ព័ត៌មានជាតិ

រំលោភចៅបង្កើតមានផ្ទៃពោះ៥ខែ ទើបបែកការណ៍

បានផុស

៤ years មុន

នៅ

ថ្ងៃសុក្រ ១០ កញ្ញា ២០២១

ដោយ

បុរសវ័យ៥០ឆ្នាំជាងត្រូវបានកម្លាំងអធិការដ្ឋាននគរបាលស្រុកសំឡូត ចុះឃាត់ខ្លួនតាមបញ្ជារបស់លោកព្រះរាជអាជ្ញា បន្ទាប់ពីបានធ្លាយអាថ៌កំបាំង រឿងរំលោភចៅស្រីរបស់ខ្លួនឯងរហូតមានផ្ទៃពោះជាង៥ខែ។

ការឃាត់ខ្លួននេះបានធ្វើឡើងនៅថ្ងៃទី០៩ ខែកញ្ញា ឆ្នាំ២០២១ ត្រង់ចំណុចភូមិតាតោក ឃុំតាតោក ស្រុកសំឡូត ខេត្តបាត់ដំបង បន្ទាប់ពីឆ្លងយោបល់ពីលោកឧត្តមសេនីយ៍ទោ សាត គឹមសាន ស្នងការនៃស្នងការ ដ្ឋាននគរបាលខេត្តបាត់ដំបង និងដោយមានការឯកភាពពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ម៉ែន រីម អធិការនគរបាលស្រុកសំឡូត បានដឹកនាំកម្លាំងផ្នែកយុត្តិធម៌ស្រុកចុះធ្វើការឃាត់ខ្លួនជនសង្ស័យក្នុងករណីរំលោភសេពសន្ថវ:លើអនីតិជន កាលពីអំឡុងឆ្នាំ២០២០ រហូតដល់មានផ្ទៃពោះ ដោយជនសង្ស័យមានឈ្មោះ ឌួង ពឿន ភេទប្រុស អាយុ៥៩ឆ្នាំ រស់នៅភូមិតាតោក ឃុំតាតោក ស្រុកសំឡូត បានធ្វើសកម្មភាពរំលោភសេពសន្ថវៈលើក្មេងស្រី១នាក់ ជាច្រើនដងដែលត្រូវជាចៅស្រីខ្លួនឈ្មោះ ស ច ធ អាយុ១៤ឆ្នាំ រហូតដល់មានផ្ទៃពោះរយៈពេល ២៤សប្តាហ៍ និង៥ថ្ងៃ ។

បច្ចុប្បន្នករណីនេះ កម្លាំងនគរបាលស្រុកកំពុងរៀបចំសំណុំរឿងបញ្ជូនជនសង្ស័យ ទៅការិយាល័យជំនាញនៃស្នងការដ្ឋាននគរបាលខេត្ត ដើម្បីចាត់ការបន្តតាមផ្លូវច្បាប់ ៕

អត្ថបទ៖ សោ និយមរ័ត្ន