាចជាអ្នកមានគ្រោះថ្នាក់ដែរ ។
លោករដ្ឋមន្ត្រីបានបន្ថែមថា «យើងទាំងអស់គ្នាប្រហែលជាដឹងថា ក្នុងពិភពលោកយើងនេះទស្សនៈរួមមិនទាន់មានការឯកភាពគ្នាទាំងស្រុងចំពោះបញ្ហានេះ នៅមាន១ផ្នែកជាអ្នកផលិត និងប្រើប្រាស់ និងមួយផ្នែកទៀតជាអ្នកឈប់ផលិត និងទប់ស្កាត់ហើយទស្សនទាននោះ វាមានឥទ្ធិពលទៅគ្រប់ទីកន្លែងហើយនៅកម្ពុជាអ្នកដឹងបញ្ហានេះមានតិចគ្នានៅឡើយ។ ដូច្នេះ ក្រុមការងារយើងមានតួនាទីសំខាន់ណាស់ដើម្បីចងក្រងប្រមូលព័ត៌មានទាំងអស់ហើយផលប្រយោជន៍យ៉ាងម៉េច? ផលប៉ះពាល់យ៉ាងម៉េច? គ្រោះថ្នាក់យ៉ាងម៉េចក្នុងការប្រើប្រាស់?»។
លោករដ្ឋមន្ត្រីបានបញ្ជាក់ថា កន្លងមកសារធាតុអាសបេស្តុស វាប្រើទៅលើក្បឿងហ្វ៊ីប្រូ បើធ្វើក្បឿងធម្មតា មិនប្រើសារធាតុអាសបេស្តុសវាក្រាស់ហើយកម្លាំងសង្កត់ឆាប់បាក់ផុយ។ ដូច្នេះអ្នកផលិតចូលចិត្តប្រើវាជាងដើម្បីធ្វើយ៉ាងណាធានាបាននូវគុណភាព និងការប្រកួតប្រជែង នៅក្នុងទីផ្សារ។
លោករដ្ឋមន្ត្រីបានបន្តថា កន្លងមកកម្ពុជាមានកន្លែងធ្វើ ហ្វ៊ីប្រូ ដែរតែបើតាមរបាយការណ៍ក្នុងកម្រងព័ត៌មានជាតិលើកទី១របស់យើងការផលិតនេះ មិនមានប្រើអាសបេស្តុសទេ តែមានការនាំចូលមកកម្ពុជា ហេតុនេះយើងត្រូវតែប្រមូលព័ត៌មានបន្ថែម។
លោករដ្ឋមន្ត្រីបានលើកឡើងថា៖ «នៅប្រទេសមួយចំនួនខ្ញុំបានទៅមើលឃើញមានប្រើ តែគេប្រើយ៉ាងប្រុងប្រយ័ត្នមែនទែន សូម្បីកន្លែងទុកដាក់ក៏ជាកន្លែងទុកដាក់ដែលពិសេស គេដាក់ក្នុងបាវជិត ហើយមានហ៊ុមបាំងដោយវាំងនន ហើយមិនយកមនុស្សទៅប៉ះពាល់វាបានទេ ប្រើសុទ្ធតែគ្រឿងយន្តនេះជាបញ្ហាមួយដែលយើងត្រូវតែប្រុងប្រយ័ត្ន»។
លោករដ្ឋមន្ត្រីក៏បានបន្ថែមថា«យើងចាប់ផ្តើមថ្ងៃនេះក្នុងកម្រិតជាក្រុមការងារចងក្រង និងប្រមូលព័ត៌មាន ហើយការចងក្រងប្រមូលព័ត៌មានរបស់យើងទិសដៅទៅអនាគតដោយសារតែកិច្ចការនេះ មិនមែនតែស្ថាប័នមួយទេដែលត្រូវដោះស្រាយបាន មិនមែនក្រសួងការងារតែមួយ ឬស្ថាប័នណាមួយជាអ្នកធ្វើដាច់តែឯងបានទេ គឺត្រូវរៀបចំជាលិខិតបទដ្ឋានគតិយុត្តអ្វីមួយរបស់រាជរដ្ឋាភិបាលសម្រាប់គ្រប់គ្រងប្រើប្រាស់ដោយប្រុងប្រយ័ត្ន។
លោករដ្ឋមន្ត្រីបន្តថា «ក្រសួងការងារធ្វើរឿងនេះ គឺដើម្បីគិតពីសុវត្ថិភាពសម្រាប់រយៈពេលវែងសម្រាប់ដំណើរការអភិវឌ្ឍន៍ប្រទេសជាតិយើងទៅមុខ ហើយរាជរដ្ឋាភិបាលកម្ពុជាកំពុងគិតគូពីបញ្ហាសុខភាព បញ្ហាការបង្ការគ្រោះថ្នាក់ការងារសព្វបែបយ៉ាងដើម្បីធ្វើយ៉ាងណាឱ្យកម្លាំងពលកម្មរបស់ជាតិយើងក្លាយជាសក្តានុពលជាតិរបស់យើងសម្រាប់អនាគត ហើយបញ្ហាធនធានមនុស្សជាអាទិភាពទី១»។
គួរបញ្ជាក់ថា សារធាតុអាសបេស្តុសត្រូវបានគេប្រើប្រាស់នៅក្នុងវិស័យឧស្សាហកម្មខុសៗគ្នានៅក្នុងប្រទេសដែលគេអនុញ្ញាតឱ្យប្រើប្រាស់។
ជាឧទាហរណ៍នៃប្រភេទផលិតផលមួយចំនួនដែលផ្ទុកអាសបេស្ដុស រួមមាន៖ សន្លឹកសម្ភារហ្វីប្រូស៊ីម៉ង់ត៍ និងសម្ភារសំណង់ផ្សេងទៀត, ប្រព័ន្ធការពារកម្ដៅ និងប្រព័ន្ធការពារស្រូបសំឡេង, ឧបករណ៍ពន្លត់អគ្គីភ័យ, អ៊ីសូឡង់(Insulation), កម្រាលឥដ្ឋជាតិផ្លាស្ទិក, វិស័យវាយនភណ្ឌ, សម្ភារដែលងាយរងការកកិត(ហ្វ្រាំងរថយន្ត), ទ្រនាប់ (ឡចំហាយ) និងសម្ភារសម្រាប់វេចខ្ចប់ ជាដើម៕
អត្ថបទ៖ សំអឿន
លោក ហេង សួរ ចូលរួមពិធីសូត្រមន្ត ចម្រើនព្រះបរិត្ដ បុណ្យកាន់បិណ្ឌ នៅវត្តទួលទំពូង ក្នុងខណ្ឌចំការមន រាជធានីភ្នំពេញ
លោក គង់ វិសាល៖ បវរកញ្ញាពិភពលោក ជាការប្រកួតដ៏ពិសេស បង្ហាញពីភាពប៉ិនប្រសប់របស់ស្ត្រី
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
មនុស្សស្រីមានប្រជ្រុយ៥កន្លែងលើរាងកាយ គេចាត់ទុកថានាំលុយ ពូកែគ្រប់គ្រងទ្រព្យ
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៤ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៧ ម៉ោង agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan