កីឡា
យុទ្ធនាការលាងសំអាតសង្គម ឬ ហៅថាកម្ពុជាស្អាតជាយុទ្ធនាការឆ្ពោះទៅស៊ីហ្គេម ឆ្នាំ២០២៣
យុទ្ធនាការលាងសំអាតសង្គម ឬហៅថាកម្ពុជាស្អាត គឺយុទ្ធនាការមួយក្នុងចំណោមយុទ្ធនាការធំៗពីររបស់កម្ពុជា ក្នុងដំណើរឆ្ពោះទៅទទួលរៀបចំធ្វើជាម្ចាស់ផ្ទះកីឡាស៊ីហ្គេម លើកទី ៣២ ឆ្នាំ២០២៣។
យុទ្ធនាការលាងសម្អាតសង្គម គឺធ្វើឲ្យកម្ពុជាស្អាតតាំងពីឥឡូវទៅដល់ឆ្នាំ ២០២៣ ឲ្យកម្ពុជាមានបរិយាកាសល្អ បរិស្ថានល្អ ខ្យល់អាកាសល្អ គ្មានជាតិពុលនៅក្នុងអាកាសធាតុ ធ្វើឲ្យកម្ពុជាមានសណ្ដាប់ធ្នាប់ល្អ អនាម័យល្អ បរិស្ថានបៃតង ហើយប្រជាពលរដ្ឋត្រូវយល់ដឹងថា ប្រជា ជនម្នាក់ គ្រួសារមួយ គឺជាអ្នកទទួលភ្ញៀវម្នាក់។
នេះជាការបញ្ជាក់របស់លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) និងជាគ្រូឧទ្ទេសប្រចាំវគ្គសិក្សាសាមគ្គីអូឡាំពិកស្តីពីរដ្ឋបាលកីឡា នៅខេត្តកែប (តាមប្រព័ន្ធ Zoom)ដែលបានបិទបញ្ចប់កាលពីល្ងាចថ្ងៃទី១៤តុលា២០២១នៅខេត្តកែប។
លោកវ៉ាត់ ចំរើន បានមានប្រសាសន៍ឲ្យដឹងទៀតថា ការរៀបចំស៊ីហ្គេមវាជាមុខមាត់ប្រទេស ជាតិ ព្រោះពេលនោះមិនគ្រាន់តែភ្ញៀវមកកម្ពុជាច្រើនទេ ដែលចង់ដឹងចង់មើលកម្ពុជា គ្រាន់តែកីឡាករដែលមកចូលរួមប្រកួតគឺមានជាង ៥០០០ នាក់ បូករួមទាំងមន្ត្រីបច្ចេកទេសប្រតិភូផ្សេងៗដែលមកចូលរួមកីឡាស៊ីហ្គេមនៅស្រុក ខ្មែរផង គឺជិតមួយម៉ឺននាក់ទៅហើយ ដូច្នេះក្នុង រយៈពេលពីរសប្តាហ៍នៃការប្រកួតស៊ីហ្គេមនេះយើងនឹងអាចទាក់ទាញអ្នកគាំទ្រសាច់ញាតិកីឡាករបណ្ដាប្រទេសដែលចូលរួម គឺមានរាប់ម៉ឺននាក់ថែមទៀត ហើយតែគាត់មកតាមកីឡាករមកមើលស្រុកខ្មែរ គឺគាត់មកចាយលុយនៅស្រុក ខ្មែរ ដែលធ្វើឱ្យយើងទទួលបានចំណូលចូលថវិកាជាតិយ៉ាងច្រើន នេះគឺជាភាពចំណេញរបស់កម្ពុជាយើង ដោយលោកថា”ដូច្នេះប្រជាពលរដ្ឋយើងម្នាក់ៗត្រូវតែសម្អាតចិត្ត សម្អាតគំនិត សម្អាតអាកប្បកិរិយា ប្រកាន់ស្មារតីនិងចរិតស្មោះត្រង់ រួសរាយរាក់រាក់ទទួលស្វាគមន៍ “។
លោកអគ្គលេខាធិការCAMSOC ក្រៅពីបានចែករំលែកចំណេះដឹងជូនដល់សិក្ខាកាម ដោយក្រៅអំពីមូលដ្ឋានគ្រឹះនៃវគ្គសិក្សា លោកក៏បានបញ្ជ្រាបការផ្សព្វផ្សាយអំពីសារសំខាន់នៃដំណើរឆ្ពោះទៅទទួលរៀបចំធ្វើជាម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ថែមទៀត។ ជាមួយ គ្នានោះ លោកក៏បានលើកទឹកចិត្តចំពោះលោកគ្រូ អ្នកគ្រូ ដែលជាសិក្ខាកាមឲ្យផ្តោតការយកចិត្តទុកដាក់ឲ្យបានខ្ពស់ ដើម្បីប្រមូលធាតុចូលនូវចំណេះដឹងក្នុងវិស័យកីឡាឲ្យកាន់តែស៊ីជម្រៅ និងយកទៅអនុវត្តការងារឲ្យកាន់តែមានប្រសិទ្ធ ភាពខ្ពស់។
វគ្គសិក្សាសាមគ្គីអូឡាំពិក ស្តីពីរដ្ឋបាលកីឡា នៅខេត្តកែបនេះ គឺជាវគ្គសិក្សាលើកទី៣ ប្រចាំ ឆ្នាំ២០២១ ដែលបានដំណើការពីថ្ងៃទី១១ ដល់ថ្ងៃទី១៤ ខែតុលា ឆ្នាំ២០២១ តាមប្រព័ន្ធបច្ចេក វិទ្យា Zoom។ វគ្គរដ្ឋបាលកីឡានេះ ត្រូវបានធ្វើឡើង២លើករួចមកហើយ គឺនៅភ្នំពេញ និងខេត្តតាកែវ ហើយបន្តមកធ្វើខេត្តកែប មុននឹងបន្តទៅ១ខេត្តចុងក្រោយ ដែលគ្រោងនឹងធ្វើឡើងនៅខេត្តរតនគីរី នាពេលខាងមុខ។ វគ្គសិក្សានេះ ធ្វើ ឡើងសម្រាប់មន្ត្រី-ថ្នាក់ដឹកនាំកីឡា គ្រូអប់រំកាយ និងកីឡា នៅតាមរាជធានីខេត្តខាងលើ ដើម្បីទទួលបាននូវចំណេះដឹងបន្ថែមពីគ្រូឧទ្ទេសចំនួន ៣រូប។
គ្រូឧទ្ទេសប្រចាំវគ្គមាន៣រូប គឺលោកព្រឹទ្ធ បុរសវេជ្ជបណ្ឌិត សុខ សារឿន ប្រធានគណៈកម្ម ការវេជ្ជសាស្ត្រកីឡា អមគណៈកម្មាធិការជាតិអូឡាំពិកកម្ពុជា លោក បឹង គឹមតោ ប្រធាននាយកដ្ឋានអប់រំកាយ និងកីឡា សិស្ស-និស្សិតនៃក្រសួងអប់រំ យុវជន និងកីឡា និងលោក វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការ NOCCនិងCAMSOC។
វគ្គរដ្ឋបាលកីឡានេះ ផ្តោតសំខាន់លើខ្លឹមសារវេជ្ជសាស្ត្រកីឡា ការធ្វើការជាមួយអ្នកស្ម័គ្រចិត្ត រៀបចំព្រឹត្តិការណ៍ រៀបចំអង្គប្រជុំ ទំនាក់ទំនង ស្ត្រី និងកីឡា ប្រវត្តិចលនាអូឡាំពិក និងរចនា សម្ព័ន្ធ អង្គការសាមគ្គីអូឡាំពិក ការលេងដោយយុត្តិធម៌ ភាពជាអ្នកដឹកនាំ ផែនការកម្មវិធីហ្វឹក ហាត់កីឡា និងផែនការធ្វើដំណើររបស់គណៈ ប្រតិភូ។
គោលដៅសំខាន់ៗនៃវគ្គសិក្សានេះ គ្រូឧទ្ទេសក៏បានបញ្ជ្រាបការផ្សព្វផ្សាយនូវគោលដៅចម្បងនៃដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣ ដើម្បីជួយជំរុញឲ្យវិស័យកីឡានៅខេត្តគោលដៅទាំងអស់ កាន់តែមានភាពរីកចម្រើនបន្ថែមទៀត ជាពិសេសគឺគោលដៅរួមគ្នាអភិវឌ្ឍឆ្ពោះទៅទទួលធ្វើម្ចាស់ផ្ទះ ការប្រកួតស៊ីហ្គេម-អាស៊ានប៉ារ៉ាហ្គេម ឆ្នាំ២០២៣៕
ដោយ ៖ វិសិទ្ធ
សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ
ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
អតីតមន្ត្រីបក្សប្រឆាំងទូទាំងប្រទេស អបអរសាទរ«ទិវាសន្តិភាពនៅកម្ពុជា» ខណៈពួកគេស្អប់ខ្ពើមសង្រ្គាម
សម្តេច ម៉ែន សំអន ៖ ពិធីបុណ្យដារលាន ជាបុណ្យប្រពៃណីដូនតាខ្មែរ ដើម្បីជួបជុំ និងអបអរ បន្ទាប់ហត់នឿយក្នុងពេលបង្ករបង្កើនផលរហូតដល់ប្រមូលផលស្រូវ
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ
លោក ពូទីន ចេញមុខសុំទោសមេដឹកនាំ អាស៊ែរបៃហ្សង់ រឿងធ្លាក់យន្តហោះស្លាប់មនុស្ស ៣៨ នាក់
យុវជន៨នាក់ ស្ម័គ្រចិត្តចូលប្រឡងបម្រើការងារជាគ្រូមត្តេយ្យសហគមន៍នៅក្នុងខេត្តមណ្ឌលគិរី
-
សន្តិសុខសង្គម៥ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៦ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
សន្តិសុខសង្គម៤ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ជីវិតកម្សាន្ដ២ ម៉ោង agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
ចរាចរណ៍៥ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៦ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ៧ ថ្ងៃ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
ព័ត៌មានអន្ដរជាតិ១ សប្តាហ៍ agoរន្ធត់! មួយគ្រួសារមានសមាជិក ១០នាក់ ស្លាប់ទាំងអស់ ក្នុងហេតុការណ៍ធ្លាក់យន្តហោះនៅ ប្រេស៊ីល