សុខភាព

ក្រោយជាពីកូវីដ-១៩ តម្រងនោមអាចរងផលប៉ះពាល់បែបណា?

បានផុស

៣ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

ក្រោយជាសះស្បើយពីវីរុសកូវីដ-១៩ ក្រុមគ្រូពេទ្យ និងអ្នកស្រាវជ្រាវបានរកឃើញថា អ្នកជំងឺអាចរងផលប៉ះពាល់ដល់សរីរាង្គដទៃទៀតធ្ងន់ធ្ងរ រួមទាំងបេះដូង និងតម្រងនោមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលវិបាកអាចកើតឡើង ក្រោយជាសះស្បើយពីជំងឺកូវីដ-១៩

អ្នកជំងឺមួយចំនួនដែលធ្លាប់កើតជំងឺកូវីដ-១៩ ធ្ងន់ធ្ងរ អាចប្រឈមនឹងបញ្ហាខូចតម្រងនោម ទោះបីជាមិនធ្លាប់មានបញ្ហាតម្រងនោមពីមុនក៏ដោយ។ យោងតាមរបាយការណ៍ជំហានដំបូងបានបង្ហាញថា អ្នកជំងឺប្រមាណ៣០%ដែលកើតជំងឺកូវីដ-១៩នៅប្រទេសចិន និងទីក្រុងញូវយ៉ក បានវិវត្តទៅជារបួសតម្រងនោមកម្រិតមធ្យម ឬធ្ងន់ធ្ងរ ហើយសញ្ញានៃបញ្ហាតម្រងនោម រួមមានកម្រិតប្រូតេអ៊ីនខ្ពស់នៅក្នុងទឹកនោម និងដំណើរការឈាមមិនប្រក្រតី។

ជាក់ស្ដែង អ្នកជំងឺជាច្រើនដែលកើតជំងឺកូវីដ-១៩ ធ្ងន់ធ្ងរ ច្រើនមានបញ្ហាជំងឺរ៉ាំរ៉ៃ រួមមានសម្ពាធឈាមខ្ពស់ និងទឹកនោមផ្អែម ដែលជាកត្តាបង្កើនហានិភ័យនៃជំងឺតម្រងនោម។

ជំងឺកូវីដ-១៩ បំផ្លាញតម្រងនោមដោយរបៀបណា?

ទោះបីជាផលប៉ះពាល់នៃជំងឺកូវីដ-១៩ លើតម្រងនោមមិនទាន់មានភាពច្បាស់លាស់ ប៉ុន្តែមានកត្តាសក្ដានុពលមួយចំនួនដែលក្រុមគ្រូពេទ្យ និងអ្នកស្រាវជ្រាវកំពុងតែសិក្សាស្វែងយល់។

វីរុសកូវីដ-១៩ អាចឆ្លងទៅកោសិការបស់តម្រងនោម។
អុកស៊ីសែនតិចពេកនៅក្នុងឈាម បណ្ដាលមកពីជំងឺរលាកសួត ដែលច្រើនតែកើតលើអ្នកជំងឺកូវីដ-១៩ ធ្ងន់ធ្ងរ អាចធ្វើឲ្យតម្រងនោមដំណើរការខុសប្រក្រតី។
ប្រព័ន្ធចាប់មេរោគ អាចបង្កការរលាកធ្ងន់ធ្ងរ នៅពេលព្យាយាមកម្ចាត់វីរុសកូវីដ-១៩ ដែលជាលទ្ធផល វាអាចបំផ្លាញជាលិកាល្អនៅក្នុងតម្រងនោម។
វីរុសកូវីដ-១៩ អាចនាំឲ្យមានកំណកឈាម និងអាចស្ទះសរសៃឈាមតូចបំផុតនៅក្នុងតម្រងនោម ជាហេតុនាំឲ្យមុខងារតម្រងនោមចុះខ្សោយ។

អ្នកជំងឺជាសះស្បើយពីវីរុសកូវីដ-១៩ ដែលមានបញ្ហាតម្រងនោមមានរោគសញ្ញាអ្វីខ្លះ?

ស្ទើរតែ៩០% នៃអ្នកជំងឺដែលជាសះស្បើយពីវីរុសកូវីដ-១៩ មិនបង្ហាញរោគសញ្ញាច្បាស់លាស់នៃជំងឺតម្រងនោមឡើយ។ យ៉ាងណាមិញ មុខងារតម្រងនោមនៃអ្នកជំងឺត្រូវបានធ្លាក់ចុះ ហើយរោគសញ្ញានៃការខ្សោយសរីរាង្គមួយនេះ ក៏នៅមិនទាន់រកឃើញនៅឡើយដែរ៕

អត្ថបទផ្ដល់ដោយ៖ Hello Krupet

ចុចអាន៖ពេទ្យជួរមុខ រៀបរាប់ពី ៧ ដំណាក់កាលធ្ងន់ធ្ងរ នៃជំងឺកូវីដ-១៩

ចុចអាន៖ប្រព័ន្ធភាពស៊ាំជួយការពាររាងកាយ ចុះបើវាប្រឆាំងនឹងខ្លួនឯងវិញ មានអ្វីកើតឡើង?

Related Topics:តម្រងនោម