កីឡា

អនុប្រធានាធិបតីស៊ូរីណាមអាយុ៦០ឆ្នាំទិញក្លឹបបាល់ទាត់មួយ លេងខ្លួនឯង តាំងខ្លួនឯងជាប្រធានក្រុម

បានផុស

៣ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

លោក Ronnie Brunswijk អនុប្រធានាធិបតីប្រទេសស៊ូរីណាមបានធ្វើឲ្យមានការភ្ញាក់ផ្អើលមែនទែន បន្ទាប់ពីលោកបានទិញក្លឹបបាល់ទាត់មួយ ហើយចូលលេងដោយខ្លួនឯងជាតំណែងខ្សែប្រយុទ្ធ និងតែងតាំងខ្លួនឯងជាប្រធានក្រុម។

លោក Ronnie Brunswijk អាយុ៦០ឆ្នាំបានទិញក្លឹបបាល់ទាត់ Inter Moengotapoe ដែលក្លឹបនៅក្នុងក្របខណ្ឌលីគកំពូលរបស់ប្រទេសស៊ូរីណាម។ កូនប្រុសរបស់លោកឈ្មោះ Damian Brunswijk លេងក្នុងតំណែងខ្សែប្រយុទ្ធក្នុងក្លឹបនេះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែត New York Times បង្ហាញប្រវត្តិរបស់អនុប្រធានាធិបតីរូបនេះថា ហោចណាស់លោកមានកូន៥០នាក់។ នៅក្នុងប្រវត្តិបានសរសរថា លោកជាអ្នកលោតឆ័ត្រយោង កីឡាករបាល់បោះ ចោរប្លន់ធនាគារ មេដឹកនាំទ័ពព្រៃ និងជាឪពុកដែលមានកូនយ៉ាងហោចណាស់៥០នាក់។

បន្ទាប់ពីបានទិញក្លឹប Inter Moengotapoe កាលពីថ្ងៃពុធកន្លងទៅនេះ បុរសអាយុ៦០ឆ្នាំបានចូលលេងខ្លួនឯងតែម្តងក្នុងការប្រកួតលីគ CONCACAF អាមេរិកខាងជើងជាមួយនឹងក្រុមរបស់ប្រទេសហុងឌូរ៉ាស Olimpia។ សម្រាប់ការប្រកួតនេះលោកបានតែងតាំងខ្លួនឯងជាប្រធានក្រុម និងលេងបាន៥៤នាទីក្នុងតំណែងខ្សែប្រយុទ្ធជួរមុខ។ ក្រោយចប់ការប្រកួតត្រូវបានគេមើលឃើញលោកបានជូនលុយ១០០ដុល្លារនៅក្នុងបន្ទប់សផ្លាស់សម្លៀកបំពាក់ក្រុមភ្ញៀវ។

ប្រការនេះ លោក Brunswijk បានក្លាយជាប្រធានក្រុម និងជាបុរសវ័យចំណាស់ជាងគេបំផុតក្នុងការបង្ហាញខ្លួនលើទីលានជាប្រវត្តិសាស្ត្រប្រកួតលក្ខណៈអាជីពអន្តរជាតិ។

ជាលទ្ធផលក្រុមរបស់លោកអនុប្រធានាធិបតី Brunswijk បានបរាជ័យ ៦-០។ កំឡុងពេលនាទីដែលលោកលេងនៅលើទីលាន ក្រុមភ្ញៀវបាននាំមុខ ៣-០ ហើយក្រោយពេលលោកត្រូវបានប្តូរចេញនៅនាទី៥៤ ក្រុមភ្ញៀវបន្ថែម៣គ្រាប់ទៀត។ បច្ចេកទេសលេងនៅលើទីលាន លោកបញ្ជូនបាល់បានល្អ១៤ដងក្នុងការប៉ុនប៉ង១៧ដងពោលគឺបញ្ជូនបាល់ខូចតែ៣ដងប៉ុណ្ណោះ។