ព័ត៌មានជាតិ

រមណីយដ្ឋានអង្គរ ជាប់ចំណាត់ថ្នាក់លេខ១ក្នុងតំបន់កម្សាន្តចំនួន២៩ នៅអាស៊ីអាគ្នេយ៍

បានផុស

៣ years មុន

នៅ

ថ្ងៃពុធ ៣ វិច្ឆិកា ២០២១

ដោយ

យោងតាមការស្ទង់មតិរបស់ក្រុមហ៊ុនមគ្គុទេសទេសចរណ៍ Touropia ដែលចេញផ្សាយកាលពីពេលថ្មីៗនេះបានបង្ហាញថា រមណីយដ្ឋានអង្គរនៃខេត្តសៀមរាប បានជាប់ចំណាត់ថ្នាក់លេខ១ ជាទីកន្លែងល្អផ្តាច់គេក្នុងចំណោមទីកន្លែងដែលគួរមកទស្សនាកម្សាន្តចំនួន២៩ នៅក្នុងតំបន់អាស៊ីអាគ្នេយ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនមគ្គុទេសទេសចរណ៍ Touropia បានបញ្ជាក់ថា «នៅពេលនិយាយទីតាំងបុរាណវិទ្យាអ្នកទេសចរនឹងមិនចង់រំលងរមណីយដ្ឋានអង្គរនៅខេត្តសៀមរាបដែលស្ថិតនៅ ភាគខាងជើងនៃប្រទេសកម្ពុជាឡើយ។រមណីយដ្ឋានអង្គរបង្កប់ទៅដោយធាតុវប្បធម៌ដ៏សំខាន់ៗបំផុតរបស់ពិភពលោករួមជាមួយនឹងប្រាសាទអង្គរវត្តដ៏ធំសម្បើមប្រាសាទបាយ័ន ដែលមានរូបព្រហ្មមុខ៤ធំៗ និងប្រាសាទតាព្រហ្មដែលជាប្រាសាទបែបព្រះពុទ្ធសាសនាដែលគ្របដណ្តប់ដោយដើមឈើធំៗនិងខ្ពស់ៗ»។

ដោយឡែកខេត្តព្រះសីហនុដែលជាតារារះនៅទិសនិរតីវិញ បានជាប់ចំណាត់ថ្នាក់លេខ២៨ ហើយរាជធានីភ្នំពេញដែលជាបេះដូងរបស់ព្រះរាជាណាចក្រកម្ពុជា និងជាបណ្តុំនៃតំបន់សេដ្ឋកិច្ចនោះ បានជាប់ចំណាត់ថ្នាក់លេខ២០។

ដោយឡែក កោះបាលី នៃប្រទេសឥណ្ឌូនេស៊ីបានជាប់លេខ២ ហើយឆ្នេរសមុទ្រហាឡុង នៃប្រទេសវៀតណាមជាប់លេខ៣ ខណៈលេខ ២៩ បានទៅលើទីក្រុងវៀងច័ន្ទនៃសាធារណរដ្ឋប្រជាមានិតប្រជាធិបតេយ្យឡាវ៕

អត្ថបទ៖ ណារី