សុខភាព
គោលការណ៍ «៥កុំ» សម្រាប់ក្មេងអាយុ ៥ឆ្នាំ មុន-ក្រោយពេលចាក់វ៉ាក់សាំង Sinovac
ការចាក់វ៉ាក់សាំងការពារជំងឺកូវីដ-១៩ ប្រភេទ ស៊ីណូវ៉ាក់ (Sinovac) កំពុងដំណើរការចំពោះកុមារកម្ពុជាអាយុ ៥ឆ្នាំ តាំងពីថ្ងៃទី ០១ ខែវិច្ឆិកា ឆ្នាំ២០២១ មក។ យុទ្ធនាការនេះ ធ្វើឡើងក្នុងគោលបំណងការពារសុខភាពមនុស្សវ័យក្មេងពីការរាត្បាតនៃជំងឺកូវីដ-១៩ និងវីរុសបំប្លែងខ្លួនដទៃៗទៀត។
មុន និងក្រោយចាក់វ៉ាក់សាំង កុមារត្រូវប្ដូរទម្លាប់មួយចំនួន ដើម្បីជួយពង្រឹងប្រព័ន្ធភាពស៊ាំឱ្យកាន់តែរឹងមាំ ក៏ដូចជាបង្ការគ្រោះថ្នាក់ផ្សេងៗចំពោះពួកគេផងដែរ។
ដូច្នេះ មកស្វែងយល់ឱ្យកាន់តែច្បាស់នូវប្រការមិនគួរធ្វើ មុននិងក្រោយពេលចាក់វ៉ាក់សាំងការពារកូវីដ-១៩!
១. កុំឱ្យកូនប្រើថ្នាំមុនពេលចាក់វ៉ាក់សាំង៖ កុមារខ្លះអាចមិនស្រួលខ្លួន មុនពេលទៅចាក់វ៉ាក់សាំង ឬដើម្បីបង្ការអាការក្រោយចាក់វ៉ាក់សាំង ឪពុកម្ដាយអាចឱ្យពួកគេលេបថ្នាំបំបាត់ការឈឺចាប់ ឬបញ្ចុះកម្ដៅ។ ប៉ុន្តែអ្នកជំនាញហាមដាច់ខាត មិនត្រូវធ្វើបែបនេះទេ ព្រោះអ្នកវិទ្យាសាស្ត្រមិនទាន់ដឹងថា តើវាឆ្លើយតបនឹងកូវីដ-១៩ ដូចម្ដេច ឬអាចប៉ះពាល់ដល់ប្រសិទ្ធភាពវ៉ាក់សាំងឬយ៉ាងណានោះទេ។
២. កុំបង្ហោះរូបថតកាតវ៉ាក់សាំងកូនលើបណ្ដាញសង្គម៖ មិនខុសពីមនុស្សចាស់ទេ កុមារក៏គួរតែទទួលបានការការពារនៅលើប្រព័ន្ធអ៊ីនធើណិត។ នៅលើកាតវ៉ាក់សាំងក្មេងៗ មានព័ត៌មានមួយចំនួនដូចជាឈ្មោះ ថ្ងៃខែឆ្នាំកំណើត ប្រភេទថ្នាំវ៉ាក់សាំងដែលកុមារចាក់ ទីតាំងកន្លែងចាក់ និងថ្ងៃខែឆ្នាំដែលពួកគេទទួលវ៉ាក់សាំង ដែលនេះអាចបង្កភាពងាយស្រួលដល់ជនខិលខូច ឆ្លៀតឱកាសបន្លំឆបោកឪពុកម្ដាយដោយប្រការផ្សេងៗ។
៣. កុំបោះចោល ឬធ្វើឲ្យបាត់កាតឱ្យសោះ៖ មិនថាមនុស្សពេញវ័យឬកុមារឡើយ ត្រូវរក្សាកាតវ៉ាក់សាំងឱ្យបានល្អ។ សម្រាប់ក្មេងដែលចាក់វ៉ាក់សាំងលើកទី១រួច វាងាយស្រួលក្នុងការទៅចាក់លើកទី២ ដើម្បីបង្ហាញទៅអ្នករៀបចំពិនិត្យ។ បើសិនកុមារមិនមានបង្ហាញកាតទេនោះ ក្រុមគ្រូពេទ្យនឹងបដិសេធមិនចាក់ឲ្យឡើយ។ ជាពិសេស កាតវ៉ាក់សាំងកូវីដ-១៩ នឹងចាំបាច់ពេលធ្វើដំណើរ ចូលរួមកន្លែងមនុស្សច្រើន និងពេលត្រឡប់ចូលរៀនវិញ។
៤. កុំចាក់វ៉ាក់សាំងដទៃ ក្រោយវ៉ាក់សាំងកូវីដ-១៩៖ CDC អាមេរិកបានណែនាំឲ្យចាំរយៈពេល ១៤ថ្ងៃ ក្រោយចាក់វ៉ាក់សាំងកូវីដ-១៩សិន សឹមចាក់វ៉ាក់សាំងផ្សេង ព្រោះនៅមិនទាន់មានការសិក្សាគ្រប់គ្រាន់ដើម្បីបញ្ជាក់ពីប្រតិកម្មរបស់វ៉ាក់សាំងកូវីដ-១៩ និងវ៉ាក់សាំងដទៃទៀតនៅឡើយ។
៥. កុំឈប់ពាក់ម៉ាស ឬរក្សាគម្លាត៖ ត្បិតតែចាក់វ៉ាក់សាំងរួចរាល់មែន តែសរីរាង្គមនុស្សវ័យក្មេងដូចគ្នានឹងមនុស្សពេញវ័យដែរ គឺមិនទាន់អាចបង្កើតអង់ទីគ័រការពាររាងកាយបានភ្លាមទេ ទាល់តែរង់ចាំ ១៤ថ្ងៃសិន ឬលើសនេះ ទើបរាងកាយមានលទ្ធភាពប្រឆាំងនឹងវីរុសកូវីដ-១៩បាន។ ហេតុនេះ ទោះចាក់វ៉ាក់សាំងរួចហើយក៏ដោយ ក៏មិនត្រូវឈប់ពាក់ម៉ាស ឬរក្សាគម្លាតនោះទេ៕
អត្ថបទ៖ សន្យា
ចុចអាន៖ ក្មេងអាយុ ០៥ ឆ្នាំ មានផលរំខានពីវ៉ាក់សាំងដូសទី ១ និង ២ ម្ដាយឪពុកគួរត្រៀមរបស់នេះ ក្នុងផ្ទះដាច់ខាត
ចុចអាន៖ ក្មេង ៥ឆ្នាំ ចាក់វ៉ាក់សាំងកូវីដរួច ឪពុកម្ដាយត្រូវជួយកូនធ្វើរឿងទាំងនេះ ដើម្បីជំរុញប្រសិទ្ធភាពថ្នាំ
សម្តេចធិបតី ស្នើឱ្យបន្តកិច្ចការរៀបចំចុះបញ្ជីសង្ក្រាន្តខ្មែរចូលក្នុង អង្គការយូណេស្កូ
សម្ដេចធិបតីអរគុណពលរដ្ឋដែលប្រើបណ្ដាញសង្គមរិះគន់ស្ថាបនាអ្នកនិយាយលេបខាយលើនារីប្រាសចាកវប្បធម៌ខ្មែរ
ឯកឧត្ដម ហ៊ុន ម៉ានី អញ្ជើញជាអធិបតីក្នុងពិធីបុណ្យបញ្ចុះខណ្ឌសីមាព្រះវិហារថ្មី និងសម្ពោធសមិទ្ធិផលវត្តត្រពាំងស្នោរ ក្នុងខេត្តកំពង់ស្ពឺ
ក្រសួងការងារ កំពុងបង្កើតកម្លាំងពលកម្មជំនាញលើវិស័យបច្ចេកទេស, ឧស្សាហកម្ម ជាពិសេសការពង្រឹងលើវិស័យTVET
កម្ពុជាចុះបញ្ជីក្រុមហ៊ុនជប៉ុនចំនួន ៩០ កើនឡើងជាង ២០ភាគរយ ក្នុងឆ្នាំ ២០២៤
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
ប៉ះសម្ដីគ្នា លោកតាធាក់ស៊ីក្លូវ័យ ៧០ ឆ្នាំ ម្នាក់ ត្រូវបុរសម្នាក់ វាយត្រូវក្បាល ២ ដៃ
សមាជិកសភាត្រូវបណ្តេញចេញពីសាលប្រជុំ ព្រោះស្រែកតវ៉ាការថ្លែងរបស់ លោក ត្រាំ
រថយន្តធុនធំបុករះម៉ូតូ៣គ្រឿងទាំងព្រឹកនៅផ្លូវ៦០ម៉ែត្រ
មុនីរស្មី សង្ឃឹមថា ករណីរបស់ខ្លួន ជាសារមួយដាស់តឿនដល់មនុស្សគ្រប់រូប បញ្ឈប់នូវការបៀតបៀនគ្រប់រូបភាព
-
សន្តិសុខសង្គម២ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានអន្ដរជាតិ១ សប្តាហ៍ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ១ សប្តាហ៍ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
ជីវិតកម្សាន្ដ២ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ១ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៥ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
សន្តិសុខសង្គម៥ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ព័ត៌មានអន្ដរជាតិ១០ ម៉ោង agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល