ព័ត៌មានជាតិ
ស្តាប់អ្នកជំនាញ ! ការអនុវត្តច្បាប់គណនេយ្យ និងសវនកម្ម បានល្អ នឹងផ្តល់ប្រយោជន៍អ្វីខ្លះ ដល់សេដ្ឋកិច្ចជាតិ?
អគ្គនាយក នៃនិយ័តករគណនេយ្យ និងសវនកម្ម នៃក្រសួងសេដ្ឋកិច្ច និងហិរញ្ញវត្ថុ លោក ប៊ូ ថារិន លើកឡើងថា ការអនុវត្តច្បាប់ ស្ដីពីគណនេយ្យ និងសវនកម្មនេះ មានផលប្រយោជន៍យ៉ាងខ្លាំងដល់សេដ្ឋកិច្ចជាតិ គឺការទាក់ទាញអ្នកវិនិយោគពីក្រៅប្រទេស ពីព្រោះការអនុវត្តកាតព្វកិច្ចទាំងនេះ បង្ហាញឱ្យឃើញពីការអនុវត្តតាមស្តង់ដារអន្តរជាតិ។
ការលើកឡើងរបស់លោក ប៊ូ ថារិន នៅក្នុងការប្រកាសដាក់ឲ្យដំណើរការ “គម្រោងសិក្សាស្រាវជ្រាវ ស្តីពីការអនុវត្តកាតព្វកិច្ចគណនេយ្យ និងសវនកម្មនៅកម្ពុជា” នៅថ្ងៃទី២៧ ខែតុលា ឆ្នាំ២០២១ នេះ។ លោកថា ច្បាប់ស្តីពីគណនេយ្យសហគ្រាស សវនកម្មគណនេយ្យសហគ្រាស និងវិជ្ជាជីវៈគណនេយ្យ ត្រូវបានអនុម័តនិងដាក់ឲ្យអនុវត្តកម្ពុជា តាំងពីឆ្នាំ២០០២ ក្នុងនោះក្រុមប្រឹក្សាជាតិគណនេយ្យ ត្រូវបានបង្កើតឡើងនៅឆ្នាំ២០១៦ ដោយច្បាប់ថ្មីមួយនេះ ត្រូវបានអនុម័ត និងដាក់ឲ្យអនុវត្ត ច្បាប់ស្តីពីគណនេយ្យ និងសវនកម្ម ដែលជំនួយឲ្យច្បាប់ ស្តីពីគណនេយ្យសហគ្រាស សវនកម្មគណនេយ្យសហគ្រាស និងវិជ្ជាជីវៈគណនេយ្យអនុវត្តទៅដោយរលូន។
បើតាមលោក ប៊ូ ថារិន ការអនុវត្តតាមច្បាប់គណនេយ្យ និងសវនកម្ម បានផ្តល់ផលប្រយោជន៍យ៉ាងខ្លាំងដល់សេដ្ឋកិច្ចជាតិ ដោយហេតុថា ការអនុវត្តច្បាប់ស្តីពី គណនេយ្យនិងសវនកម្ម នឹងជួយឲ្យសហគ្រាសទាំងអស់ មានមូលដ្ឋាន នៃការរៀបចំរបាយការណ៍ហិរញ្ញវត្ថុ បញ្ជីគណនេយ្យរបស់ខ្លួនឲ្យមានតម្លាភាព និងភាពអាចទុកចិត្តបាន តាមរយៈការរៀបចំរបាយការណ៍ហិរញ្ញវត្ថុរបស់ខ្លួនតាមស្តង់ដារ ហើយតម្លាភាព និងភាពអាចទុកចិត្តបាន នៃបញ្ជីគណនេយ្យ និងរបាយការណ៍ហិរញ្ញវត្ថុនេះ គឺជាផ្នែកមួយដែលអាចឲ្យក្រុមហ៊ុន សហគ្រាសទាញយកផលប្រយោជន៍ជាច្រើនដូចជា៖ អាចមានលទ្ធភាពទទួលបានឥណទាន, អាចបង្កើតទុនវិនិយោគ តាមរយៈទីផ្សារមូលបត្រ និងទីផ្សារទុន ដែលសព្វថ្ងៃនេះ យើងសង្កេតឃើញថា ទីផ្សារមូលបត្រកំពុងតែ មានការរីកចម្រើនយ៉ាងខ្លាំង។
អ្វីដែលជាផលប្រយោជន៍ នៃការអនុវត្តច្បាប់នេះទៀត លោក ប៊ូ ថារិន អះអាងថា គឺការពង្រីកការងារជូនប្រជាពលរដ្ឋ។ លោកថា ប្រសិនបើក្រុមហ៊ុន សហគ្រាសទាំងអស់ អនុវត្តឲ្យបានខ្ជាប់ខ្ជួននូវកាតព្វកិច្ចបញ្ជីគណនេយ្យ និងការរៀបចំរបាយការណ៍ហិរញ្ញវត្ថុ ពេលនោះ នឹងត្រូវការគណនេយ្យករច្រើន ដែលជានិស្សិតចេញពីសកលវិទ្យាល័យ ចេញពីសាលាជំនាញ ហើយពួកគេ នឹងមានការងារធ្វើ។
លោក ប៊ូ ថារិន អះអាងទៀតថា នៅក្នុងការអនុវត្តច្បាប់ ស្ដីពីគណនេយ្យ និងសវនកម្មនេះ មានផលប្រយោជន៍ដល់សេដ្ឋកិច្ចយ៉ាងខ្លាំង គឺការទាក់ទាញអ្នកវិនិយោគពីក្រៅប្រទេស ពីព្រោះការអនុវត្តកាតព្វកិច្ចទាំងនេះបង្ហាញឱ្យឃើញ ពីការអនុវត្តតាមស្តង់ដារអន្តរជាតិជាធរមាន ហើយក្នុងករណីដែលនៅកម្ពុជាមានសហគ្រាស ក្រុមហ៊ុន បានអនុវត្តនូវស្តង់ដារគណនេយ្យដូចគ្នា ពេលនោះវិនិយោគិនបរទេសគេនឹងទុកចិត្ត ហើយគេអាចបោះទុនវិនិយោគមកកម្ពុជា។ ផ្ទុយទៅវិញ ប្រសិនបើយើងមិនអនុវត្តកាតព្វកិច្ចទាំងអស់នេះទេ អ្នកវិនិយោ នឹងមិនបន្ទុកចិត្តលើកម្ពុជា ហើយថា កម្ពុជាគ្មានការគោរពវិធានគណនេយ្យត្រឹមត្រូវ។
សូមបញ្ជាក់ថា កាលពីព្រឹកថ្ងៃទី២៧ ខែតុលា ឆ្នាំ២០២១ នេះ វិទ្យាស្ថានខេមអេដ (CamEd) បានរៀបចំដាក់ឲ្យដំណើការ “គម្រោងសិក្សាស្រាវជ្រាវ ស្តីពីការអនុវត្តកាតព្វកិច្ចគណនេយ្យ និងសវនកម្មនៅកម្ពុជា” ក្រោមអធិបតីភាព លោក ប៊ូ ថារិន អគ្គនាយក នៃនិយ័តករគណនេយ្យ និងសវនកម្ម នៃក្រសួងសេដ្ឋកិច្ច និងហិរញ្ញវត្ថុ។
ពាក់ព័ន្ធគណនេយ្យ និងសវនកម្មនេះ លោក ខេស៊ី បាណេត ទីប្រឹក្សាក្រសួងសេដ្ឋកិច្ច និងហិរញ្ញវត្ថុ និងជានាយកវិទ្យាស្ថានខេមអេដលើកឡើងថា ច្បាប់គណនេយ្យ និងសវនកម្មពិតជាមានសារៈសំខាន់ណាស់ សម្រាប់ការគ្រប់គ្រងរបាយការណ៍ និងការដាក់ឲ្យរងនូវសវនកម្ម ក្នុងន័យនេះ និយ័តករគណនេយ្យ និងសវនកម្ម នៃវិទ្យាស្ថានខេមអេដប៊ីហ្សនេសស្គូល ក៏ទទួលជោគជ័យក្នុងការដេញថ្លៃ និងទទួលអនុវត្តគម្រោងស្រាវជ្រាវដ៏មានសារៈសំខាន់នេះផងដែរ ដោយគោលបំណងនៃគម្រោងស្រាវជ្រាវនេះ គឺដើម្បីរកឱ្យឃើញនូវស្ថានភាពនៃការអនុវត្តកាតព្វកិច្ច និងសវនកម្ម អនុលោមតាមច្បាប់ ស្តីពីគណនេយ្យ និងសវកម្មនៅក្នុងព្រះរាជាណាចក្រកម្ពុជា៕
ដោយ ៖ កោះកែវ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
អ្នកឧកញ៉ា ឃុន សៀ និង លោកជំទាវ គោរពជូនពរ សម្ដេចទាំង ៧ ក្នុងឱកាសទទួលអំណរឆ្នាំថ្មី ឆ្នាំសកល ២០២៤
សភាបក្សប្រឆាំងកូរ៉េខាងត្បូងបោះឆ្នោតទម្លាក់ប្រធានាធិបតីស្តីទីដែលកាន់អំណាច១៣ថ្ងៃ
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ