មកដឹងគម្លាតការចាក់វ៉ាក់សាំងទាំង ៥ ប្រភេទ ដែល កម្ពុជា ទទួលបាន

យើងបានដឹងរួចមកហើយថា ការចាក់វ៉ាកសាំងកូវីដ ១៩ គឺតម្រូវឲ្យតមអាហារនិង​ភេសជ្ជៈ​មួយចំនួន មុននិងក្រោយចាក់រួច។ តែក្នុងនោះ ក៏មានការបង្ហាញពីគម្លាត​នៃការ​ចាក់​ តាម​ប្រភេទ​វ៉ាក់សាំង​នីមួយៗ ខណៈកម្ពុជាទទួលបានក្នុងពេលនេះ សរុបចំនួន ៥ ប្រភេទរួចទៅហើយ។

ជារួម ការចាក់វ៉ាក់សាំងដូសទី ២ គឺមានគម្លាត ២១ – ២៨ ថ្ងៃ​ ចំណែកដូសជំរុញ​ បន្ទាប់​ពី ៤-៦ ខែ ក្រោយចាក់ដូសទីពីររួចរាល់។ ដោយឡែក​ ដើម្បី​ឆ្លើយតប​ទៅ​នឹង​ស្ថានការណ៍​ចំពោះ​មុខ ​នៃជំងឺកូវីដ ១៩ ក្នុង​សហគមន៍ ​និង​ត្រៀម​លក្ខណៈ​ទប់ទល់​នឹង​ការ​រាតត្បាត​នៃ​ប្រភេទដែលតា​ និង​ប្រភេទបំប្លែងខ្លួនថ្មីផ្សេង​ទៀត ​ក្នុង​ទ្រង់ទ្រាយ​ធំ គម្លាត​ពេលវេលា​នៃ​ការ​ចាក់​វ៉ាក់សាំង​ដូស​ជំរុញ តាម​ប្រភេទ​វ៉ាក់សាំង​ត្រូវបាន​កំណត់​ដូចខាងក្រោម ៖​

១ វ៉ាក់សាំង Sinopharm របស់ចិន ក្រោយ​ចាក់ដូសទី ១ ត្រូវរាប់ឲ្យគ្រប់ ២១-២៨ ថ្ងៃ។ ដូស​ជំរុញ​គឺត្រូវចាក់ ៤-៦ ខែ ក្រោយ​ចាក់​ដូសទីពីរ។

២ វ៉ាក់សាំង Sinovac របស់ចិន ក្រោយចាក់ដូសទី ១ ត្រូវរាប់ឲ្យគ្រប់ ២១-២៨ ថ្ងៃ។ ដូស​ជំរុញ​គឺត្រូវចាក់ ៤-៦ខែ ក្រោយចាក់ដូសទីពីរ។

៣ វ៉ាក់សាំង AstraZeneca របស់អគ្លេស ១២​សប្ដាហ៍​ ​ទើប​អាច​ចាក់​ដូស​ទី ២ បាន។ ចំណែក​ដូស​ទីបី ​អាច​ចាក់​បាន ៤-៦ខែ ក្រោយ​ចាក់​ដូស​ទីពីរ។

៤ វ៉ាក់សាំង Johnson & Johnson របស់អាមេរិក (ចាក់​តែ​មួយ​ដូស) ពុំ​មាន​ដូស​ទី ២ និង ​ដូស​ជំរុញឡើយ។

៥ វ៉ាក់សាំង Sputnik V របស់​រុស្សី ត្រូវរាប់ឲ្យគ្រប់ ២១ ថ្ងៃ ។ ចំណែកដូសទី ៣ ត្រូវរងចាំរយៈពេល ៦ ខែ ក្រោយចាក់ដូសទី ២ ទើបអាចចាក់បាន៕

អត្ថបទ៖ សាង ស្រីល័ក្ខ

ចុចអាន៖ដឹងឲ្យហើយ ពីផលរំខានខ្លះៗនៃវ៉ាក់សាំង Sputnik V របស់ រុស្សី ដើម្បីត្រៀមខ្លួនទុកមុន

ចុចអាន៖រឿង ៨ សំខាន់ៗ គួរដឹងពីវ៉ាក់សាំង Sputnik V ខណៈ កម្ពុជា អនុញ្ញាត​ឲ្យ​ប្រើប្រាស់​ក្នុង​លក្ខខណ្ឌ​បន្ទាន់

ចុចអាន៖អ្នកចាក់វ៉ាក់សាំង Sputnik V កុំភ័យគ្មានហានិភ័យលើមុខងារបន្តពូជទេ