ភស្តុតាងច្បាស់ៗ វ៉ាក់សាំងដូសជំរុញ អាចបញ្ចៀស គ្រោះមហន្តរាយកូវីដ បាន

ក្រុមអ្នកវិទ្យាសាស្រ្ត កំពុងបង្ហាញក្តីសង្ឃឹមថា គ្រោះមហន្តរាយកូវីដ អាចចៀសផុត ខណៈទិន្នន័យពីប្រទេសអ៊ីស្រាអែលបង្ហាញថា វ៉ាក់សាំងដូសជំរុញ​ អាចកាត់បន្ថយករណីឆ្លង និងការចូលសម្រាកព្យាបាលក្នុងមន្ទីរពេទ្យបានយ៉ាងច្រើនគួរឲ្យកត់សម្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសដែលនាំមុខគេក្នុងការចាក់ថ្នាំបង្ការមួយនេះ បានចាប់ផ្តើមយុទ្ធនាការចាក់ដូសជំរុញ នៅពេលភាពស៊ាំពីវ៉ាក់សាំងពីរដូសដំបូង ចាប់ផ្តើមចុះខ្សោយកាលពីរដូវក្តៅ។

ស្ទើរតែពាក់កណ្តាលនៃប្រជាជនរបស់ខ្លួន ឥឡូវនេះបានទទួលវ៉ាក់សាំងដូសទីបី ហើយកាលពីសប្តាហ៍មុន ការចូលសម្រាកព្យាបាលក្នុងមន្ទីរពេទ្យ បានធ្លាក់ចុះពាក់កណ្តាលបើធៀបនឹងខែមុន។

ករណីឆ្លងក៏បានធ្លាក់ចុះដល់១,២០០ករណីផងដែរ ពោលគឺទាបជាងករណីខែកញ្ញា រហូតដល់ទៅ៥ដងឯណោះ។

គួរបញ្ជាក់ថា គិតត្រឹមថ្ងៃចន្ទទី២៥ ខែតុលានេះ ប្រទេសអ៊ីស្រាអែល បានកត់ត្រាករណីឆ្លងជំងឺកូវីដ-១៩សរុប ១,៣២៣,៥១៦ករណី ស្លាប់ ៨,០៤៩នាក់ និងជាសះស្បើយ ១,៣០៣,៤៨៤នាក់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ បារាំង ចាប់ផ្តើមចាក់វ៉ាក់សាំងបង្ការកូវីដ ដូសជំរុញ