ព័ត៌មានជាតិ

កម្ពុជាទទួលដែករ៉ៃ និង កំណល់បេតុងផ្លូវរថភ្លើង ដែលជាជំនួយឥតសំណងរបស់រាជរដ្ឋាភិបាលថៃជាង៤ ម៉ឺនតោន

បានផុស

៣ years មុន

នៅ

ថ្ងៃចន្ទ ១៨ តុលា ២០២១

ដោយ

ពិធីប្រគល់-ទទួលដែកកំណល់បេតុងនិងគ្រឿងបរិក្ខារ(ក្រចាប់)ដែលជាជំនួយរបស់រាជរដ្ឋាភិបាលថៃមកកាន់រាជរដ្ឋាភិបាលកម្ពុជា(ជុំទី១) បានធ្វើឡើងនៅថ្ងៃទី១៨ ខែតុលា ឆ្នាំ២០២១នេះនៅលើស្ពានផ្លូវរថភ្លើងចំណុចតភ្ជាប់រវាងប្រទេសកម្ពុជានិងប្រទេសថៃស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យឈម នឹងផ្សាររុងក្លឿ ឃុំប៉ាខាម ស្រុកអារញ្ញ ខេត្តស្រះកែវ ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លី បូរិន្ទ អនុរដ្ឋលេខាធិការក្រសួងសាធារណការនិងដឹកជញ្ជូនដែលបានអញ្ជើញក្នុងពិធីប្រគល់ទទួលជំនួយឥតសំណងពីរាជរដ្ឋាភិបាលថៃបានឱ្យដឹងថា តាមរយៈនៃ ជំនួបរវាងសម្ដេចតេជោ ហ៊ុន សែន និងនាយករដ្ឋមន្ត្រីថៃនាពេលមកភាគីថៃបានប្រកាសផ្ដល់ជំនួយដល់កម្ពុជានូវដែកកំណល់បេតុង និង គ្រឿងបរិក្ខារ (ក្រចាប់)ភ្ជាប់នឹង កំណល់ដែលសរុបទាំងអស់ចំនួនជាង ៤០,០០០ (បួនម៉ឺនតោន) នឹងត្រូវដឹកតាមទូររថភ្លើងចំនួន៨០ទូរដឹកចេញពីខេត្តប៉ាតាយ៉ាប្រទេសថៃ មកដល់មាត់ច្រកព្រំដែនកម្ពុជា ជាបន្ទុករបស់ភាគីថៃ។ ចំណែកភាគីកម្ពុជាទទួលបន្ទុកដឹកពីច្រកព្រំដែនអន្តរជាតិប៉ោយប៉ែតទៅកាន់ចំនួន៧គោលដៅមាន ស្រុកមង្គលបុរីភ្នំធិបតី រហូតដល់ខេត្តពោធិ៍សាត់ ដែលគិតជាផ្លូវដែកមានប្រវែង ១៧០គីឡូម៉ែត្រ។

សូមបញ្ជាក់ថា ដែកកំណល់បេតុងនិងគ្រឿងបរិក្ខារ(ក្រចាប់)ដែលជាជំនួយរបស់រាជរដ្ឋាភិបាលថៃចំពោះរាជរដ្ឋាភិបាលកម្ពុជាមាន ដៃនិងកំណល់បេតុង ក្រចាប់ និងគ្រឿងបរិក្ខារដែករ៉ៃមានចំនួន ១៩,០០០ តោន, កំណល់បេតុងមានចំនួន ១៣៥,០០០ដុំ, ចំណែកដៃក្រចាប់ជាង២ម៉ឺនតោនសរុបទាំងអស់ជាង ៤,០០០០តោន៕

ដោយ ៖ ណា រី