សុខភាព
ជីរខិនឆាយសម្បូរសារធាតុចិញ្ចឹម ផ្តល់ប្រយោជន៍ ៧យ៉ាងដល់សុខភាព
ជីរខិនឆាយ ឬជីវ៉ាន់ស៊ុយបារាំង (Parsley) មិនត្រឹមតែអាចលម្អ និងបន្ថែមក្លិនឈ្ងុយដល់ម្ហូបទេ ថែមទាំងផ្តល់គុណប្រយោជន៍ជាច្រើនដល់សុខភាពយើងទៀតផង។ យោងតាមក្រសួងកសិកម្មសហរដ្ឋអាមេរិក (USDA) បានឱ្យដឹងថា ជីរខិនឆាយសម្បូរទៅដោយ កាល់ស្យូម ប៉ូតាស្យូម វីតាមីន C ហ្វូលេត វីតាមីន A វីតាមីន K និងសារធាតុចិញ្ចឹមជាច្រើនទៀត។ តើជីរខិនឆាយផ្តល់គុណប្រយោជន៍ដល់សុខភាពរបស់យើងដូចម្តេចខ្លះ?
ខាងក្រោមនេះជាអត្ថប្រយោជន៍ជីរខិនឆាយ៖
១. ពង្រឹងសុខភាពឆ្អឹង៖ ជីរខិនឆាយសម្បូរទៅដោយកាល់ស្យូម វីតាមីន D និងវីតាមីន K ដែលល្អចំពោះសុខភាពឆ្អឹង។
២. ពង្រឹងប្រព័ន្ធការពាររាងកាយ៖ វីតាមីន C ដ៏ច្រើននៅក្នុងជីរខិនឆាយជួយជំរុញការផលិតកោសិកាឈាមសដែលជាអង់ទីករការពាររាងកាយ។ វីតាមីន C ក៏ដើរតួជាអង់ទីអុកស៊ីដង់ប្រឆាំងផលប៉ះពាល់ពីរ៉ាឌីកាល់សេរីលើរាងកាយរបស់យើងដែរ។
៣. ជួយឱ្យស្បែកស្អាត៖ វីតាមីន C ក្នុងជីរខិនឆាយគឺជាសមាសធាតុសំខាន់ក្នុងការផលិតកូឡេជេន។ កូឡេជេនធ្វើឱ្យស្បែកមានភាពយឺត ពន្យារភាពចាស់ និងភាពជ្រីវជ្រួញ។
៤. ប្រឆាំងនឹងការរលាក៖ ជីរខិនឆាយមានសារធាតុប្រឆាំងអុកស៊ីតកម្មខ្ពស់ដូចជាវីតាមីន C, A និង E ដែលអាចជួយបំបាត់ការរលាក។ វេជ្ជបណ្ឌិត Brunilda Nazario បានលើកឡើងថា “ ជីរខិនឆាយអាចជួយកាត់បន្ថយហានិភ័យនៃជំងឺរលាកសន្លាក់” ។
៥. ការពារជំងឺបេះដូង៖ ជីរខិនឆាយមានផ្ទុកសារជាតិហ្វូឡាតដែលជាវីតាមីន B ដ៏សំខាន់ក្នុងការការពារបញ្ហាបេះដូង លោកស្រី Carolina Guízar អ្នកជំនាញផ្នែកអាហារូបត្ថម្ភបានលើកឡើងថា “ ជាតិហ្វូឡាតជួយរក្សាកម្រិតអាស៊ីដអាមីណូ homocysteine នៅក្នុងរាងកាយដែលជាសមាសធាតុដែលអាចបំផ្លាញសរសៃឈាម និងបង្កើនហានិភ័យនៃជំងឺបេះដូង”។
៦. ជួយការពារភ្នែក៖ វីតាមីន A នៅក្នុងជីរខិនឆាយជួយការពារកុំឱ្យភ្នែកស្ងួត ខ្វាក់មាន់ និងភ្នែកឡើងបាយ។
៧. កាត់បន្ថយហានិភ័យគ្រួសក្នុងតម្រងនោម៖ យោងតាមការសិក្សាមួយដែលបានបោះពុម្ពផ្សាយនៅក្នុងទិនានុប្បវត្តិ Ethnopharmacalogy បានឱ្យដឹងថា ជីរខិនឆាយជាសារធាតុបញ្ចុះទឹកនោម។ មានន័យថាវាអាចជំរុញដល់ការបត់ជើងតូចដែលអាចសម្អាតប្លោកនោម និងតម្រងនោម និងការពារការមានក្រួសក្នុងតម្រងនោម។ សារធាតុបញ្ចុះទឹកនោមអាចជួយរាងកាយក្នុងការកំចាត់ជាតិពុល ខ្លាញ់ អំបិល និង ទឹកយ៉ាងឆាប់រហ័ស និងកាត់បន្ថយសម្ពាធលើតម្រងនោម។
ជីរខិនឆាយក៏មានផលប៉ះពាល់មួយចំនួនដែរ៖
- ខិនឆាយគឺជាសារធាតុបញ្ចុះទឹកនោមធម្មជាតិ ការញុំាជីរខិនឆាយច្រើនរួមជាមួយថ្នាំបញ្ចុះទឹកនោមអាចបណ្តាលឱ្យរាងកាយបាត់បង់ជាតិទឹកច្រើនដែលអាចធ្វើឱ្យយើងវិលមុខ ឬធ្វើឱ្យសម្ពាធឈាមធ្លាក់ចុះទាបខ្លាំង។
- ដោយសារតែជីរខិនឆាយមានផ្ទុកវីតាមីន K ច្រើនដែលជួយឱ្យឈាមឆាប់កក អ្នកដែលញុំាថ្នាំធ្វើឱ្យឈាមរាវ គួរចៀសវាងញុំាជីរខិនឆាយច្រើន។
- មនុស្សមួយចំនួនអាចអាលែកហ្ស៊ីជាមួយជីរខិនឆាយ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ គ្រឿងផ្សំក្នុងអាហារទាំង ៥នេះ ជួយពង្រឹងប្រព័ន្ធភាពស៊ាំក្នុងសម័យរោគរាតត្បាត
ចុចអាន៖ បន្លែសមុទ្រមួយប្រភេទនេះ ល្អចំពោះសុខភាពខ្លាំង ជាពិសេសសម្រាប់អ្នកចូលចិត្តហូប
លោក Maduro បញ្ជាឲ្យដោះលែងមនុស្សជាង១០០នាក់ ដែលត្រូវចោទអំឡុងការបោះឆ្នោត
ចិន ប្រាប់ថា ខ្លួននឹងមិនទន់ជ្រាយចំពោះសកម្មភាពឯករាជ្យរបស់តៃវ៉ាន់ឡើយ
រោងចក្រចំនួន ៤ ឈ្នះពានរង្វាន់មាសឧស្សាហកម្មបៃតងកម្ពុជា ឆ្នាំ២០២៤
ការលក់រថយន្ត EV កើនឡើង ៧ ខែជាប់ៗគ្នា និងដល់អត្រាខ្ពស់បំផុត៣ដង
ភាពតស៊ូរបស់លោកស្រី សៅ កុសល៖ ដំណើរឆ្ពោះទៅចំណុចស្នូលនៃការងារផ្នែកលក់របស់ ក្រុមហ៊ុន ហុិននីគែន ខេមបូឌា
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
សម្ដេចធិបតី ឯកភាពឱ្យតារាចម្រៀង ព្រាប សុវត្ថិ លាលែងចេញពីក្របខ័ណ្ឌកងយោធពលខេមរភូមិន្ទ ឋានន្តរសក្ដិ «វរសេនីយន៍ឯក»
កម្ពុជា កំពុងឈរលេខ១ មានអ្នកគាំទ្រមើលផ្ទាល់ច្រើនបំផុត ពាន AFF Cup
កម្ពុជាមានបំណុលសាធារណៈជាង ១១,៧៨ ប៊ីលានដុល្លារ
ទោះគេប្រាប់ថាជិះកង់រដូវនេះ ត្រជាក់ដល់ -30 ឬ -40°C តែលោក តារារិទ្ធ នៅមានៈបន្តដំណើរដើម្បីកុមារកម្ពុជា
-
វប្បធម៌ ជំនឿ១ សប្តាហ៍ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ១ សប្តាហ៍ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានអន្ដរជាតិ៣ ថ្ងៃ ago១១ខែ វៀតណាម រញ្ជួយដី ៤៥៨លើក
-
ព័ត៌មានជាតិ១ សប្តាហ៍ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
សុខភាព៥ ម៉ោង agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ២ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៤ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
ចរាចរណ៍២ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ