កីឡា

អបអរ! វ៉ាន វ៉ុន ឈានដល់វគ្គផ្តាច់ព្រ័ត្រប៉ារ៉ាឡាំពិកនៅជប៉ុន

បានផុស

៣ years មុន

នៅ

ថ្ងៃពុធ ១ កញ្ញា ២០២១

ដោយ

កីឡាករជនពិការផ្នែករទេះប៉ារ៉ាឡាំពិកកម្ពុជា វ៉ាន វ៉ុន បានឆ្លងផុតវគ្គជម្រុះ ឡើងទៅប្រកួតវគ្គផ្តាច់ព្រ័ត្រ នៃព្រឹត្តិការណ៍ប៉ារ៉ាឡាំពិក ទីក្រុងតូក្យូ ឆ្នាំ២០២០ នៅប្រទេសជប៉ុនហើយ បន្ទាប់ពីទទួលបានចំណាត់ថ្នាក់លេខ២ ក្នុងស៊េរីទី១ លើវិញ្ញាសាប្រណាំងរទេះ T54 ចម្ងាយ១០០ម៉ែត្រ ដោយប្រើថេរវេលា១៤.៣៩វិនាទី ខណៈកីឡាករថៃឈរចំណាតលេខ១ ប្រើថេរវេលា១៤.០០វិនាទី។ នេះបើយោងតាមគណៈកម្មាធិការជាតិអូឡាំពិកកម្ពុជា។

តាមរយៈលទ្ធផលខាងលើនេះ នាំឲ្យកីឡាករថៃ Athiwat Paeng-Nuea និងកីឡាករ វ៉ាន វ៉ុន របស់កម្ពុជា ឡើងទៅប្រកួតវគ្គផ្តាច់ព្រ័ត្រ ដែលការប្រកួតវគ្គដណ្ដើមមេដាយព្រឹត្តិការណ៍ពិភពលោក ៤ឆ្នាំម្ដងនេះ គ្រោងនឹងប្រកួតនាវេលាម៉ោង ៥:៣០នាទីល្ងាចនេះ (ម៉ោងនៅកម្ពុជា)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គជម្រុះលើវិញ្ញាសាប្រណាំងរទេះ T54 ចម្ងាយ ១០០ម៉ែត្រ ចែកចេញជា ៣ ស៊េរី ដោយក្នុងមួយស៊េរីមានកីឡាករ ៦នាក់ មកពី ៦ប្រទេស ខណៈចប់ការប្រកួតវគ្គជម្រុះ កីឡាករឈរលេខ១ និងលេខ២ ក្នុងស៊េរីនីមួយៗ ត្រូវបានជ្រើសរើសជាបេក្ខភាពវគ្គផ្តាច់ព្រ័ត្រដណ្តើមមេដាយតែម្តង។

កីឡាករ វ៉ាន វ៉ុន ធ្វើបានយ៉ាងល្អ និងបានបំបែកកំណត់ត្រាឡើងវគ្គផ្ដាច់ព្រ័ត្រព្រឹត្តិការណ៍ពិភពលោកនេះ។ រូបគេនឹងបន្ដការខិតខំប្រឹងប្រែង និងធ្វើបានកាន់តែល្អបន្ថែមទៀតនៅវគ្គផ្ដាច់ព្រ័ត្រ ដើម្បីដណ្ដើមលទ្ធផលល្អជូនជាតិមាតុភូមិ។

ព្រឹត្តិការណ៍ប្រកួតកីឡាប៉ារ៉ាឡាំពិក នៅទីក្រុងតូក្យូ ប្រទេសជប៉ុន ឆ្នាំ២០២០ កម្ពុជាបានបញ្ជូនអត្តពលិក ១រូប និងប្រតិភូ ១រូបចូលរួម គឺកីឡាករ វ៉ាន វ៉ុន និងលោក យី សុភក្រ្តា ជាប្រតិភូ៕

អត្ថបទ៖ វីរបុត្រ
ប្រភព៖ CNCC

Related Topics:ព្រឹត្តិការណ៍កីឡាអូឡាំពិក