ព័ត៌មានជាតិ
ពលរដ្ឋជាង១០០គ្រួសារ ដែលរងគ្រោះដោយទឹកជំនន់ក្នុងស្រុកលំផាត់ ត្រូវបានជម្លៀសមកទីទួលមានសុវត្ថិភាព
រតនគិរី ៖ ក្នុងឱកាសអញ្ជើញពិនិត្យស្ថានភាពទឹកជំនន់នៅស្រុកលំផាត់ នៅព្រឹកថ្ងៃទី១៩ ខែតុលា ឆ្នាំ២០២១នេះ លោក គិត ទ្រី អភិបាលរងខេត្ត តំណាងលោក ញ៉ែម សំអឿន អភិបាលនៃគណៈអភិបាលខេត្តរតនគិរី បានមានប្រសាសន៍ថាពលរដ្ឋជាង១០០គ្រួសារ ដែលរងគ្រោះដោយទឹកជំនន់ត្រូវបានអាជ្ញាធរជម្លៀស មកទីទួលមានសុវត្ថិភាព និងទទួលបានជំនួយគ្រឿងឧបភោគ បរិភោគពីអាជ្ញាធរខេត្ត។
លោក គិត ទ្រី បន្តថា បន្ទាប់ពីមានភ្លៀងធ្លាក់ជាប់ៗគ្នាប៉ុន្មានថ្ងៃមកនេះ បានធ្វើឲ្យទន្លេស្រែពកហក់ឡើង ចាប់ពីថ្ងៃទី១៥ ដល់ថ្ងៃទី១៩ខែតុលានេះ បានជន់លិច បណ្តាលឲ្យរងផលប៉ះពាល់ដល់ប្រជាពលរដ្ឋចំនួន ១,៦៨៤គ្រួសារ ស្មើនឹង៦,៨៨៤នាក់ ដែលរស់នៅឃុំចំនួន៣ គឺឃុំសេដា ឃុំជ័យឧត្តម និងឃុំកាឡែង សរុបទាំងអស់ស្មើនឹង១៣ភូមិ ដែលក្នុងនោះរងផលប៉ះពាល់ដល់ដីស្រែប្រជាពលរដ្ឋសរុបចំនួន ១,៨៤៤ហិកតា និងផ្ទៃដីចំការសរុបចំនួន ៥១៨ហិកតា។
លោកអភិបាលរងខេត្ត បានបញ្ជាក់ថា ក្រោយពីទឹកទន្លេឡើងដល់កម្ពស់ប្រកាសអាសន្ន ចាប់ផ្ដើមមានការលិចលង់ផ្ទះប្រជាពលរដ្ឋភ្លាម គណៈកម្មាធិការគ្រប់គ្រងគ្រោះមហន្ដរាយខេត្តរតនគិរី បានឆ្លើយតបភ្លាមៗ ដោយបានចាត់កម្លាំងទៅចាប់ផ្ដើមជម្លៀសប្រជាពលរដ្ឋដែលទឹកលិចផ្ទះរបស់ពួកគាត់មកទីទួលមានសុវត្ថិភាពឲ្យបានទាន់ពេលវេលា គិតមកដល់រសៀលថ្ងៃទី១៩នេះ គឺមានប្រមាណជាង១០០គ្រួសារ។
លោកបានបន្ថែមថា អាជ្ញាធរស្រុកបានបន្ដជូនព័ត៌មានឲ្យប្រជាពលរដ្ឋរស់នៅភូមិ ដែលនៅជាប់មាត់ទន្លេ ដើម្បីឲ្យពួកគាត់បានត្រៀមទុកជាមុននូវហេតុការណ៍ដែលអាចកើតមានឡើងនាពេលទឹកឡើង ពោលគឺបានត្រៀមទូក អូប័រ និងពោងសម្រាប់ជម្លៀសប្រជាពលរដ្ឋ ហើយបានចាត់មន្ដ្រីតាមដានទឹកទន្លេជាប្រចាំ និងបានត្រៀមសេចក្ដីជូនដំណឹងផ្សេងៗពាក់ព័ន្ធទឹកជំនន់ផងដែរ។
ក្នុងឱកាសនេះផងដែរ លោក ក៏បាននាំយកអំណោយរបស់គណៈកម្មាធិការគ្រប់គ្រងគ្រោះមហន្ដរាយខេត្តរតនគិរី ប្រគល់ជូនដល់អាជ្ញាធរស្រុក រួមមាន ៖ អង្ករ មី ត្រីខ ទឹកសុទ្ធ ទឹកស៊ីអ៊ីវ ទឹកត្រី និងតង់ សម្រាប់បែងចែកជូនប្រជាពលរដ្ឋប្រើប្រាស់ ក្នុងអំឡុងពេលដែលពួកគាត់ត្រូវបានជម្លៀសមកទីទួលមានសុវត្ថិភាពនេះ៕
ដោយ ៖ វុទ្ធឦសាន
វិស័យឯកជនកម្ពុជា-ហ្វីលីពីនប្តេជ្ញាជំរុញពាណិជ្ជកម្មទ្វេរភាគីឱ្យកើនដល់៨០០លានដុល្លារ
អ្នកចាំទីឆ្នើម ជា ហ្វារីយ៉ា ដាក់គោលដៅទៅលេងនៅជប៉ុន
រដ្ឋមន្ត្រីសុខាភិបាល ណែនាំដល់ថ្នាក់ដឹកនាំ និងមជ្ឈមណ្ឌលជាតិពាក់ព័ន្ធ ឱ្យបង្កើនការយកចិត្តទុកដាក់ខ្ពស់អំពីបញ្ហាមូស
អ្នកផ្ទុកមេរោគអេដស៍ប្រមាណ ៦ ទៅ ៧ ពាន់នាក់ទៀត មិនទាន់ធ្វើតេស្ត និងទទួលបានសេវាព្យាបាលនៅឡើយទេ
ព្រែកជីកហ្វូណនតេជោ តម្លៃ ១ ៧០០ លានដុល្លារ ឈានចាប់ផ្តើមដោះស្រាយផលប៉ះពាល់
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
អង្គរក្សស្រីតាមស្អិតនាយករដ្ឋមន្ត្រី ថៃ ទៅ ចិនធ្លាប់បំបាក់ម្ចាស់ជើងឯកការ៉ាតេជប៉ុន ៥ រូប
ករណីផ្សាយថាចោរប្លន់អ្នកសិល្បៈនៅខណ្ឌសែនសុខ៖ ស្នងការថាម្ចាស់ម៉ូតូយកម៉ូតូលក់ តែកុហកថាចោរប្លន់
ផ្អាកបណ្ដាញសង្គម អតីតស្វាមី និងម្តាយក្មេក តួ សាន់ឆាយ ក្រោយបំពាននិងរកលុយពីអ្នកស្លាប់
-
សន្តិសុខសង្គម១ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម១ ថ្ងៃ agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង