ព័ត៌មានជាតិ

ភ្លៀងមួយមេនៅភ្នំពេញល្ងាចមិញ រលំដើមឈើមួយដើមកាត់ទទឹងផ្លូវ

បានផុស

៣ years មុន

នៅ

ថ្ងៃពុធ ១៥ កញ្ញា ២០២១

ដោយ

ខណៈមេឃភ្លៀងលាយឡំជាមួយខ្យល់បោកបក់ផងនោះ បានធ្វើឱ្យដើមដើមត្រសេកមួយដើមរលំកាត់ទទឹងផ្លូវបណ្ដាលឲ្យកកស្ទះចរាចរណ៍ខ្លះៗ ប៉ុន្តែសំណាងល្អមិនមានការគ្រោះថ្នាក់ឬខូចខាតយានយន្តរបស់ប្រជាពលរដ្ឋដែលធ្វើដំណើរ ឬក៏នៅក្បែរនោះឡើយ។

ដើមឈើធំ១ដើមនោះបានរលំកាលពីព្រលប់ថ្ងៃទី១៥ ខែកញ្ញា ឆ្នាំ២០២១នៅចំណុចផ្លូវ១៨៤កែងផ្លូវ៦៣ ភូមិ១២ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋជិតខាងបានឱ្យដឹងថា នៅវេលាកើតហេតុមេឃបានងងឹតភ្លៀងលាយឡំជាមួយខ្យល់បោកបក់ផងនោះ បានធ្វើឲ្យដើមត្រសេកដ៏ធំមួយដើមនៅចំណុចកើតហេតុរលំកាត់ទទឹងផ្លូវតែសំណាងល្អមិនបណ្ដាលឱ្យមានការគ្រោះថ្នាក់ ឬខូចខាតយានយន្តរបស់ប្រជាពលរដ្ឋដែលធ្វើដំណើរ ឬក៏អ្នកនៅជិតខាងនោះឡើយ។

ប្រភពព័ត៌មានបានបញ្ជាក់ទៀតថា បន្ទាប់ពីមានហេតុការណ៍ដើមឈើរលំហើយនោះ គេឃើញកម្លាំងមូលដ្ឋានជាពិសេសលោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់ចែងកម្លាំងជំនាញចុះទៅអារកាត់ដើមឈើនោះចេញដើម្បីបញ្ចៀសការកកស្ទះចរាចរណ៍នៅតាមផ្លូវលោកផងដែរ។

ជាមួយនឹងការរលំដើមឈើនៅក្នុងមូលដ្ឋាននេះដែរ ប្រជាពលរដ្ឋក៏បានទទូចស្នើសុំឲ្យមន្ត្រីពាក់ព័ន្ធគួរតែចុះអារកាត់ដើមឈើធំៗទាំងនោះចេញដើម្បីបញ្ចៀសការគ្រោះថ្នាក់ដោយការរលំសង្កត់លើមនុស្សឬក៏ខូចខាតទ្រព្យសម្បត្តិជាយថាហេតុ។ ព្រោះពេលដែលមានហេតុការណ៍រលំដើមឈើសង្កត់លើមនុស្សរងការគ្រោះថ្នាក់ឬក៏ខូចខាតទ្រព្យសម្បត្តិរបស់ប្រជាពលរដ្ឋនោះមិនដែលឃើញមានអ្នកណាចេញមុខសងដល់ប្រជាពលរដ្ឋនោះទេ ដូច្នេះហើយពួកគាត់ក៏សូមឱ្យមន្ត្រីជំនាញសាធារណការគួរតែកាត់មានវិធានការដូចជាអារកាត់មែកធំៗចេញដើម្បីបង្កការបាក់ធ្លាក់ឬរលំព្រោះដើមឈើទាំងនោះមានអាយុកាលយូរឆ្នាំមកហើយដែលធ្វើឲ្យឫសពុកផុយអាចរលំនៅពេលណាមួយពេលដែលមេឃភ្លៀងលាយខ្យល់បោកបក់ផងនោះ៕

អត្ថបទ៖ រស្មី