ព្រះសង្ឃ និងពុទ្ធបរិស័ទ ៤៥ អង្គនាក់ នៅវត្តចំពុះក្អែក រកឃើញវិជ្ជមានកូវីដ១៩

ព្រះសង្ឃ និងពុទ្ធបរិស័ទ ចំនួន ៤៥ អង្គ នាក់ នៅវត្តចំពុះក្អែក រកឃើញវិជ្ជមានកូវីដ១៩ ខណៈអាជ្ញា​ធរ​តម្រូវឱ្យបិទវត្តទាំងស្រុង នៅថ្ងៃទី ២៣ ខែកញ្ញា ឆ្នាំ ២០២១នេះ។

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ២៣ ខែកញ្ញានេះ មានប្រសាសន៍ស្នើទៅកាន់គណៈសង្ឃ ត្រួតពិនិត្យបន្ទាន់ គិតគូ​ទៅ​លើវិធានការ ដែលរៀបចំដោយក្រសួងសុខាភិបាល ឬអាចឈានទៅរកការផ្អាកការរៀប​ចំពិធី ឬរក​វិធីផ្សេងដើម្បីទប់ស្កាត់ការឆ្លងរាលដាល។

រដ្ឋបាលខណ្ឌច្បារអំពៅ បានអំពាវនាវដល់បងប្អូនប្រជាពលរដ្ឋដែលបានអញ្ជើញទៅកាន់បិណ្ឌទី១ នៅថ្ងៃទី ២២ ខែកញ្ញា នៅវត្តចំពុះក្អែក ស្ថិតក្នុងសង្កាត់ព្រែកថ្មី ខណ្ឌច្បារអំពៅ ទៅធ្វើសំណាក រកមេរោគកូវីដ១៩ នៅទីតាំងមជ្ឈមណ្ឌលកោះពេជ្រ៕