ព្រះនាងតូច ជេនណា មោទនភាពខ្លាំង ពេលគ្រងឈុតទង់ជាតិខ្មែរ ព្រលឹងខ្មែរ បេះដូងខ្មែរ !

ជាការកត់សម្គាល់ គេសង្កេតឃើញមានមហាជននិងអ្នកគាំទ្រយ៉ាងច្រើន បានសម្តែងការស្ញើចសរសើរចំពោះទេពកោសល្យ និងសមត្ថភាពដ៏ពហុជំនាញរបស់ព្រះនាងតូច ជេនណា នរោត្តម បើទោះបីជាទ្រង់មានវ័យ​ក្មេង​បន្តិច​ក្តី។

យ៉ាងណាមិញពេលនេះ ក៏មានទស្សនិកជនជាច្រើន បានលើកសរសើរព្រះនាងតូច ជេនណា នរោត្តម ផងដែរ បន្ទាប់ពីឃើញព្រះនាងគ្រងនូវឈុតប្រណៃណី គឺបានរំលេចទង់ជាតិខ្មែរ។ ខណ:ដែលព្រះនាងម្ចាស់ ក៏បង្ហាញមោទនភាពខ្លាំងផងដែរ។

បង្ហោះរំលេចនូវឈុតនេះដែរ ព្រះនាងតូច ជេនណា នរោត្តម បានមាន​នូវ​ព្រះ​បន្ទូល​ថា​ នេះ​គឺ​ជា​ឈុតស ម្លៀកបំពាក់ច្នៃ​ថ្មីពិសេសមួយ ដែលធ្វើឲ្យខ្ញុំរំភើបរំជួលចិត្តពេលបានគ្រងឈុតនេះ ដោយអ្នកច្នៃម៉ូត​មានគំនិតច្នៃប្រឌិតខ្ពស់គួរឲ្យសរសើរណាស់​ ជាទម្រង់​បុរាណ​លាយ​សម័យ មាន​រំលេច​នូវ​ទង់​ជាតិ​នៃ​ព្រះរាជាណាចក្រកម្ពុជាយើង។ 

ព្រះនាងតូច ជេនណា លើកឡើងនូវព្រះរាជបន្ទូលទៀតថា ឈុតនេះខ្ញុំសូមជូនឈ្មោះថា ឈុត​ទង់ជាតិខ្មែរ ព្រលឹងខ្មែរ បេះដូងខ្មែរ។ ខ្ញុំពិតជាមានមោទនភាព​ណាស់​ ដែល​បានកើតមកជាកូនខ្មែរ ពូជពង្សអ្នកសាងអង្គរ និងជាប្រទេសដែលមាន​វប្បធម៌ អរិយធម៌​ដ៏​ចំណាស់​មួយនៅលើពិភពលោក។ ខ្ញុំសូមគាំទ្រនូវស្នាដៃ​ច្នៃថ្មី ដែលប្រកបដោយគំនិតច្នៃប្រឌិត​ខ្ពស់នេះ៕

អត្ថបទ៖ចាន់រ៉ា