ព័ត៌មានជាតិ
លោកជិន ម៉ាលីន ៖ ការស្រាវជ្រាវរកប្រភពដើមនៃមេរោគកូវីដ-១៩ មិនគួរត្រូវបានមហាអំណាចប្រើប្រាស់ជាឧបករណ៍នយោបាយនោះទេ
ការស្រាវជ្រាវរកប្រភពដើម នៃមេរោគកូវីដ-១៩ និងការប្រយុទ្ធប្រឆាំងនឹងជំងឺកូវីដ-១៩នេះ គឺមិនគួរត្រូវបានប្រើប្រាស់ជាឧបករណ៍នយោបាយរបស់ប្រទេសមហាអំណាចនោះទេ តែគួរត្រូវបានធ្វើឡើងតាមបែបវិទ្យាសាស្ត្រ ដើម្បីជាប្រយោជន៍ពិភពលោកទាំងមូល ពីព្រោះវាជាបញ្ហាសកល ប្រសិនបើប្រទេសណាមួយគ្មានសុវត្ថិភាពនោះទេ នោះពិភពលោកទាំងមូលក៏គ្មានសុវត្ថិភាពដែរ។
នេះជាការលើកឡើងរបស់លោក ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជា នៅក្នុងកម្មវិធី “សំឡេងការពិតដើម្បីប្រជាជន” កាលពីថ្ងៃទី៣១ ខែសីហា ឆ្នាំ២០២១ ម្សិលមិញ។
បើតាមលោក ជិន ម៉ាលីន បញ្ជាក់យ៉ាងដូច្នេះថា “ពាក់ព័ន្ធដល់ការប្រយុទ្ធប្រឆាំងជំងឺកូវី១៩ នៅលើពិភពលោកនេះ មកដល់ពេលនេះ ការស្វែងរក ឬរុករកប្រភពដើមនៃជំងឺកូវីដ-១៩ ត្រូវបានប្រទេសមហាអំណាចមួយចំនួន ប្រើប្រាស់ជាឧបករណ៍នយោបាយ ដើម្បីកេងចំណេញផ្នែកនយោបាយ និងជាប្រយោជន៍ក្នុងការប្រកួតប្រជែងឥទ្ធិពលអំណាចភូមិសាស្ត្រតំបន់”។ លោកបន្តថា បញ្ហាកូវីដ-១៩ នេះ គឺជាបញ្ហាសុខាភិបាល ដូច្នេះការស្រាវជ្រាវរកប្រភពដើម គួរតែត្រូវបានធ្វើឡើងតាមបែបលក្ខណៈ វិទ្យាសាស្ត្រ ដើម្បីជាផលប្រយោជន៍របស់ប្រជាជាតិទូទាំងពិភពលោក ដើម្បីប្រឆាំងទប់ស្កាត់ការរាលដាល។ បញ្ហានេះមិនគួរត្រូវបានមហាអំណាចប្រើប្រាស់ជាឧបករណ៍នយោបាយក្នុងការកេងចំណេញ វាយប្រហារ ឬក៏ប្រជែងឥទ្ធិពលអំណាចនៅក្នុងភូមិសាស្ត្រនយោបាយតំបន់នោះទេ។ ពីព្រោះវាអាចមានគ្រោះថ្នាក់ដល់ពិភពលោកទាំងមូល ដែលកំពុងតែយាយីដោយមេរោគដ៏កាចសាហាវនេះស្រាប់។
លោក ជិន ម៉ាលីន អះអាងថា បញ្ហាជំងឺកូវីដ-១៩ នេះគឺជាបញ្ហាសកល ដែលមិនមែនជាបញ្ហារបស់ប្រទេសណាមួយនោះទេ ហើយប្រសិនបើប្រទេសណាមួយគ្មានសុវត្ថិភាព ពិភពលោកនៅតែគ្មានសុវត្ថិភាពដដែល ពីព្រោះជំងឺនេះវាឆ្លងលឿន ហើយគ្មានព្រំដែននោះទេ វាអាចឆ្លងពីមនុស្សម្នាក់ទៅមនុស្សម្នាក់ ពីតំបន់មួយទៅតំបន់មួយ ពីប្រទេសមួយទៅប្រទេសមួយ ។ លោកថា ប្រទេសទាំងអស់នៅលើពិភពលោក មិនអាចរស់នៅដាច់ដោយឡែកតែឯង មិនអាចបិទប្រទេសរបស់ខ្លួនជាអចិន្ត្រៃយ៍ ដោយមិនធ្វើការទំនាក់ទំនងជាមួយបណ្ដាប្រទេសដទៃនោះឡើយ ជាពិសេសនៅក្នុងនយោបាយអន្តរជាតិនៅពេលបច្ចុប្បន្ននេះ ដែលគេហៅថានយោបាយសកលភាវូបនីយកម្ម ដែលត្រូវការមានទំនាក់ទំនងពីប្រទេសមួយទៅប្រទេសមួយ លើផ្នែកសេដ្ឋកិច្ច ពាណិជ្ជកម្ម នយោបាយ និងការទូតជាដើម ដូច្នេះមិនអាចមានប្រទេសណាមួយរស់នៅតែឯងបានទេ។
លោក ជិន ម៉ាលីន បញ្ជាក់ទៀតថា “ប្រសិនបើប្រទេសណាមួយគ្មានសុវត្ថិភាព ពិភពលោកនេះ នៅតែគ្មានសុវត្ថិភាពដដែល អញ្ចឹងទេបណ្ដាប្រទេសនៅលើពិភពលោក ជាពិសេសប្រទេសមហាអំណាច គួរតែរួបរួមគ្នា គួរតែសហការគ្នា គួរតែជួយគ្នាទៅវិញទៅមក ក្នុងការប្រយុទ្ធប្រឆាំងជំងឺកូវីដ១៩ តាមរយៈកិច្ចសហប្រតិបត្តិការផ្នែកបច្ចេកទេស សុខាភិបាល និងផ្ដល់ជំនួយបច្ចេកទេសផ្សេងៗ ដូចជាវ៉ាក់សាំង ឬថ្នាំព្យាបាលជាដើម ដើម្បីប្រយុទ្ធ ទប់ស្កាត់ ទៅនឹងការឆ្លងរាលដាលនៃជំងឺនេះ ដោយទុកផលប្រយោជន៍នយោបាយមួយឡែកសិន ធ្វើយ៉ាងណាឱ្យពិភពលោកទាំងមូលមានសុវត្ថិភាពសិន”។
គួររំលឹកថា នៅពេលជំងឺកូវីដ១៩ រីករាតត្បាតខ្លាំងនៅពាសពេញពិភពលោក ប្រធានាធិបតីអាមេរិកលោកដូណាល់ត្រាំ គឺជាមនុស្សលេចធ្លោជាងគេបំផុត ដែលបានចោទប្រកាន់ប្រទេសចិនថា បានបិទបាំងអំពីការផ្ទុះឡើងដំបូងនៃកូវីដ១៩។ មិនតែប៉ុណ្ណោះ លោកត្រាំថែមទាំងបានចោទថា អង្គការសុខភាពពិភពលោកថា គ្មានសមត្ថភាព និងជាអាយ៉ងរបស់ចិនទៀតផង។ រហូតមកដល់ពេលនេះ ការស្វែងរកប្រភពដើមជំងឺវីរុសកូវីដ១៩ ត្រូវបានលោក Wang Wenbin អ្នកនាំពាក្យក្រសួងការបរទេសចិន បានបញ្ជាក់ពីគោលជំហររបស់ភាគីចិន លើបញ្ហាស្វែងរកប្រភពដើម នៃជំងឺវីរុសនេះ ដោយលោកបានសង្កត់ធ្ងន់ថា គោលជំហររបស់ចិនលើបញ្ហាស្វែងរកប្រភពដើម នៃជំងឺវីរុសជាសកល គឺមានលក្ខណៈច្បាស់លាស់ និងមិនប្រែប្រួល គឺចិនគាំទ្រការស្វែងរកប្រភពដើមជំងឺវីរុសជាបញ្ហាវិទ្យាសាស្ត្រ។
ចំណែកប្រទេសកម្ពុជា ក៏បានប្រកាសគាំទ្រ ការស្វែងរកប្រភពដើម នៃមេរោគកូវីដ-១៩ តាមបែបវិទ្យាសាស្ត្រផងដែរ និងប្រឆាំងដាច់ខាត ចំពោះការប្រើប្រាស់ឧបាយកលនយោបាយលើលទ្ធផលវិទ្យាសាស្ត ហើយដាក់បន្ទុកដល់អ្នកដ៏ទៃ ដោយគ្មានភស្តុតាងច្បាស់លាស់៕
ដោយ ៖ កោះកែវ
វត្តដំណាក់ខេត្តសៀមរាប ប្រារព្ធបុណ្យមាឃបូជា ដោយមានព្រះសង្ឃ និងពុទ្ធបរិស័ទចូលរួមជាង៥ពាន់អង្គ/នាក់
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
រដ្ឋបាលរាជធានី នឹងបិទផ្លូវឆ្លងកាត់ចំណុចប្រសព្វរវាងផ្លូវ៥៩៨ និងប្រឡាយអូរវែង ចាប់ពីថ្ងៃទី១៤ ខែកុម្ភៈ ដល់ថ្ងៃទី១៣ ខែឧសភា
ក្រុមអ្នកផលិតមាតិកាតាមបណ្ដាញសង្គម ប្រាប់ក្រុម MMO កុំបំផុសបំផុលព័ត៌មានមួលបង្កាច់ ញុះញង់ និងចោទប្រកាន់គ្មានការពិត
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
កវីនិពន្ធល្បីខាងកំណាព្យ បណ្ឌិត ជ័យ ចាប ធ្លាក់ខ្លួនឈឺធ្ងន់ចូលសង្គ្រោះបន្ទាន់
ហ្សេលេនស្គី៖ អ៊ុយក្រែនត្រៀមខ្លួនប្រគល់ទឹកដីដូរយកសន្តិភាពហើយ
Breaking News៖ អគ្គិភ័យកំពុងឆេះស្ថានីយប្រេងឥន្ធនៈ នៅខេត្តព្រះសីហនុ(មានវីដេអូ)
ស្ពានឆ្លងកាត់ទន្លេមេគង្គ ភ្ជាប់ទៅផ្លូវល្បឿនលឿនភ្នំពេញ-បាវិត វឌ្ឍនភាពសម្រេចបានជាង ៥%
ហេតុការណ៍បំផ្ទុះគ្រាប់បែកអត្តឃាតកក្រើកឡើងជាថ្មីនៅអាហ្វហ្គានីស្ថាន
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ជីវិតកម្សាន្ដ៥ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត