ជីវិតកម្សាន្ដ

នាយ ត្រង់ដឺ និងនាយ វ៉ាងដឺ គឺជាមនុស្សតែមួយ ?

បានផុស

៣ years មុន

នៅ

ថ្ងៃសុក្រ ២៤ កញ្ញា ២០២១

ដោយ

ភ្នំពេញ ៖ ដោយមានចម្ងល់ពីមហាជននិងអ្នកគាំទ្រនូវសមាសភាពរវាងនាយត្រង់ដឺ និងនាយវ៉ាងដឺគឺ ជាមនុស្សតែមួយនោះឥឡូវនេះមានប្រភពទម្លាយការពិតពីបុគ្គលទាំង២រូបនេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបញ្ជាក់នៅលើផេកចៅកម្ពុជាបានលើកឡើងថា កន្លងមកមានបងប្អូនជាច្រើនតែងតែយល់ច្រឡំថា “នាយត្រង់ដឺ និងនាយវ៉ាងដឺ គឺជាមនុស្សតែមួយ”ដែលតាមការពិតជាក់ស្ដែងពួកគាត់មិនមែនជាមនុស្សតែមួយទេប៉ុន្តែពួកគាត់មានឈាមជ័រតែមួយជាឪពុក និងកូន។

លោក យិន បឿន ហៅនាយ ត្រងដឺ គឺជាតារាកំប្លែងប្រចាំប្រទេសកម្ពុជានាមុនឆ្នាំ១៩៧៥។ ត្រង់ដឺមានដើមកំណើតមកពីខេត្តបាត់ដំបងដែលមានឪពុកឈ្មោះ យិន ផានិងម្តាយឈ្មោះបូ។ លោកយិន បឿន បានទទួលមរណភាពក្នុងឆ្នាំ១៩៧៧ ក្នុងសម័យកាលដ៏មហាសែនខ្មៅងងឹតហៅមិនឮ”កម្ពុជាប្រជាធិបតេយ្យ១៩៧៥-១៩៧៩”នៅតំបន់រាម។

ប្រភពបន្តថា មុនពេលលោកលាចាកលោកនេះទៅ នាយ ត្រង់ដឺ បានបន្សល់ទុកស្នាដៃសម្ដែងជាច្រើន រួមមានដូចជា ទឹកភ្នែកនាងគ, ចំប៉ាថោង, ជ័យប្រាជ្ញ, សំគមបាញ់លលក, ព្រះពាយផាត់, អាប៊ុលកាសេម, ច័ន្ទគ្រឿហ្វា, បញ្ចពណ៌ទេវី, កាត់កន្ទុយ លាបកំបោរ, ដៃឯក៣២, អាឡេវ និងរតនាវង្ស ជាដើម។

ចំណែកឯលោកយិន សារឹម ហៅនាយវ៉ាងដឺឯណេះ វិញ គឺជាកូនប្រុសរបស់នាយ ត្រង់ដឺ ដែលបងប្អូនយើងភាគច្រើនតែងតែយល់ច្រឡំថា ពួកគាត់គឺជាមនុស្សតែមួយ។ នាយ វ៉ាងដឺ គឺជាតារាកំប្លែងដែលមានឈាមជ័រនិងទេពកោសល្យដូចឪពុករបស់លោកដែរ។

យ៉ាងណាមិញមុនពេលលោកលាចាកលោកនេះទៅក្នុងឆ្នាំ២០០៤នាត វ៉ាង ដឺ បានបន្សល់ទុកស្នា ដៃទាំងរឿងកំប្លែងនិងខ្សែភាពយន្តជាច្រើនដែលស្នាដៃចុងក្រោយរបស់លោកគឺរឿងខ្មោចបួនសាសន៍ (ផ្នែកកំប្លែង)៕

ដោយ ៖ ចាន់រ៉ា