ព័ត៌មានជាតិ

រថយន្តសណ្ដោងកុងតឺន័រ២គ្រឿង បុកគ្នា នៅក្បាលស្ពានអូរក្រាំងអំបិល បង្កឲ្យកកស្ទះចរាចរណ៍

បានផុស

៤ years មុន

នៅ

ថ្ងៃសៅរ៍ ២៤ តុលា ២០២០

ដោយ

អ៊ិន ពិសី

រថយន្តដឹកទំនិញប្រភេទសណ្ដោងកុងតឺន័រ២គ្រឿង បានបុកគ្នានៅក្បាលស្ពានអូរក្រាំងអំបិល បង្កឲ្យមានការកកស្ទះចរាចរណ៍ទាំងព្រឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍ខាងលើនេះ កើតឡើងនៅថ្ងៃទី២៤ ខែតុលា ឆ្នាំ២០២០ ស្ថិតលើផ្លូវជាតិលេខ៤ ចន្លោះគីឡូម៉ែត្រ (38-39) ចំណុចក្បាលស្ពានអូរក្រាំងអំបិល ភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ។

បន្ទាប់ពីគ្រោះថ្នាក់រថយន្តកុងតឺន័រទាំង២គ្រឿងបុកគ្នា បង្កឲ្យកកស្ទះចរាចរណ៍យ៉ាងខ្លាំង ក៏មានការចូលរួមសហការសង្គ្រោះជនរងគ្រោះ និងសម្រួលចរាចរណ៍ពីសំណាក់កងរាជអាវុធហត្ថស្រុកសំរោងទង ជាមួយនគរបាលចរាចរណ៍ផងដែរ។

នគរបាល បានឲ្យដឹងថា គ្រោះថ្នាក់ចរាចរណ៍នេះ បង្កដោយរថយន្តមួយគ្រឿង ម៉ាកហ៊ីយ៉ិនដាយ ពណ៌ស លាយក្រហម ពាក់ស្លាកលេខ ភ្នំពេញ 3C-4818 សណ្ដោងស៊ីមីរ៉ឺម៉ក ពាក់ស្លាកលេខ ព្រះសីហនុ 4A-0845។ អ្នកបើកបរឈ្មោះ សុខ ប៉ ភេទប្រុស អាយុ២៧ឆ្នាំ រងរបួសធ្ងន់ រស់នៅភូមិមនោរម្យ ឃុំជើងគោ ស្រុកព្រៃនប់ ខេត្តព្រះសីហនុ បើកពីលិចទៅកើត បានបុករថយន្តមួយគ្រឿង ម៉ាក STERLING ពណ៌ខៀវ ពាក់ស្លាកលេខ ភ្នំពេញ 3C-3302 សណ្ដោងស៊ីមីរ៉ឺម៉ក ពាក់ស្លាកលេខភ្នំពេញ 4A-2470។ អ្នកបើកបរ មិនស្គាល់អត្តសញ្ញាណ បានចុះគេចខ្លួនបាត់ ខណៈពេកកំពុងបើកក្នុងទិសដៅបញ្ច្រាសគ្នា។

ក្រោយមានការសម្រួលចរាចរណ៍ជូនអ្នកដំណើរ និងជំនាញធ្វើការវាស់វែងរួចរាល់ វត្ថុតាងទាំង២គ្រឿង ត្រូវបានយកទៅរក្សាទុកនៅការិយាល័យនគរបាលចរាចរណ៍ខេត្តកំពង់ស្ពឺ ដើម្បីកសាងសំណុំរឿងតាមនីតិវិធី៕

អត្ថបទ ៖ ភួង រដ្ឋា

Related Topics:គ្រោះថ្នាក់ចរាចរណ៍