កុំច្រឡំ​មិនមែនរថយន្ត​អ្នក​ដំណើរ​​ទេ ឈប់ត្រៀបត្រា​ក្រោម​​ស្ពាន​អាកាស​ក្បាល​ថ្នល់

ភ្នំពេញ៖ អ្នកធ្វើដំណើរឆ្លងកាត់ក្រោមស្ពានអាកាសក្បាលថ្នល់ បាននាំគ្នាប្រតិកម្មទៅលើអ្នករត់តាក់សុីដែលឈប់ចាប់ម៉ូយនៅក្រោមស្ពានអាកាសយ៉ាងអនាធិបតេយ្យហើយងាយគ្រោះថ្នាក់ទៀតផង។

អ្នកធ្វើដំណើទូទៅបាននិយាយថា សព្វថ្ងៃនេះគេធុញទ្រាន់អ្នកបើកបររថយន្តតាក់សុីមកឈប់ចាប់ម៉ូយ នៅក្រោមស្ពានអាកាសក្បាលថ្នល់ ស្ថិតក្នុងសង្កាត់ចាក់អង្រែលើខណ្ឌមានជ័យរាជធានីភ្នំពេញខ្លាំងណាស់។ ម្យ៉ាងទៀតនៅពេលដែលកំពុងបញ្ជាយានយន្តបង្កើនល្បឿនឡើងស្ពានព្រះមុនីវង្សថ្មីឆ្ពោះទៅច្បារអំពៅ គឺស្រាប់តែវ៉ាក់អើអ្នករត់ចាប់ម៉ូយដាក់តាក់សុី​ដែលជាហេតុនាំឲ្យគ្រោះថ្នាក់បំផុត។

ដូច្នេះហើយទើបអ្នកធ្វើដំណើសំណូមពរដល់អាជ្ញាធរមានសមត្ថកិច្ចមេត្តាមានវិធានការណ៍ទៅលើអ្នករត់តាក់សុីខាងលើផង​ បើពុំដូច្នោះទេថ្ងៃណាមួយនឹង​ជួបគ្រោះថ្នាក់ដល់អាយុជីវិតអ្នកដំណើរ ដោយសារភាពអនាធិបតេយ្យនេះ៕

អត្ថបទ៖ នរា