ជីវិតកម្សាន្ដ

ក្រោយចេញមុខសុំទោស ខ្ញុង និយាយអ្វីខ្លះទៅកាន់ សឿ សុធារ៉ា

បានផុស

៣ years មុន

នៅ

ថ្ងៃអង្គារ ១២ តុលា ២០២១

ដោយ

មហាជនបានដឹងហើយថា តារាសម្តែងអ្នកនាង សឿ សុធារ៉ា កាលពីថ្ងៃទី០៦ ខែតុលា ឆ្នាំ២០២១បានធ្វើការបង្ហោះរឿងរ៉ាវដ៏ភ្ញាក់ផ្អើលនៅលើគណនីហ្វេសប៊ុកថា តារាកំប្លែង ខ្ញុង នៅជំពាក់លុយតុងទីនខ្លួនជាង១ម៉ឺនដុល្លារមិនទាន់សងទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែយ៉ាងណាមិញក្រោយពីមានប្រតិកម្មខ្លាំងៗពីតារាកំប្លែងល្បីឈ្មោះគឺអ្នកនាង ស្រេង សុកាន់ដា ហៅ ខ្ញុង ដោយព្រមានផ្លូវច្បាប់នោះ ក៏ស្រាប់តែនៅថ្ងៃទី១១ ខែតុលា អ្នកនាង សឿ សុធារ៉ា បានចេញមុខសុំទោសជាសាធារណ:ដោយបញ្ជាក់ថា ជាការយល់ច្រឡំ។

បន្ទាប់ពីមានការចេញមុខសុំទោសពីតារាស្រីអ្នកនាង សឿ សុធារ៉ា ភ្លាមៗនេះអ្នកនាង ខ្ញុង បានចេញមកបញ្ជាក់ថា មុននឹងធ្វើអ្វីមួយត្រូវមើលឲ្យច្បាស់ មិនមែនចេះតែបង្ហោះនោះទេ។ អ្នកនាង ខ្ញុង ថ្លែងថា សូមលោកស្រីមើលមុខមើលក្រោយមុនធ្វើអ្វីមួយ ព្រោះមិនមែនចេះតែបង្ខូចឈ្មោះគេហើយអាងពាក្យសុំទោសនោះទេ ។

បន្ថែមពីនេះអ្នកនាង ខ្ញុង បានលើកឡើងថា អ្វីគ្រប់យ៉ាងខ្ញុំបានដោះស្រាយតាំងពីថ្ងៃទី២៤ ខែកញ្ញា ឆ្នាំ២០២១មកម្លេះ ដូច្នេះកុំចេះតែមានការភ័ន្តច្រឡំពេក។ ចំណែអ្នកនាង សឿ សុធារ៉ា វិញក៏បានទទួលស្គាល់កំហុសដោយបញ្ជាក់ថា អ្នកនាងខ្ញុងគាត់បានទូទាត់លុយអោយខ្លួនដើម្បីបញ្ចប់រឿងតាំងពីថ្ងៃទី២៤ ខែកញ្ញា ឆ្នាំ២០២១រួចរាល់អស់ហើយ៕

អត្ថបទ៖ ចាន់រ៉ា