ព័ត៌មានជាតិ

ពូជជីងចក់ ៣ ប្រភេទ ត្រូវបានដាក់បញ្ចូលក្នុងប្រភេទសត្វព្រៃមានដោយបង្គួរ

បានផុស

៣ years មុន

នៅ

ថ្ងៃអង្គារ ៧ កញ្ញា ២០២១

ដោយ

ពូជជីងចង់ ៣ ប្រភេទ ត្រូវដាក់បញ្ចូលក្នុងប្រភេទសត្វព្រៃមានដោយបង្គួរ ដែលត្រូវបានការពារដោយច្បាប់។តាមឯកសាររបស់ក្រសួងកសិកម្ម រុក្ខាប្រមាញ់ និងនេសាទកាលពីឆ្នាំ ២០០៧ បានបញ្ជាក់ពីពូជជីងចង់ទាំង ៣ ប្រភេទមាន៖

-ជីងចក់ក្រចកបួន

-ជីងចក់ម្រាមជើងវែង

-ជីងចក់ជើងបន្លា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សត្វព្រៃជាច្រើនប្រភេទ កំពុងប្រឈមការផុតពូជ ដោយសារការបរបាញ់ និងការជួញដូរខុសច្បាប់។ យោងតាមប្រកាសលេខ ០២០ ប្រ.ក កសក ចុះថ្ងៃទី២៥ ខែ មករា ឆ្នាំ២០០៧ បានបែងចែកសត្វព្រៃជា ៣ ក្រុម មានប្រភេទជិតផុតពូជ ប្រភេទមានដោយកម្រ និងប្រភេទមានដោយបង្គួរ។

១-ក្រុមប្រភេទជិតផុតពូជ គឺជាប្រភេទសត្វព្រៃទាំងឡាយនៅក្នុងធម្មជាតិដែលចំពោះមុខដង់ស៊ីតេនៃសារព័ន្ធនិងភូមិសាស្ត្រនៃទីជម្រករបស់វាត្រូវបានថយចុះយ៉ាងឆាប់រហ័សក្នុងរយៈពេលដប់ (១០) ឆ្នាំចុងក្រោយ ឬ ក្នុងរយៈពេល បី(៣) ជំនាន់តំណពូជនៅក្នុងធម្មជាតិ និងជាប្រភេទដែលមានសារៈសំខាន់ខាងផ្នែកវិទ្យាសាស្ត្រ ព្រមទាំងមានតម្លៃសេដ្ឋកិច្ចខ្ពស់។

២-ក្រុមប្រភេទមានដោយកម្រ គឺជាប្រភេទសត្វព្រៃទាំងឡាយនៅក្នុងធម្មជាតិ ដែលចំពោះមុខដង់ស៊ីតេនៃ សារព័ន្ធរបស់វាមានកម្រិតទាប កម្រជួបប្រទះ ឬមានដោយកម្រ ដែលអាចជួបប្រទះតែនៅក្នុងទីជម្រកណាមួយជាក់លាក់ ឬ ជាស្ថានិកប្រភេទ និងអាចប្រឈមមុខចំពោះការគំរាមកំហែង ឈានទៅរកការផុតពូជនៅក្នុងធម្មជាតិ ។

៣-ក្រុមប្រភេទមានដោយបង្ហូរ គឺជាប្រភេទសត្វព្រៃទាំងឡាយនៅក្នុងធម្មជាតិ ដែលចំពោះមុខដង់ស៊ីតេនៃសារព័ន្ធរបស់វា មានកម្រិតច្រើនបង្គួរ មានរបាយទូលំទូលាយ មានសក្តានុពលបន្តពូជឆាប់រហ័ស និងរងការគំរាមកំហែងតិចតួចក្នុងតម្រូវការសង្គមសេដ្ឋកិច្ច។ ប្រភេទសត្វព្រៃក្នុងក្រុមមានដោយបង្គួរ រួមមានគ្រប់ប្រភេទសត្វ ដែលមិនបានចាត់ថ្នាក់ក្នុងក្រុមប្រភេទជិតផុតពូជ និង ក្រុមមានដោយកម្រ។

បើតាមនាយកដ្ឋានសត្វព្រៃនៃក្រសួងកសិកម្ម រុក្ខាប្រមាញ់ និងនេសាទ បច្ចុប្បន្នសត្វព្រៃត្រូវបានគេរកឃើញក្នុងនោះ ថនិកសត្វប្រហែល១៦២ប្រភេទ សត្វស្លាប ប្រហែល ៦០១ប្រភេទ ឧរង្គសត្វ ប្រហែល១៧៥ ប្រភេទ និងថលជលិកសត្វ ប្រហែល ៧៥ ប្រភេទ៕

អត្ថបទ៖ ប៊ុណ្ណារ៉ា

Related Topics:សត្វព្រៃ