ការចាក់វ៉ាក់សាំងកូវីដ១៩ ដល់កុមារ អាយុ ៦ ឆ្នាំ ដល់ក្រោម ១២ ឆ្នាំ ចាប់ផ្ដើមនៅ ៤ រាជធានី-ខេត្ត ​នៅថ្ងៃស្អែក

គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) នឹងផ្ដល់​ការចាក់វ៉ាក់សាំងស៊ីណូវ៉ាក់ ដល់កុមារ ដែលមានអាយុចាប់ពី ៦ ឆ្នាំ ដល់ក្រោម ១២​ឆ្នាំ នៅរាជធានីភ្នំពេញ ខេត្តកណ្ដាល ខេត្តព្រះសីហនុ និងខេត្តកោះកុង ដែលនឹងចាប់ផ្ដើមយុទ្ធនាការ នៅថ្ងៃទី ១៧ ខែកញ្ញា និងខេត្ត ២១ ទៀត នឹងចាប់ផ្ដើមនៅថ្ងៃទី ១៨ ខែកញ្ញា។

គណៈកម្មការចំពោះកិច្ចចាក់វ៉ាក់សាំងកូវីដ-១៩ បានឱ្យដឹងថា ការចាក់វ៉ាក់សាំងកូវីដ-១៩ ដល់កូនចៅមន្ត្រីរាជការថ្នាក់ជាតិ ដែលមានអាយុចាប់ពី ៦ ឆ្នាំ ដល់អាយុ ក្រោម ១២ ឆ្នាំ សូមទៅមន្ទីរពេទ្យកាល់ម៉ែត ចំពោះកូនចៅថ្នាក់ដឹកនាំ រាជរដ្ឋាភិបាល ព្រឹទ្ធសភា រដ្ឋសភា និងកូនចៅឥស្សរជនឧបនាយករដ្ឋមន្ត្រី ទេសរដ្ឋមន្ត្រី រដ្ឋលេខាធិការ។

ចំពោះកូនចៅ ឥស្សរជនដែលជាអនុរដ្ឋលេខាធិការ អគ្គនាយក អគ្គនាយករង សូមទៅមន្ទីរពេទ្យព្រះអង្គឌួង៕

ពិស្ដារខាងក្រោម៖