ព័ត៌មានជាតិ

ចាប់ខ្លួនមុខសញ្ញាជួញដូរ ថ្នាំញៀន ដកហូតបានជាង១គីឡូ

បានផុស

៣ years មុន

នៅ

ថ្ងៃអង្គារ ២៦ តុលា ២០២១

ដោយ

ជនសង្ស័យម្នាក់ដែលជាមុខសញ្ញាជួញដូរ គ្រឿងញៀន ត្រូវបានកម្លាំងសមត្ថកិច្ចនគរបាលបង្ក្រាបបាន និងដកហូតគ្រឿងញៀនបានជាងមួយគីឡូក្រាមនៅស្រុកគាស់ក្រឡ ។

កិច្ចប្រតិបត្តិការនេះបានធ្វើឡើងកាលពីថ្ងៃទី២៥ ខែតុលា ឆ្នាំ២០២១ វេលាម៉ោង៤និង៤០នាទីល្ងាច នៅចំណុចអណ្តូងកន្ទួត ក្នុងភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង ។ ដោយអនុលោមតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រតិបត្តិការនេះ បានធ្វើឡើងដោយមានការចូលរួមសហការ គឺលោកវរសេនីយ៍ឯក សុខ និមល នាយការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលស្រុកគាស់ក្រឡ ចុះប្រតិបត្តិការ បង្ក្រាបបានករណីរក្សាទុកដោយខុសច្បាប់នូវសារធាតុញៀន១ករណី ក្នុងបទល្មើសជាក់ស្ដែង ។

នៅពេលនោះដែរសមត្ថកិច្ចបានឃាត់ខ្លួនជនសង្ស័យបានចំនួន០១នាក់ឈ្មោះ រស់ សុខី ភេទប្រុស អាយុ៣៦ឆ្នាំ មានទីលំនៅភូមិជំនីក ឃុំអន្លង់វិល ស្រុកសង្កែ ខេត្តបាត់ដំបង ។

វត្ថុតាងដកហូតបានរួមមាន ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន០១ថង់ ទម្ងន់១០៣៦,៧៣ក្រាម (ជាង១kg) ទូរស័ព្ទដៃចំនួន០១គ្រឿង រថយន្តចំនួន០១គ្រឿង ម៉ាក TOYOTA CAMRY សេរីឆ្នាំ២០០៧ ពាក់ស្លាកលេខ ភ្នំពេញ 2Q-9842 ។

ជនសង្ស័យ និងវត្ថុតាង កំពុងរៀបចំសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់៕

អត្ថបទ៖ សោ និយមរ័ត្ន

Related Topics:គ្រឿងញៀន