របស់ទាំងនេះមើលទៅសាមញ្ញ តែបើនិយាយពីតម្លៃវិញ ស្មើនឹងឡានមួយគ្រឿង

របស់ខ្លះមានតម្លៃខ្ពស់ សមនឹងយើងចំណាយលុយទិញមក។ ប៉ុន្តែរបស់ខ្លះ ចំណាយខ្ពស់ តែគ្មានប្រយោជន៍។

មក​មើល​របស់​ថ្លៃៗ​ទាំង ១០ ដែល​គ្មាន​ប្រយោជន៍ និង​គួរ​ឲ្យ​អស់​សំណើច​បំផុត​ក្នុង​ពិភពលោក។

១ ប្រឡៅកឆ្កែ ៣.២ លានដុល្លារ

ប្រឡៅកឆ្កែ Amour Amour ដែលផលិតដោយ I Love Dogs Diamonds ក្នុងតម្លៃ ៣.២ លាន​ដុល្លារ។ ប្រឡៅ​ក​ឆ្កែ​នេះ​ ផលិត​ពី​មាស ​ស ១៨ ការ៉ាត់ និង​មាន​ធាតុផ្សំ​នៃ​ផ្លាទីន និង​ស្បែក​ក្រពើ​ផង​ដែរ។

២ ក្រដាសបង្គន់ ១.៣៨ លានដុល្លារ

ជាធម្មតាក្រដាសបង្គន់ ជាមធ្យមមិនមានតម្លៃថ្លៃខ្លាំងឡើយ​។ ប៉ុន្តែ សម្រាប់​ក្រដាស​បង្គន់​មាសមួយ​នេះ ត្រូវបានលក់ក្នុងតម្លៃ ១.៣៨ លាន​ដុល្លារ។ វាផលិតដោយ Toilet Paper Man មកពី​ប្រទេស​អូស្ត្រាលី និងធ្វើ​ពីដុំមាស ២២ ការ៉ាត់ ហើយត្រូវបានគេសន្មត់ថា មានសុវត្ថិភាព​ក្នុង​ការប្រើប្រាស់។

៣ កៅអីមាស ១.៣ លានដុល្លារ

កៅអីមាសនេះ ធ្វើពីមាសសុទ្ធទម្ងន់ ១១០ ផោន អាចរកបាននៅហាងគ្រឿងអលង្ការមួយក្នុងទីក្រុង Suzhou ខេត្ត Jiangsu ភាគខាងកើតប្រទេស ចិន ។

៤ ដុំថ្មដូចសាច់ ១,២៥៥,០០០ ដុល្លារ

គ្រប់គ្នាអាចថាមិនជឿ ឬគិតថាជារឿងអស់សំណើច ដែលដុំថ្មរាងដូចសាច់នេះ មានតម្លៃថ្លៃខ្លាំងមិនធម្មតា។ តែជាការ​ពិត​មិន​អាច​ប្រកែកបានឡើយ! ព្រោះដុំថ្មនេះ ត្រូវបានអ្នកមានៗ​គេទិញ​យក​ទៅ​ជា​ល្បែង​លេងកម្សាន្ត។

៥ ដបទឹកសុទ្ធ ៦០,០០០ ដុល្លារ

ដបទឹកពិសេសនេះ ហៅថា Acqua di Cristallo “ Tributo a Modigliani” ទទួលបានតម្លៃមិនគួ​ឲ្យ​ជឿ ចំនួន ៦០,០០០ ដុល្លារ នៅឯការដេញថ្លៃ​ក្នុងឆ្នាំ ២០១០ ។

ដបទឹកគឺជាកែវធ្វើដោយដៃ ស្រោបដោយមាស ២៤ការ៉ាត់ ហើយផ្នែកខាងក្នុងគឺជាការលាយ​បញ្ចូល​គ្នា​នៃធូលីមាស ២៣ ខេ ចំនួន 5mg នៅក្នុងទឹក និងមាន​ប្រភពធម្មជាតិពីប្រទេសហ្វីជី និង​ ប្រទេស​បារាំង លាយ​ជាមួយ​ទឹកទឹកកកពីប្រទេសអ៊ីស្លង់។

៦ Hot Dog ២,៣៣០០ ដុល្លារ

បង្កើតឡើង​នៅទីក្រុងញូវយ៉ក Hot Dog ថ្លៃបំផុតរបស់ពិភពលោកមានប្រវែង ១២ អ៊ីង សំបូរទៅដោយត្រសក់ សាច់គោ Wagyu សាច់ក្រកដែលប្រើពណ៌ស្វាយ និងរបស់ល្អប្រណិត​មួយ​ចំនួន​ទៀត ដែលពិបាករកបំផុត។

៧ Cupcake ១,០៦០ ដុល្លារ

Golden Phoenix នៅ Bloomsbury’s Cupcakes នៅទីក្រុងឌូបៃ មានតម្លៃ ១,០៦២ ដុល្លារ។ វាធ្វើពីមាស ២៤ ការ៉ាត់ដែល​អាចបរិភោគបាន និងសូកូឡាល្អបំផុត​ក្នុងពិភពលោក ។

៨ កាបូបថង់ក្នុងផ្សារទំនើប ១,០០០ ដុល្លារ

នេះ​ជា​ថង់​ប្លា​ស្ទិ​ក​ដែល​អាច​ប្រើ​ចោល​បាន ​ដោយ Balenciaga ។ គ្រាន់តែជាថង់ប្លាស្ទិក មួយ​ដែល​យើង​មិន​ខ្វល់​ក្នុង​ការ​​ទិញ ប៉ុន្តែមានតម្លៃសម្រាប់អ្នកនិយមថង់មួយប្រភេទនេះ។

៩ កាហ្វេ ៦០០ ដុល្លារ

គ្រាប់កាហ្វេទាំងនេះត្រូវបានគេស្គាល់ថា Kopi Luwak អាច​បរិភោគ និងលាយជាមួយអាហារផ្សេងៗបាន។ បើរំលាយទៅជាកាហ្វេ នឹងនឹងមានតម្លៃ ៦០០ ដុល្លារ​ក្នុង​មួយផោនឬ ៥០ ដុល្លារ​ក្នុង​មួយ​ពែង។

១០ ពោតលីង ២៥០ ដុល្លារ

ពោតលីងរបស់ Berco ជាប់ឈ្មោះជាពោតលីងដែលថ្លៃបំផុតរបស់ពិភពលោក។ មួយគ្រាប់ៗ​ទាំងនេះ​គ្រប​ដណ្ដប់​ដោយ​ដុំ​មាស ហើយ​មានតម្លៃ​ប្រហែល ២៥០ ដុល្លារ៕

ប្រែសម្រួល៖ សាង ស្រីល័ក្ខ

ចុចអាន៖កំពូលអ្នកឌីស្សាញប្លែកៗ ឃើញរូបហើយ ពិតជាសក្ដិសមជាមួយពានរង្វាន់ហួសចិត្ត

ចុចអាន៖អគារខ្ពស់ជាងគេទាំង ១០ នៅឌូប៉ៃ និងលេចធ្លោទូទាំងពិភពលោក

ចុចអាន៖៧ មូលហេតុនេះហើយ ដែលធ្វើឲ្យក្ដាម Alaska ថ្លៃខ្លាំង ជាងអាហារសមុទ្រផ្សេងទៀត