សុខភាព

គោលបំណងទាំង៥ ក្នុងការពិនិត្យក្រោយសម្រាលកូន

បានផុស

៣ years មុន

នៅ

ថ្ងៃពុធ ៣ វិច្ឆិកា ២០២១

ដោយ

ស្ត្រីគ្រប់រូបក្រោយសម្រាលបុត្ររួចនៅមន្ទីរពេទ្យកាល់ម៉ែត តែងតែត្រូវបានណាត់ជួបក្រោយសម្រាល ដោយវេជ្ជបណ្ឌិតឯកទេស នៅរយៈពេល១ខែកន្លះ។ វេជ្ជបណ្ឌិតកំណត់យកពេលវេលានេះសម្រាប់ធ្វើការណាត់ជួប ដោយសារនេះគឺជារយៈពេលដែលរាងកាយ និងស្បូនស្ត្រីត្រលប់មកសភាពដើមវិញ (Involution utérine)។

Study: More focus on maternal mental health needed - American Nurse

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោលបំណងនៃការពិនិត្យក្រោយសម្រាល៖

១) ពិនិត្យមើលស្នាមរបួសដែលមានក្រោយពីសម្រាលថា តើវាបានជាសះស្បើយល្អហើយ ឬនៅ?

២) ពិនិត្យមើលសុដន់របស់ស្ត្រីថា តើមានបញ្ហាអ្វី ឬអត់ នៅពេលដែលគាត់បំបៅដោះកូន (ឧទាហរណ៍៖ មានដុំទឹកដោះ ស្ទះរន្ធទឹកដោះ មានខ្ទុះដោះ)។

៣) ពិនិត្យមើលមាត់ស្បូន និងស្បូនថា តើវាត្រលប់មកសភាពល្អដូចដើមវិញ ឬនៅ?

៤) ហើយជាពិសេសនោះ ក៏ជាពេលវេលាមួយសម្រាប់ពិភាក្សាអំពីការពន្យារកំណើតផងដែរ ព្រោះនេះជារយៈពេលដែលប្តីប្រពន្ធអាចរស់នៅជាមួយគ្នាវិញ ហើយតែងយល់ច្រលំថា នេះជារយៈពេលដែលគ្មានការបង្កកំណើតថ្មី ដែលតែងតែធ្វើឲ្យគាត់មានផ្ទៃពោះជាថ្មី ដោយគ្មានការគ្រោងទុកជាមុន។

៥) ពិនិត្យមើលអំពីសុខភាពរបស់ស្ត្រីផ្ទាល់ ថាតើគាត់បានសម្រាកគ្រប់គ្រាន់ ឬទេ និងបានញ៉ាំចំណីអាហារ ដែលល្អគ្រប់គ្រាន់សម្រាប់ខ្លួនគាត់ និងកូនគាត់ហើយ ឬនៅ (ដោយបំបៅដោះ)។

6 Moms Share What Postpartum Depression Really Feels Like

ដូច្នេះហើយស្ត្រីគ្រប់រូបក្រោយពីសម្រាលរយៈពេល៦សប្តាហ៍ គួរតែមកពិគ្រោះពិនិត្យជាមួយវេជ្ជបណ្ឌិតជំនាញមន្ទីរពេទ្យកាល់ម៉ែតឲ្យបានគ្រប់ៗគ្នា ដើម្បីធានាបាននូវសុខុមាលភាពមាតាក្រោយសម្រាល។ “មាតានិងបុត្រសុខភាពល្អ នាំឲ្យគ្រួសារមានសុភមង្គល”៕

អត្ថបទ៖ រស្មី