ព័ត៌មានជាតិ

លម្អិតបន្ថែម ពីការផ្ទុះកូវីដនៅផ្សារអូឬស្សី បិទ ២១តូប អាជីវករ ២នាក់ ឆ្លងកូវីដបំប្លែងខ្លួន

បានផុស

៣ years មុន

នៅ

ថ្ងៃអង្គារ ២៨ កញ្ញា ២០២១

ដោយ

ភ្នំពេញ៖ អាជីវករលក់ក្រណាត់នៅផ្សារអូឬស្សីចំនួន២នាក់ ត្រូវបានគេរកឃើញថា បានឆ្លងជំងឺកូវីដ-១៩ ប្រភេទបំប្លែងថ្មី DElTA (ដែលតា) ហើយត្រូវបានអនុគណៈកម្មការស្រាវជ្រាវកូវីដ-១៩ ធ្វើការបិទតូបចំនួនជាង២០តូប ដែលពាក់ព័ន្ធ។

ប្រធានគណៈកម្មការគ្រប់គ្រងផ្សារអូរឫស្សី លោក ហ៊ត វ៉ាន់ធី បានឲ្យដឹងថា នៅព្រឹកថ្ងៃទី២៨ កញ្ញានេះថា ការផ្ទុះកូវីដលើអាជីវករលក់ក្រណាត់នៅផ្សារអូឬស្សី មានវិជ្ជមាន covid 19 ប្រភេទបំលែងថ្មីចំនួនពីររូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីមានការរាយការណ៍ពីអនុគណៈកម្មការស្រាវជ្រាវកូវីដ-១៩ បានចុះមកធ្វើការវាយតម្លៃនៅក្នុងផ្សារអូឬស្សី និងបានបិទតូបចំនួន២១តូប ដែលមានចំនួន១០ម្ចាស់ ហើយក្នុងចំនួន១០ម្ចាស់នោះ គឺមានវិជ្ជមានកូវីដ-១៩ ចំនួន១នាក់ ក៏បាននាំទៅព្យាបាល។ ចំណែកឯប្រពន្ធរបស់ អ្នកជំងឺនោះគឺមិនមានការឆ្លងរាលដាលជំងឺកូវីដ-១៩នោះទេ។

ប៉ុន្តែទោះបីជាយ៉ាងណាក្តី អ្នកពាក់ព័ន្ធទាំងអស់ អាជ្ញាធរបានសម្រេចឱ្យធ្វើចត្តាឡីស័កទៅតាមផ្ទះចំនួន២១ថ្ងៃ។ សម្រាប់ផ្សារអូរឫស្សីទាំងមូលនៅតែបន្តបើកដំណើរការជាធម្មតា ហើយទីតាំងដែលពាក់ព័ន្ធនិងតូបក្បែរៗគ្នាចំនួន២១តូបនោះត្រូវបានបិទជាបណ្តោះអាសន្នសិន។

បើតាមអនុគណៈកម្មការស្រាវជ្រាវកូវីដ-១៩បានបញ្ជាក់ថា ករណីផ្ទុះកូវីដពាក់ព័ន្ធតូបលក់ក្រណាត់លេខ១៤,១៥,១៦(ខ.០២) នៅផ្សារអូរឫស្សី។ អ្នកជំងឺជាអាជីវករបានចេញរោគសញ្ញាថ្ងៃទី២១ កញ្ញា ឆ្នាំ២០២១ និងបានរកឃើញវិជ្ជមានកូវីដ១៩ បំប្លែងថ្មី Delta កាលពីថ្ងៃទី២៤ កញ្ញា ឆ្នាំ២០២១៕

អត្ថបទ៖ ស្រីរ័ត្ន