ពលរដ្ឋ៖ អ៊ីនធឺណិត​នៅឃុំ​ពេជសារ ស្រុក​កោះអណ្ដែត ពិបាក​​ជាងទៅចាប់ត្រីក្នុងទឹកទៅ​ទៀត

ពលរដ្ឋ​មួយ​រូបដែលមាន​ឈ្មោះ Panhatheariddh Yann នៅ​​ឃុំ​ពេជ្រសារ ស្រុកកោះអណ្តែត ខេត្ត​តាកែវ បាន​ខមមិននិង​ស្នើ​ឲ្យមន្រ្តី​ក្រសួង​ប្រៃសណីយ៍​និងទូរគមនាគមន៍​​ស្វែង​រក​ដំណោះស្រាយ ដើម្បី​ពង្រីក​សេវា​អ៊ីនធឺណិ​ត​ឲ្យ​បានទូលំទូលាយ​ក្នុង​តំបន់ ដោយប្រៀបធៀបសេវា​អ៊ីនធឺណិតនៅក្នុង​ឃុំ​​​ពិបាក​ជាងទៅ​ចាប់ត្រីក្នុងទឹក​ទៀត ហើយ​ក៏​ជា​បញ្ហា​នាំ​ឲ្យ​សិស្ស​មិន​អាច​រៀន​តាម​អនឡាញ​បាន។

ឆ្លើយតបបញ្ហា​នេះ ​រដ្ឋមន្រ្តី​ក្រសួ​ងប្រៃសណីយ​និង​ទូរគមនាកមន័​ឯកឧត្តម ជា វ៉ាន់ដេត ក៏ទទួល​ស្គាល់លើ​ចំណុច​នេះ តែ​លោក​ក៏​បញ្ជាក់​ពិបាកបន្ទោសសេវាអុីនធឺណែត ព្រោះគ្មានចំណេញទៅដល់ឃុំ។

លោក​រដ្ឋមន្រ្តី​បានលើក​ពី​ផែនការបន្ទាន់មួយ ដែល​ក្រសួងបាន​ដាក់​ផែនការ​ចំណាយថវិកាសន្សំនិងថវិការរដ្ឋមួយផ្នែកតូចណាមួយ ដើម្បី​ពង្រីក​បណ្តាញ​ទូរគមនាគមន៍​តាម​បណ្តា​ខេត្តគោលដៅ។

លោក​បាន​បញ្ជាក់​ថា បច្ចុប្បន្នក្រសួងបានណែនាំឲ្យ​ទូរគមនាគមន៍កម្ពុជា (TC) សិក្សា ៦ ខេត្តលើផែនការតភ្ជាប់ពីស្រុកទៅគ្រប់គោលដៅក្នុងឃុំ ដូចជាសាលារៀន មណ្ឌល​សុខភាព ស្នាក់ការឃុំ និងទីប្រជុំជនក្នុងនោះក៏មានខេត្តតាកែវផងដែរ ដែល​នឹង​អនុវត្ត​នៅ​ដើមឆ្នាំ២០២២។

លោក​​រដ្ឋមន្រ្តី​ក៏​បានន​ឡើង​ឡើង​ពី​ការ​​បង្កើតក្រុមការងារ៥តំបន់ ដើម្បីចុះត្រួតពិនិត្យនិងរាប់បង្គោលអង់តែននិងសា្ថនភាពនៃបង្គោលទាំងអស់នៅទូទាំងប្រទេស ដោយ​ចុះពិនិត្យដើម្បី​ជំរុញប្រត្តិបត្តករទូរស័ព្ទ​អភិវឌ្ឍ​ហេដ្ឋរចនាសម្ព័ន្ធ​បន្ថែម​ដើម្បីឆ្លើយតបតម្រូវការ​ប្រើប្រាស់​របស់ប្រជាពលរដ្ឋ៕

អត្ថបទ៖ ប៊ុណ្ណារ៉ា