គ្រូពេទ្យចុះយកសំណាកលើអា ជីវករផ្សារធំថ្មី​លើកទី២ចំនួន​៤៤១នាក់ អវិជ្ជមានទាំងអស់

អាជ្ញាធរខណ្ឌដូនពេញ ដែលដឹកនាំដោយលោក សុខ ពេញវុធ អភិបាល នៃគណៈអភិបាលខណ្ឌដូនពេញ ចុះសហការជាមួយប្រធានគណៈកម្មការផ្សារធំថ្មីបានរៀបចំកន្លែងដើម្បីឲ្យក្រុមគ្រូពេទ្យចុះយកសំណាកលើក​ទី២ទៅលើបងប្អូនប្រជាពលរដ្ឋជាពិសេសអាជីវករដែលមានការសង្ស័យនៅទីតាំងចាស់។

លោកស្រី ប៉ុន ដានី អភិបាលរដ្ឋាករស្វយ័ត ផ្សារធំថ្មី មានប្រសាសន៍ឱ្យដឹងនៅព្រឹកថ្ងៃទី០៣ខែកញ្ញាឆ្នាំ​២០២១​នេះការចុះយកសំណាកលើកទី២ដោយគ្រូពេទ្យTidaនេះដែរលើបងប្អូនអាជីវករចំនួន​៤៤១​នាក់ក្នុងនោះប្រុសចំនួន១៣៧នាក់និងស្រី៣០៤ (លទ្ធផលគឺអវិជ្ជមានទាំងអស់គ្នា)។

សូមរំឭកថា កាលល្ងាច ថ្ងៃទី ២៦ ខែសីហា ឆ្នាំ២០២១គ្រូពេទ្យ បានចុះមកសហការ ជាមួយអាជ្ញាធរខណ្ឌដូនពេញ និងគណៈកម្មការផ្សារ ចុះយកសំណាកលើអាជីវករដែល លក់ ម្ហូបអាហារហូបចុក ប៉ែកខាងលិច ក្រោយពីមានអ្នកជំងឺបំប្លែងថ្មី Delta ចំនួន ៥ នាក់ ធ្លាប់បានចេញចូល។

ការយកសំណាក លើកទី១ទៅលើ បងប្អូន អាជីវករនាពេលនោះមាន ចំនួន ៣៥៦ នាក់ ហើយ ក្នុង ចំនួន នេះ​ ក្រុមគ្រូពេទ្យ រកឃើញអ្នកមាន វិជ្ជមាន កូវីដ-១៩ តែម្នាក់ប៉ុណ្ណោះ។ អ្នកវិជ្ជមានកូវីដម្នាក់នេះគាត់ជា អ្នកស៊ីឈ្នួល លក់ គ្រឿងសមុទ្រ ឱ្យគេនៅបរិវេណលក់ បន្លែ ត្រី សាច់។

ជជាមួយគ្នានោះដែរលោកស្រីប៉ុន ដានី អភិបាលរដ្ឋាករស្វយ័ត្នផ្សារធំថ្មីបានបញ្ជាក់ថា ផ្សារធំថ្មី មិនត្រូវ បាន បិទខ្ទប់នោះទេគឺនៅរក្សាការលក់ដូរដដែល (អ្នកដែលពាក់ព័ន្ធគឺត្រូវគោរពតាមការណែនាំរបស់ក្រសួងសុខា​ភិបាលធ្វើចត្តាឡីស័ក២១ថ្ងៃ)។

ចំណែកតូបរបស់គាត់គឺត្រូវបាញ់ថ្នាំសម្លាប់មេរោគគឺអនុញ្ញាតឲ្យក្រុមគ្រួសារមកលក់ដូរដដែល។

លោកស្រីបញ្ជាក់ទៀតថាគណៈកម្មការផ្សារ បាននឹងកំពុងអនុវត្ត យ៉ាងម៉ឺងម៉ាត់បំផុត ចំពោះវិធានការពារ របស់ ក្រសួងសុខាភិបាលពិសេសគឺការអនុវត្ត ៣ កុំ និង ៣ ការពារ របស់សម្តេចតេជោហ៊ុន សែន៕

អត្ថបទៈ រស្មី