កីឡា

ភូមិកីឡា គឺជាចំណុចយុទ្ធសាស្ត្រសំខាន់ ដើម្បីជំរុញឲ្យការទទួលរៀបចំធ្វើម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ទទួលបានជោគជ័យ

បានផុស

៣ years មុន

នៅ

ថ្ងៃអង្គារ ៣១ សីហា ២០២១

ដោយ

នៅក្នុងឱកាសដឹកនាំកិច្ចប្រជុំត្រួតពិនិត្យវឌ្ឍនភាពការងារសាងសង់ភូមិកីឡា ដោយផ្ទាល់ និងតាមប្រព័ន្ធបច្ចេកវិទ្យា Zoom នៅព្រឹកថ្ងៃអង្គារនេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួ ងការពារជាតិ និងជាប្រធាន CAMSOCបានផ្តល់អនុសាសន៍ថា ភូមិកីឡា គឺជាចំ ណុចយុទ្ធសាស្ត្រសំខាន់ ដើម្បីជំរុញឲ្យការទទួលរៀបចំធ្វើម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ទទួលបានជោគ ជ័យ ដោយភូមិកីឡានេះ នឹងទទួលការស្នាក់នៅ-ហូបចុករបស់ប្រតិភូ-អត្តពលិក ក្នុងកម្រិតស្តង់ដារអន្តរជាតិ ដើម្បីបម្រើដល់ផលប្រយោជន៍ជាតិ សេចក្តីថ្លៃថ្នូរជាតិ ក្នុងពេលទទួលព្រឹត្តិការណ៍កីឡាដ៏ធំប្រចាំតំបន់អាស៊ីអាគ្នេយ៍ រៀងរាល់២ឆ្នាំម្តងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន អគ្គលេខាធិការ CAM SOCមានប្រសាសន៍ប្រាប់អ្នកសារព័ត៌មានក្រោយបញ្ចប់កិច្ចប្រជុំថា អ្វីដែលសំខាន់ នៅក្នុងកិច្ចប្រជុំ គឺអនុសាសន៍ដ៏ខ្ពង់ខ្ពស់របស់សម្តេចពិជ័យសេនា បានជំរុញឲ្យក្រុមហ៊ុនសាងសង់បន្តសកម្មភាពសាង សង់ឲ្យសម្រេចបានទាន់ពេលវេលា និងបន្ថែមនូវតម្រូវការចាំបាច់ផ្នែកបច្ចេកទេសមួយចំនួនទៀត។

ការធ្វើបទបង្ហាញពីអ្នកឧកញ៉ា សៀ ឬទ្ធី នៃក្រុមហ៊ុន WorldBridge Sport Willage ដែលទទួលបានសិទ្ធិសាងសង់ភូមិកីឡា ដែលក្រុមហ៊ុនសាងសង់នេះបានបំពេញកាតព្វកិច្ចក្នុងការបង្ហាញវឌ្ឍនភាពការងារសាងសង់ឲ្យទាន់ពេលវេលា។ ជា មួយគ្នានោះ អ្នកឧកញ៉ា សៀ ឬទ្ធី ក៏បានអះអាងជាថ្មីថា ដំណើរការសាងសង់នេះនឹងសម្រេចបានតាមផែនការ និងមិនធ្វើឲ្យ ខូចកិត្តិយសជាតិនោះទេ ដោយដំណើរការសាងសង់នឹងធ្វើឲ្យបានរួចរាល់តាមផែនការ។

លោកអគ្គលេខាធិការបន្ថែមថា «ការអះអាងរបស់ក្រុមហ៊ុនសាងសង់នេះបានធ្វើឲ្យសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធាន CAMSOC មានទំនុកចិត្តខ្ពស់ ក្នុងការត្រៀមខ្លួនគ្រប់ទម្រង់ទាំងអស់ ដើម្បីត្រៀមឆ្ពោះទៅទទួលរៀបចំធ្វើជាម្ចាស់ផ្ទះស៊ីហ្គេម-អាស៊ានប៉ារ៉ាហ្គេម ឆ្នាំ២០២៣។ អ្វីដែលសំខាន់ គឺអនុសាសន៍ដ៏ខ្ពង់ខ្ពស់របស់សម្តេចពិជ័យសេនាបានជំរុញឲ្យក្រុមហ៊ុនសាងសង់បន្តសកម្មភាពសាងសង់ឲ្យសម្រេចបានទាន់ពេលវេលា និងបន្ថែមនូវតម្រូវការចាំបាច់ផ្នែកបច្ចេក ទេសមួយចំនួនទៀត ដែលលោកបណ្ឌិត ថោង ខុន អនុប្រធានអចិន្ត្រៃយ៍ CAM SOC បានលើកឡើង»។

«ដូច្នេះ ភូមិកីឡានេះ គឺជាចំណុចយុទ្ធ សាស្ត្រសំខាន់ ដើម្បីជំរុញឲ្យការទទួលរៀបចំធ្វើម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ទទួលបានជោគជ័យ ដោយភូមិកីឡានេះនឹងទទួលការស្នាក់នៅ-ហូបចុករបស់ប្រតិភូ-អត្តពលិក ក្នុងកម្រិតស្តង់ដារអន្តរជាតិ ដើម្បីបម្រើដល់ផលប្រ យោជន៍ជាតិ សេចក្តីថ្លៃថ្នូរជាតិ ក្នុងពេលទទួលព្រឹត្តិការណ៍កីឡាដ៏ធំប្រចាំតំបន់អាស៊ីអាគ្នេយ៍ រៀងរាល់២ឆ្នាំម្តងនេះ។

លោក វ៉ាត់ ចំរើន សង្កត់ធ្ងន់ថា ជារួមនៅ ក្នុងកិច្ចប្រជុំនៅព្រឹកថ្ងៃអង្គារនេះ ថ្នាក់ដឹក នាំ CAMSOC ទទួលបានភាពកក់ក្តៅនៃដំណើរការវឌ្ឍនភាពការងារសាងសង់ភូមិកីឡានេះ តាមផែនការ»។

សូមបញ្ជាក់ថា តាមផែនការ ដំណើរការសាងសង់ភូមិកីឡា ដែលស្ថិតនៅក្នុងពហុកីឡដ្ឋានជាតិមរតកតេជោ ខណ្ឌជ្រោយចង្វារ រាជធានីភ្នំពេញនឹងត្រូវបញ្ចប់ នាចុង ឆ្នាំ២០២២ ដោយភូមិកីឡានេះអាចបម្រើដល់ការស្នាក់នៅរបស់ប្រតិភូ អត្តពលិក មន្ត្រីបច្ចេកទេស ប្រមាណ ១ម៉ឺននាក់ ក្នុងពេលទទួលធ្វើម្ចាស់ផ្ទះស៊ីហ្គេម-អាស៊ានប៉ារ៉ាហ្គេម ឆ្នាំ២០២៣៕

អត្ថបទ៖ វិសិទ្ធ