អាយុប៉ុន្មានទើបអាចចាក់វ៉ាក់សាំង Sputnik V ដែល កម្ពុជា អនុញ្ញាតឲ្យប្រើប្រាស់បន្ទាន់

កាលពីយប់ថ្ងៃសុក្រ ទី២៩ ខែកញ្ញា វ៉ាក់សាំង​កូ​វីដ​ ១៩ ប្រភេទ Sputnik V របស់​ប្រទេស​រុស្ស៊ី ត្រូវបានក្រសួងសុខាភិបាល​ កម្ពុជា ចេញសេចក្តីជូនដំណឹងអនុញ្ញាត​ឲ្យ​ប្រើប្រាស់​ក្នុង​លក្ខខណ្ឌ​បន្ទាន់ ។

ទន្ទឹមនោះ ដោយដកស្រង់ពីសារព័ត៌មាន Sputnik, រដ្ឋមន្ត្រីសុខាភិបាលរុស្ស៊ីលោក Mikhail Murashko បាននិយាយទៅកាន់ទូរទស្សន៍ Russia-24  ថា “វ៉ាក់សាំង Sputnik V គឺត្រូវបានអនុញ្ញាតឲ្យប្រើប្រាស់ចំពោះមនុស្សដែលមានអាយុចាប់ពី ១៨ ឆ្នាំដល់ ៦០ ឆ្នាំឡើងទៅ” ។

លោក Murashko បានបន្ថែមថា វ៉ាក់សាំង Sputnik V ត្រូវបានចាត់ទុកថាមានសុវត្ថិភាព និងមានប្រសិទ្ធភាព ជាពិសេសសម្រាប់មនុស្សចាស់ ពោលវាបង្ហាញប្រសិទ្ធភាពការពារកូវីដជាង ៩០ ភាគរយចំពោះបុគ្គលដែលមានអាយុលើសពី ៦០ ឆ្នាំ ។

ចំណែកនាយកមជ្ឈមណ្ឌលស្រាវជ្រាវជាតិ Gamaleya លោក Alexander Gintsburg បានថ្លែងទៅកាន់បណ្តាញព័ត៌មាន Rossiya’24 ថា មិនមានប្រតិកម្មអាឡ័កស៊ីធ្ងន់ធ្ងរចំពោះអ្នកវ៉ាក់សាំង Sputnik V ត្រូវបានរាយការណ៍ក្នុងអំឡុងពេលសាកល្បង ឬបន្ទាប់ពីការចាក់វ៉ាក់សាំងនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Pharmaceutical Technology

ចុចអាន ៖ អ្នកចាក់វ៉ាក់សាំង Sputnik V កុំភ័យគ្មានហានិភ័យលើមុខងារបន្តពូជទេ