KPT+

ជំនន់ទឹកភ្លៀងនឹងមកដល់ស្អែកនេះ ពលរដ្ឋគួរប្រញាប់អនុវត្តវិធី ថែទាំសុខភាពជាបន្ទាន់

បានផុស

៣ years មុន

នៅ

ថ្ងៃអង្គារ ៧ កញ្ញា ២០២១

ដោយ

ក្រសួងធនធានទឹកនិងឧតុនិយមបានចេញសេចក្តីជូនដំណឹង ស្តីពីស្ថានភាពធាតុអាកាសចាប់ពីថ្ងៃទី ៨-១៤ ខែកញ្ញា ឆ្នាំ ២០២១ នេះថា កម្ពុជានឹងទទួលនូវឥទ្ធិពល ជ្រលងសម្ពាធទាបឥណ្ឌាខ្លាំង និងប្រព័ន្ធសម្ពាធទាប (ITCZ) ដែលអូសបន្លាយពីប្រទេសភូមា កាត់ថៃ ឡាវ និងវៀតណាម រួចនឹងចុះបន្តិចមកលើកម្ពុជា បង្កឲ្យផ្ទៃមេឃអួអាប់ អាចមានភ្លៀងធ្លាក់ក្នុងកម្រិតពីបង្គួរទៅខ្លាំង លាយឡំទៅដោយផ្គរ រន្ទះ និងខ្យល់កន្ត្រាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈប្រទេសយើងកំពុងទទួលនូវឥទ្ធិពល ជ្រលងសម្ពាធទាបឥណ្ឌាខ្លាំង ដូច្នេះហើយ ប្រជាពលរដ្ឋដែលនៅតាមបណ្ដាខេត្ត ជាពិសេសរាជធានីភ្នំពេញ អាចប្រឈមជំនន់ទឹកភ្លៀង ដូចដែលក្រសួងបានប្រកាសសូមអនុវត្តវិធីនេះជាបន្ទាន់ ៖

១ ត្រូវមានអាវភ្លៀង ឆត្រ អាវរងា ស្បែកជើងផ្ទាត់ (កុំពាក់ប៉ាតាឬស្បែកជើងត្រូវទឹកងាយរហែក)

២ ក្រោយពេលត្រូវទឹកភ្លៀង ប្រញាប់ងូតទឹកកក់សក់ ហើយជូតខ្លួនឲ្យស្ងួត

៣ ត្រៀមថ្នាំសង្កូវផ្សេងៗ ទាំងថ្នាំផ្ដាសាយ ឈឺក្បាល ក្ដៅខ្លួន ឈឺខ្លួនប្រាណ ថ្នាំរមាស់ពេលសត្វល្អិតទិចឬខាំ ថ្នាំការពារទឹកស៊ីជើង ជាដើម។

៤ ឧស្សាហ៍ផឹកទឹកក្ដៅ ឬហូបស៊ុបបំប៉នរាងកាយ និងផឹកវីតាមីនជំនួយ ជាពិសេសមុនហូបត្រូវមានអនាម័យជាប់ជានិច្ច លាងដៃឲ្យបានញឹកញាប់។

៥ កុំសូវចេញក្រៅពេក ប្រសិនបើគ្មានការងារចាំបាច់ក្នុងអំឡុងរដូវជំនន់ទឹកភ្លៀងនេះ នាំឲ្យពិបាក។ បើឈឺថ្កាត់ពិបាកខ្លួន ចូលពេទ្យឬរកថ្នាំសង្កូវមិនទាន់ក្នុងសម័យរាតត្បាតនេះ។

ដោយឡែកក្រសួងធនធានទឹកនិងឧតុនិយម ក៏បានណែនាំដល់ប្រជាពលរដ្ឋគ្រប់គ្នា ឲ្យបង្កើនការប្រុងប្រយ័ត្នខ្ពស់ចំពោះបាតុភូតធម្មជាតិ ដែលអាចកើតមានឡើងជាយថាហេតុនេះផងដែរ៕

អត្ថបទ៖ សាង ស្រីល័ក្ខ

ចុចអាន៖ប្រយ័ត្នទាំងអស់គ្នា ជំងឺ ៧ មុខនេះកើតញឹកញាប់នៅខែភ្លៀង

ចុចអាន៖ជ្រលងសម្ពាធទាបបង្កជំនន់ទឹកភ្លៀង ខេត្តក្រុង ៨ ឲ្យប្រុងជើងការ