សំ តារាវុទ្ធី អតីតតារាសម្តែងល្បីឈ្មោះ ទសវត្សរ៍ឆ្នាំ ២០០០ ធ្លាក់ខ្លួនឈឺជំងឺមហារីក​សួតធ្ងន់

បន្ទាប់ពីបាត់ដំណឹងយូរឆ្នាំកន្លងទៅ អតីតតារាសម្ដែងល្បីឈ្មោះនាអំឡុងទសវត្សន៍ឆ្នាំ២០០០ គឺលោក សំ តារាវុទ្ធី ថ្មីៗនេះស្រាប់តែមានដំណឹងថា លោកកំពុងធ្លាក់ខ្លួនឈឺធ្ងន់ស្ថិតក្នុងស្ថានភាពគួរឲ្យបារម្ភបំផុត។

ផ្អែកតាមការបង្ហោះនៅទំព័រហ្វេសប៊ុកចៅកម្ពុជាបានរៀបរាប់ភ្ជាប់ នឹងរូបភាពរបស់តារាសម្តែងលោក សំ តារាវុទ្ធី ដោយបញ្ជាក់ដូច្នេះថាលោក សំ តារាវុទ្ធី បច្ចុប្បន្នបានធ្លាក់ខ្លួនឈឺធ្ងន់ និងមានរូបរាងកាយស្គមស្គាំងទ្រុឌទ្រោមជាទីបំផុតដោយលោកកំពុងប្រឈមនឹងជំងឺមហារីកសួត។ 

បច្ចុប្បន្នលោក សំ តារាវុទ្ធី កំពុងសម្រាកព្យាបាលជំងឺនៅឯស្រុកកំណេីតរបស់លោកដែលស្ថិតនៅក្នុងភូមិជួស ឃុំជីខ្មា ស្រុកទ្រាំងខេត្តតាកែវ។ ដូច្នេះសូមអំពាវនាវដល់បងប្អូនសប្បុរសជនទាំងអស់មេ ត្តាជួយសង្គ្រោះតារាភាពយន្តរូបនេះផងព្រោះលោ កគឺជាធនធានមនុស្សមួយដួងផងដែរនៃវិស័យភាពយន្តខ្មែរ។

តាមរយ:ដំណឹងនេះមានទស្សនិកជនជាច្រើនបានសម្តែងការអាណិតអាសូរនិងជូនពរលោកឲ្យឆាប់ជាសះស្បើយពីជំងឺផងដែរ។ គួរបញ្ជាក់ផងដែរថា លោក សំ តារាវុទ្ធី បានសម្ដែងនៅក្នុងរឿងមាយេីង និងព្រះបាទត្រសក់ផ្អែមជាដេីម៕ អត្ថបទៈ ចាន់រ៉ា