ព័ត៌មានជាតិ
តើគោទាំងនេះ មានទំនាស់អ្វី ទើបប្រើថ្នាំបំពុលឲ្យងាប់ពេញដីយ៉ាងនេះ ?
សត្វគោជាច្រើនក្បាលរបស់ប្រជាពលរដ្ឋ ត្រូវបានងាប់ដោយសាពុលថ្នាំគីមីនៅភូមិរលួស សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ កាលពីអំឡុងថ្ងៃបុណ្យភ្ជុំ ប៉ុន្តែរហូតមកដល់ពេលនេះ ពលរដ្ឋម្ចាស់គោទាំងនោះ នៅមិនទាន់ទទួលបានដំណោះស្រាយកក់ក្តៅពីសមត្ថកិច្ច ក៏ដូចជាអាជ្ញាធរពាក់ព័ន្ធនៅឡើយទេ។
លោក ហួត វណ្ណី បានថ្លែងប្រាប់ កម្ពុជាថ្មី នៅព្រឹកថ្ងៃទី១៣ ខែតុលា នេះថា សត្វគោទាំងនោះពិតជាត្រូវស្លាប់ដោយសាថ្នាំគីមីពុលមែន។
លោកបញ្ជាក់យ៉ាងនេះថា “និយាយរួមទៅ គឺវាស្លាប់ដោយសារជាតិគីមីមែន ដោយសារទី១ ពេលដែលប្រជាពលរដ្ឋចុះទៅទាន់ហ្នឹង គឺទាន់ពេលដែលគេកំពុងបាញ់ថ្នាំពីលើអាត្រាក់ គ្នាគេ៣នាក់ ដោយម្នាក់ជាអ្នកបើកអាត្រាក់ និងពីរនាក់ជាអ្នកបាញ់ថ្នាំអូសរម៉កពីក្រោយ ។ ដីនេះជាដីរបស់ឈ្មោះ ឆេង ផល្លី ជាឪពុករបស់ ឆេង បូរ៉ា ប៉ុន្តែឈ្មោះ ឆេង បូរ៉ា នេះ ជាអ្នកកាន់កាប់ ហើយ ឆេង បុរ៉ា នេះគាត់មានអាស័យដ្ឋាននៅភូមិពោធិ៍សែនស្នាយ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។ គាត់ជាទាហានស័ក្តិ៤កន្លះ មិនដឹង ស័ក្តិ៥ មិនដឹង ប៉ុន្តែយើងមិនហ៊ានសួរគេ ពីព្រោះគេមានអំណាច គាត់ជាទាហាននៅខេត្តកំពង់ធំ”។
បើតាមលោក ហួត វណ្ណី “តំបន់នោះគេហៅថា តំបន់អាងតាអាង គឺជាឈ្មោះ ឆេង ផល្លី នេះឯង តែគេហៅ តាអាងៗ តំបន់ហ្នឹងគេហៅ តំបន់គ្រោះក្រោម ស្ថិតនៅក្នុងឃុំស្រយ៉ូវ ក្រុងស្ទឹងសែន ខេត្តកំពង់ធំ”។ លោកថា តំបន់ទាំងនោះ តាមប្រវត្តិពីដូនតាមក គឺជាដីកន្លែងឃ្វាលគោរបស់ប្រជាពលរដ្ឋ ហើយកន្លងមកមានប្រជាពលរដ្ឋប្រមាណ៦ ទៅ៧ ភូមិ បានទៅអាស្រ័យផលនៅតំបន់នោះ ដែលអ្នកខ្លះមានដីមួយហិកតា ពីរហិកតា បីហិកតាជាដើម ប៉ុន្តែលោក ឆេង បូរ៉ា បានត្រូវរ៉ូវគ្នាជាមួយថ្នាក់ខេត្តកាលជំនាន់មុន ប្ដឹងផ្តល់ និងដេញប្រជាពលរដ្ឋចេញ ហើយក្រសោបយកដីទាំងនោះ ដែលមានទំហំប្រមាណពី៣០០ ទៅ៤០០ ហិកតា រយៈពេល ៧ ឬ៨ ឆ្នាំមកហើយ។
លោក ហួត វណ្ណី បានអះអាងថា គោដែលងាប់ទាំងនោះ សរុបចំនួន១៧ក្បាល ដោយឡែកខ្លួនលោកមានគោចំនួន២១ក្បាល បានប៉ះពាល់ករណីថ្នាំពុលនេះ ហើយមិនទាន់ទទួលបានការដោះស្រាយនោះទេ ចំណែកប្រជាពលរដ្ឋមួយចំនួន ដោយសារតែខ្លាចអំណាចលោក ឆេង បូរ៉ា បានទទួលយកសំណងក្នុងគោមួយចំនួន២ លានរៀល។
លោក ហួត វណ្ណី បានបញ្ជាក់ថា នៅពេលទទួលបានព័ត៌មានអំពីករណីគោងាប់ដោយសាថ្នាំពុលគីមីនេះ នៅថ្ងៃទី០៦ ខែតុលា ដែលជាថ្ងៃភ្ជុំបិណ្ឌធំ លោកបាននាំពេទ្យសត្វ និងមេប៉ុស្តិ៍ ព្រមទាំងប្រជាការពារ ចុះទៅមើលដល់ទីតាំងកើតហេតុ ពេលនោះពេទ្យសត្វបានបញ្ជាក់ថា គោងាប់នេះ មិនអាចហូបបានទេ ពីព្រោះវាពុលដោយថ្នាំពុលហើយ។ ស្រាប់តែកាលពីម្សិលមិញ (ថ្ងៃទី១២ ខែតុលា) លោកបានទៅសុំដកហូតលិខិតបញ្ជាក់ពីមន្ទីរពេទ្យសត្វ បែរជានិយាយថា គាត់មិនអាចទទួលខុសត្រូវលើពាក្យដែលគាត់និយាយនោះបានទេ ដោយគាត់ថា ការងាប់របស់គោទាំងនេះ គឺស្ថិតនៅក្នុងការសង្ស័យ។
លោកថា “គាត់បាននិយាយលំអៀងរហូត ហើយទីបំផុតបាននិយាយប្រាប់ខ្ញុំថា កុំចង់វែងឆ្ងាយ សម្រួលទៅ ប្តឹងដល់ណាក៏មិនឈ្នះគេដែរ។ នៅកន្លែងប៉េអឹម បានគាបសង្កត់ឲ្យប្រជាពលរដ្ឋទទួលយកសំណងចំនួន២លានរៀល ហើយប្រជាពលរដ្ឋមួយចំនួន ក៏បានទទួលយកសំណងនេះ នៅតែលោកចំនួនពីរនាក់ប៉ុណ្ណោះ ដែលមានសត្វគោងាប់សរុបចំនួន១១ ក្បាល ហើយកំពុងតែព្យាបាល២១ ក្បាល។
ទាក់ទងបញ្ហានេះ លោក សុក ហៃ អភិបាលរង និងជាអ្នកនាំពាក្យរដ្ឋបាលខេត្តកំពង់ធំ បានអះអាងថា “ករណីនោះដូចជាពុលថ្នាំ” និងបានឲ្យសួរទៅខាងកសិកម្មខេត្ត ប៉ុន្តែខាងកសិកម្មមិនមានអ្នកទទួលទូរស័ព្ទនោះទេ។
ចំណែកលោក សួន សេរីរដ្ឋា ប្រធានវេទិកាសន្តិភាពកម្ពុជា និងជារដ្ឋលេខាធិការក្រសួងអភិវឌ្ឍជនបទបានអះអាងថា ករណីនោះ ជាករណីរំលោភយកអាងទឹកសាធារណៈរបស់រដ្ឋ និងប្រើថ្នាំគីមីបំពុលគោរបស់អ្នកស្រុក ហើយលោកបានហៅជនអ្នកប្រព្រឹត្តនោះថា ជាជនឧក្រិដ្ឋ។
លោក សួន សេរីរដ្ឋា បានបញ្ជាក់យ៉ាងដូច្នេះថា “បុគ្គលដែលរំលោភយកអាងទឹក (មេទឹក) សាធារណៈរបស់រដ្ឋ ទៅធ្វើជារបស់ខ្លួន រួចប្រើថ្នាំគីមី (ថ្នាំពុល) ដាក់ចូលអាងទឹកបំពុលគោរបស់អ្នកស្រុក ដែលផឹកទឹកអាងឲ្យស្លាប់ គឺជាជនឧក្រិដ្ឋ ដែលមានទោសរំលោភប្លន់យកសម្បត្តិរដ្ឋផង និងដាក់ថ្នាំបំពុលសម្លាប់សត្វគោជាទ្រព្យឯកជនរបស់ប្រជាពលរដ្ឋផង”។
លោក សួន សេរីរដ្ឋា បានបញ្ជាក់ថា “វេទិកាសន្តិភាពកម្ពុជា ដែលមានសមាជិកជាច្រើនគ្រួសារបានរងគ្រោះបាត់បង់សត្វគោជាច្រើនក្បាលនៅភូមិរលួស សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ដោយសារអំពើទុច្ចរឹត (ឈ្មោះ ឆេង ផល្លី និង ឆេង បូរ៉ា) ដាក់ថ្នាំគីមី (ថ្នាំពុល) ក្នុងអាងទឹកនេះ អំពាវនាវឲ្យសមត្ថកិច្ច សូមធ្វើការស្រាវជ្រាវចាត់ការតាមច្បាប់លើជនល្មើស និងត្រូវឲ្យជនល្មើសសងសំណងដល់ម្ចាស់គោវិញ ឲ្យបានសមរម្យតាមតម្លៃទីផ្សារ”។
បើតាមលោក សួន សេរីរដ្ឋា “ច្បាប់ មិនអនុញ្ញាតឲ្យជនល្មើសណាម្នាក់រួចខ្លួនទេ ! ដូចនេះអាជ្ញាធរអ្នកអនុវត្តច្បាប់ ត្រូវតែអនុវត្តច្បាប់ឲ្យស្មើរភាព និងមានប្រសិទ្ធិភាព ដើម្បីផ្តល់យុត្តិធម៌ឲ្យប្រជាពលរដ្ឋម្ចាស់គោទាំងអស់ ៕
អត្ថបទ៖ កោះកែវ
រដ្ឋមន្ត្រីកសិកម្ម ណែនាំឱ្យថ្នាក់ដឹកនាំវិទ្យាស្ថាន CDRI ពង្រីកទំហំអភិវឌ្ឍវិស័យកសិកម្ម ធានាផលចំណេញសម្រាប់កសិករ
ទេសរដ្ឋមន្ត្រី គន់ គីម ចុះពិនិត្យស្ថានភាពផលប៉ះពាល់បង្កឡើងពីទឹកជំនន់តាមបណ្តោយស្ទឹងជីក្រែង
អ៊ីស្រាអែល ផ្លោងរ៉ុកកែតជាច្រើនចូលរដ្ឋធានីលីបង់ បាញ់ចំទីស្នាក់ការកណ្ដាលក្រុមហេសបូឡា
សម្ព័ន្ធមិត្តរុស្ស៊ី គំរាមឲ្យណាតូត្រៀមទទួលនុយក្លេអ៊ែរ បើហ៊ានវាយប្រហារទឹកដីរបស់ខ្លួន
ណុប បាយ៉ារិទ្ធ ស្នើពលរដ្ឋខ្មែរជួយគាំទ្រលើកតម្កើងវិស័យសិល្ប:បុរាណឲ្យបានច្រើនកុះករ
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
ទៅដល់រដ្ឋ Florida ភ្លាម ព្យុះសង្ឃរាកំណាច Helene បណ្តាលឲ្យមានមនុស្សស្លាប់ភ្លែត
លើកដំបូង! រុស្ស៊ី បាញ់មីស៊ីលល្បឿនលឿនជាងសំឡេង ៣គ្រាប់ វាយប្រហារ អ៊ុយក្រែន
អតីតតារាកំប្លែង តា ចេក ត្អូញត្អែរថារកស៊ីអ្វីក៏មិនកាក់កប ខណ:គ្មានសង្ឃឹមជួបជុំសាច់ញាតិនារដូវភ្ជុំ
-
ព័ត៌មានអន្ដរជាតិ៤ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ