ព័ត៌មានជាតិ
ត្រីកាម៉ុង លក់បានថ្លៃលើទីផ្សារ គ្រាមានព្យុះភ្លៀង២សប្តាហ៍កន្លងទៅ
កោះកុង ៖ ក្រុមប្រជានេសាទជាលក្ខណៈគ្រួសារ ហាក់រីករាយនឹងការលក់ដូរត្រីកាម៉ុងបានថ្លៃជូនអតិថិជនដែលនិយមបរិភោគប្រភេទមួយនេះ គ្រាអ្នកនេសាទផ្សេងទៀតពុំហ៊ានចេញទៅនេសាទដោយសារខ្លាចព្យុះភ្លៀង២សប្តាហ៍កន្លងទៅ។
តម្លៃត្រីកាម៉ុងនៅលើទីផ្សារក្នុងស្រុក មានការហក់ឡើងខ្ពស់ចាប់ពីចន្លោះ១៥,០០០រៀល ទៅ១៨,០០០ រៀល ក្នុងមួយគីឡូក្រាម បើធៀបនឹងអាកាសធាតុអំណោយផលសម្រាប់ការចេញនេសាទសមុទ្រ។ ទិន្នផលនេសាទត្រីកាម៉ុងរបស់ប្រជានេសាទ ទោះរកបានតិច ឬច្រើនដឹងតែមានឈ្មួញទទួលទិញយកអស់តែម្តង។
អ្នកស្រី ស៊ី វ៉ើ ម្ចាស់ទូកត្រីកាម៉ុង និងជាអ្នកទទួលទិញត្រីកាម៉ុងតាមទូកនេសាទដូចគ្នា នៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង បានឲ្យដឹងថ្ងៃទី១៨ ខែតុលានេះថា ពេលមានព្យុះភ្លៀងប៉ុន្មានអាទិត្យមកនេះ ទិន្នផលគ្រឿងសមុទ្រថយចុះ ព្រោះគ្មានអ្នកចេញរកដូចពេលសព្វដង។ រីឯអ្នកហ៊ានចេញនេសាទតែងទទួលប្រមូលផលតិចឬច្រើនតាមលទ្ធភាពរបស់ពួកគេ ដើម្បីយកមកផ្គត់ផ្គង់អាហារជូនអតិថិជនប្រចាំថ្ងៃ។
អ្នកទទួលទិញត្រីកាម៉ុងបោះដុំ អះអាងទៀតថា បើការនេសាទបានច្រើនតម្លៃទិញចូលពីប្រជានេសាទ ត្រឹម៩,០០០រៀល ហើយប្រសិនពេលណាខ្សត់ នោះតម្លៃទិញចូលពីប្រជានេសាទ ហក់ឡើងដល់១២,០០០រៀល ក្នុងមួយគីឡូក្រាម។ ដោយឡែកចំពោះតម្លៃលក់ចេញនៅលើទីផ្សារវិញ គឺមានចន្លោះពី១៥,០០០រៀលទៅ១៨,០០០រៀល ក្នុងមួយគីឡូក្រាម។
គួរជម្រាបថា ត្រីកាម៉ុង ជាត្រីសមុទ្រមួយប្រភេទ ត្រូវបានពលរដ្ឋកម្ពុជាទទួលស្គាល់ថា មាននៅតែក្នុងខេត្តចំនួន៤ ជាប់សមុទ្រនៃប្រទេសកម្ពុជាប៉ុណ្ណោះ គឺខេត្តកោះកុង កំពត កែប និងខេត្តព្រះសីហនុ។ ទោះយ៉ាងត្រីប្រភេទនេះ ក៏កំពុងទទួលរងហានិភ័យខ្ពស់ពីការនេសាទ ខុសច្បាប់របស់ក្រុមឈ្មួញធ្វើការនេសាទក្នុងអំឡុងត្រីនេះកំពុងពងកូនផងដែរ។
លោក សេង ប៊ុណ្ណា អនុប្រធានជលផលខេត្តកោះកុង ក៏ទទួលស្គាល់ដែរថា ប្រភេទត្រីកាម៉ុងបច្ចុប្បន្ន កំពុងប្រឈមនិងការនេសាទខុសច្បាប់គ្រប់រដូវកាល ជាហេតុនាំឱ្យផលត្រីកាន់តែថមថយទៅៗ។ ពី១ឆ្នាំទៅ១ឆ្នាំ មន្ត្រីខណ្ឌរដ្ឋបាលជលផលខេត្ត ចុះពន្យល់ណែនាំដល់បងប្អូនប្រជានេសាទ ឱ្យបញ្ឈប់ការនេសាទខុសច្បាប់ ពោលគឺក្នុងរដូវកាលត្រីកំពុងពងកូន។
តំបន់សហគមន៍នេសាទសមុទ្រ ដែលក្រសួងកសិកម្មរុក្ខាប្រមាញ់ និងនេសាទ កាត់បញ្ចូល ជាតំបន់គ្រប់គ្រងដែនជម្រកសុវត្ថិភាពត្រីកាម៉ុង គឺមួយផ្នែកធំស្ថិតនៅសហគមន៍ព្រៃកោងកាងពាមក្រសោប ឃុំពាមក្រសោប ស្រុកមណ្ឌលសីមា និងមួយផ្នែកទៀត ស្ថិតក្នុងឃុំកោះកាពិ ស្រុកកោះកុង មានទំហំ១,២៨៣ហិកតា៕
អត្តបទ ៖ សិរីវឌ្ឍនៈ
សាលី ស្រីមាស សន្យាចូលរួមថែរក្សាការផ្សព្វផ្សាយជួយលើកស្ទួយសិល្បៈបុរាណខ្មែរឱ្យគង់វង្ស
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ផ្លូវហ្សាលឌឺហ្គោល (ផ្លូវ២១៧) នឹងត្រូវរៀបចំសណ្តាប់ធ្នាប់ រួមជាមួយផ្លាស់ប្តូរការ៉ូឡាថ្មី ដើម្បីយកធ្វើជាផ្លូវគំរូ
លោកជំទាវ ហ៊ុន ម៉ាណា ប្រគល់អគារទីចាត់ការ អគារបណ្ណាល័យ បន្ទប់ទឹក និងផ្ដល់អាហារ១ពេលដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់