សុខភាព

អាហារ ៦ មុខ សក្ដិសមសម្រាប់អ្នកចង់សម្រកទម្ងន់ និងកំពូលឆ្ងាញ់ហូបមិនចេះណាយ

បានផុស

៣ years មុន

នៅ

ថ្ងៃពុធ ២៩ កញ្ញា ២០២១

ដោយ

តើអ្នកកំពុងស្វែងរករបបអាហារដើម្បីសម្រកទម្ងន់។ ប៉ុន្តែមិនចង់ញ៉ាំសាឡាដ កុំបារម្ភ។ មុខម្ហូប សាមញ្ញខាងក្រោមនេះ ក៏អាចជួយឲ្យរាងស្លីមដោយមិនចាំបាច់តមមុខក្រោយពិបាកខ្លួនដែរ។

១ នំបញ្ចុកសម្លការី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជឿមិនជឿ ថាអាហារហូបលេងនេះពិតជាអាចជួយក្នុងការសម្រកទម្ងន់បានពិតមែន? គឺជាការពិតមែន! បើទោះបីជាការីមានជាតិដូង តែក៏មិនដូចយើងហូបរបស់មានជាតិខ្លាញ់និងផ្អែមដែរ។ នេះក៏ដោយសារការីមានផ្ទុកបន្លែច្រើនរួមគ្នាក្នុងពេលតែមួយ ដែលជាអាហារជួយទ្រទ្រង់រាងកាយ មិនឲ្យឆាប់ឃ្លានលឿន។

២ ញាំពពាយលាយជាមួយសាលាដពងទា

វាសម្បូរទៅដោយជាតិសរសៃនៃចំណីអាហារ ដែលជួយឲ្យអ្នកឆាប់ឆ្អែតបានយូរ។ ពពាយមានផ្ទុកជាតិសរសៃច្រើន និងផ្ទុកនូវវីតាមីនខ្ពស់ ហើយស៊ុតឆ្អិននឹងជួយយើងមិនឲ្យខ្វះប្រូតេអ៊ីន ដែលនឹងជួយបង្កើនសាច់ដុំអំឡុងពេលសម្រកទម្ងន់។

៣ បុកត្រប់

ត្រប់មានសារធាតុប្រឆាំងអុកស៊ីតកម្មខ្ពស់ ដែលជួយដល់អ្នកចង់សម្រកបានលឿនរហ័ស និងមិនខូចសុខភាពថែមទៀត។ ជាពិសេសអាហារនេះសំបូរបន្លែផ្ទាប់ជាមួយ និងបូករួមទាំងជាតិសរសៃខ្ពស់មិនធម្មតា។

៤ មាន់បាយដំណើបបុកល្ហុង

នេះជាអាហារមានទាំង កម្ពុជា ថៃ ឡាវ ដែលនិយមចូលចិត្តជាងគេ។ បុកល្ហុងសំបូរទៅដោយជាតិសរសៃ និងអាហារូបត្ថម្ភ បូកជាមួយមាន់អាំងដ៏ឈ្ងុយ ទោះហូបយ៉ាងណាក៏មិនខ្លាចធាត់ ហើយថែមទាំងឆាប់ឆ្អែត។

៥ ស្ងោរត្រយ៉ូងចេក

ស្ងោរជ្រក់ត្រយូងចេក ជាអាហារមួយដែលខ្មែរនិយមចូលចិត្ត ក៏ដូចជាថៃដែរ។ អាហារមួយមុខនេះ សំបូរទៅដោយវីតាមីននិងសារធាតុល្អៗជាច្រើន ដោយសារវាបានបន្ថែមទឹកដោះគោតិចៗតែមិនច្រើន ដែលមិនជួយឲ្យធាត់ខ្លាំងដូចអាហារផ្សេងទេ។

៦ ពោតស្ងោរ

ពោតសំបូរទៅដោយសារធាតុចិញ្ចឹមជាច្រើន អ្នកមិនចូលចិត្តអាហារសម្រក់ទម្ងន់បែបសាបៗ អាចងាកមកស្ងោរហូបបាន។ ដោយសារពោតស្ងោរមានផ្ទុកជាតិផ្អែម ហូបច្រើនយ៉ាងណាក៏មិនទ្រលាន់ដែរ។ ជាពិសេស ថែមទាំងជួយចិញ្ចឹមដល់រាងកាយបានច្រើនទៀតផង៕

ប្រែសម្រួល៖ សាង ស្រីល័ក្ខ

ចុចអាន៖ហូបបែបនេះឲ្យទៀង ដឹងតែមិនងាយឈឺ

ចុចអាន៖មីកញ្ចប់ ញ៉ាំឆៅច្រើនពេក អាចបង្កហានិភ័យសុខភាពខ្លាំង តែយើងអាចញ៉ាំបានតាមវិធីនេះ