ព័ត៌មានជាតិ

សត្វគោ និងក្របី ៣០០ក្បាល បានចាក់វ៉ាក់សាំង ការពារជំងឺដុំពកលើស្បែក នៅឃុំពេជចង្វា ខេត្តកំពង់ឆ្នាំង

បានផុស

៣ years មុន

នៅ

ថ្ងៃសុក្រ ២៤ កញ្ញា ២០២១

ដោយ

លោក ងិន ហ៊ុន ប្រធានកសិកម្មរុក្ខាប្រមាញ់ និងនេសាទខេត្តកំពង់ឆ្នាំង បានដឹកនាំក្រុមការងារនៃការិយាល័យផលិតកម្ម និងបសុព្យាបាលខេត្តកំពង់ឆ្នាំង ចុះចាក់វ៉ាក់សាំងបង្ការ និងការពារជំងឺដុំពកលើស្បែកសត្វគោ និងក្របី ៣០០ក្បាល ជូនប្រជាពលរដ្ឋនៅក្នុងឃុំពេជចង្វា ស្រុកបរិបូណ៌ ខេត្តកំពង់ឆ្នាំង កាលពីថ្ងៃទី២៣ ខែកញ្ញា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសនោះលោក ងិន ហ៊ុន បានថ្លែងថា ជំងឺដុំពកលើស្បែកសត្វគោ និងក្របី គឺជាជំងឺទើបនិងកើតថ្មីក្នុងឆ្នាំនេះ ដែលរាលដាលឆ្លងមកពីប្រទេសថៃ និងប្រទេសវៀតណាម។ មកដល់ពេលនេះនៅ ក្នុងប្រទេសកម្ពុជាយើងទាំង២៥ រាជធានីខេត្ត ក៏កើតមានជំងឺនេះ លើសត្វគោក្របីគ្រប់គ្នា។ ចំពោះវិធីព្យាបាលជំងឺដុំពកលើស្បែកនេះ មានតែការចាក់វ៉ាក់សាំងនេះទេ ដែលពេលចាក់វ៉ាក់សាំងនេះរួច វាមានប្រសិទ្ធភាពបង្ការ និងការពារជំងឺនេះ បានរហូតដល់រយៈពេល៣ឆ្នាំ។

លោកប្រធានមន្ទីរ ក៏បានអំពាវនាវដល់បងប្អូនប្រជាពលរដ្ឋនៅពេលសត្វគោក្របីកើតជំងឺនេះ សូមបង ប្អូនត្រូវលាងទឹកសត្វនឹងសាប៊ូឱ្យបានស្អាត ហើយយកថ្នាំទឹកពណ៌ ខៀវដែលចែកជូននេះទៅលាបលើដុំពកទាំងនោះទៅវានិងឆាប់ជាសះ ស្បើយហើយ។ ដូច្នេះសូមប្រជាព លរដ្ឋយើងនៅគ្រប់មូលដ្ឋាន សូមយកសត្វគោក្របីមកចាក់វ៉ាក់សាំងនេះឱ្យបានទាំងអស់គ្នា។

ក្នុងឱកាសនោះលោក ងិន ហ៊ុន និងក្រុមការងារក៏បានចែកសម្ភារៈ និងវ៉ាក់សាំងជូនមន្ត្រីពេទ្យសត្វឃុំ និងភូមិ ធ្វើការចាក់វ៉ាក់សាំង ដល់សត្វគោរបស់ប្រជាពលរដ្ឋចំនួន ៣០០ ក្បាលនិងបានចែកថ្នាំម្ល៉ូមេទីឡែនដល់ប្រជាពលរដ្ឋ១៤៥គ្រួសារព្រមទាំងចែកថ្នាំបរិក្ខារបសុពេទ្យដល់ពេទ្យ សត្វស្រុក២នាក់និងពេទ្យសត្វភូមិចំនួន៥នាក់ផងដែរ ៕

អត្ថបទ៖ ឈៀងថារិទ្ធ