ព័ត៌មានអន្ដរជាតិ

ព្រះមហាក្សត្រិយ៍ Elizabeth ផ្ញើព្រះរាជសារអបអរពលរដ្ឋកូរ៉េខាងជើងក្នុងទិវាជាតិ

បានផុស

៤ years មុន

នៅ

ថ្ងៃពុធ ១៥ កញ្ញា ២០២១

ដោយ

ព្រះមហាក្សត្រិយ៍ចក្រភពអង់គ្លេស Queen Elizabeth បានផ្ញើព្រះរាជសារដើម្បីអបអរសាទរដល់ប្រជាជននៃប្រទេសកូរ៉េខាងជើងនៅក្នុងឱកាសទិវាជាតិរបស់ពួកគេ។ នេះបើតាមអ្នកនាំពាក្យព្រះបរមរាជវាំង Buckingham Palace បានបញ្ជាក់។

អ្នកនាំពាក្យព្រះបរមរាជវាំងបាននិយាយថា ព្រះរាជសារអបអរសាទរត្រូវបានផ្ញើទៅក្នុងនាមមហាក្សត្រិយ៍ដោយការិយាល័យអភិវឌ្ឍ និង Commonwealth (FCDO) របស់ចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យនិយាយថា នេះជាការប្រតិបត្តិស្តង់ដារចំពោះទិវាជាតិរបស់ប្រទេសផ្សេងៗនៅទូទាំងពិភពលោក។ «ព្រះមហាក្សត្រិយ៍ក្នុងគ្រប់ទំនាក់ទំនងជាមួយប្រមុខដឹកនាំរដ្ឋនានាធ្វើសកម្មភាពតាមដំបូន្មានរបស់ FCDO»។

អ្នកនាំពាក្យបន្ថែមថា ៖«ដូចឆ្នាំមុនៗអីចឹង ព្រះមហាក្សត្រិយ៍បានផ្ញើព្រះរាជសារទៅប្រជាជនកូរ៉េខាងជើងដើម្បីអបអរសាទរក្នុងឱកាសទិវាជាតិរបស់ពួកគេ»។

ប្រទេសកូរ៉េខាងជើងបានប្រារព្ធទិវាជាតិរបស់ខ្លួនលើកទី៧៣នៃការបង្កើតនៅថ្ងៃទី៩ ខែកញ្ញា។ ទិវាជាតិនេះត្រូវបានគេមើលឃើញពីកម្មវិធីព្យុះហយាត្រាយោធានៅទីក្រុងព្យុងយ៉ាង។ មេដឹកនាំលោក គីម ជុងអ៊ុន បានបង្ហាញខ្លួននៅវេទិកានៅទីលានគីម អ៊ីល ស៊ុង និងបានលើកដៃអបអរដល់មហាជនរបស់ខ្លួន ប៉ុន្តែមិនមានថ្លែងសុន្ទរកថាអ្វីឡើយ៕

ប្រែសម្រួល៖ វីរបុត្រ
ប្រភព៖ CNN