ឃាត់ខ្លួនជនសង្ស័យ ០១នាក់ ជួញដូរសារធាតុញៀន នៅសង្កាត់ទឹកថ្លា

ជនសង្ស័យ ០១នាក់ ត្រូវនគរបាលរដ្ឋបាលទឹកថ្លា ឃាត់ខ្លួន ករណីជួញដូរដោយខុសច្បាប់នូវសារធាតុញៀន ចាប់យកថ្នាំញៀនជាង ១០កញ្ចប់។ កាលពីថ្ងៃទី១១ ខែកញ្ញា ឆ្នាំ២០២១ ម៉ោង១៦ និង៣០នាទី ប៉ុស្តិ៍នគរបាលរដ្ឋបាលទឹកថ្លា ឃាត់ខ្លួនជនសង្ស័យ ០១នាក់ ករណីជួញដូរដោយខុសច្បាប់នូវសារធាតុញៀន នៅចំណុចផ្លូវលើស្ពានឈើ ភូមិបូរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ។ 

ជនសង្ស័យឈ្មោះ ហង្ស រស្មី  ភេទប្រុស អាយុ២១ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ។ វត្ថុតាងដកហូតក្រាមសថ្លា ១៣ កញ្ចប់តូច។ 

ជនសង្ស័យត្រូវបានសមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងអនុវត្តតាមនីតិវិធី៕

រ៉ាវុទ្ធ