ព័ត៌មានជាតិ
បង្ក្រាបល្បែងកន្ទុយលេខ៥ទីតាំង ឃាត់ខ្លួនជនសង្ស័យ៥នាក់ ក្នុងក្រុងប៉ៃលិន
នៅវេលាម៉ោង១និង៣០នាទីរសៀល ថ្ងៃទី២ ខែវិច្ឆិកា ឆ្នាំ២០២១ កម្លាំងសមត្ថកិច្ចនគរបាលក្រុងប៉ៃលិន ដឹកនាំលោកវរសេនីយ៍ឯក យ៉ែម សារិទ្ធ អធិការនគរបាលក្រុងប៉ៃលិន ដោយមានការសម្របសម្រួលពីលោក ជា សា ព្រះរាជអាជ្ញារង នៃអយ្យការអមសាលាដំបូងខេត្តប៉ៃលិន បានចូលឆ្មក់បង្ក្រាបល្បែងកន្ទុយលេខ(ឆ្នោត) និងឆ្នោតកោសចំនួន០៥ទីតាំង ក្នុង២សង្កាត់ គឺសង្កាត់ប៉ៃលិន និងសង្កាត់អូរតាវ៉ៅ ក្រុងប៉ៃលិន ព្រមទាំងឃាត់ខ្លួនជនសង្ស័យចំនួន០៥នាក់។
លោកវរសេនីយ៍ឯក យ៉ែម សារិទ្ធ អធិការនគរបាលក្រុងប៉ៃលិន បានមានប្រសាសន៍ឲ្យដឹងថា ក្នុងចំណោមទីតាំងទាំង៥នេះ សមត្ថកិច្ចបានឃាត់ខ្លួនអ្នកកត់កន្ទុយលេខចំនួន៥នាក់ ភេទស្រី ព្រមទាំងភ្ជាប់ដោយវត្ថុតាង សៀវភៅកត់កន្ទុយលេខ ប៊ិច ក្រដាសកត់កន្ទុយលេខ ម៉ាសស៊ីនគិតលេខ ម៉ាស៊ីនបាញ់លេខឆ្នោតម៉ាក Mobile Printer ឆ្នោតកោស ទូរស័ព្ទដៃ និងថវិកាមួយចំនួន ។
លោកអធិកានគរបាលក្រុងប៉ៃលិន មានប្រសាសន៍បន្តថា ជនសង្ស័យដែលសមត្ថកិច្ចឃាត់ខ្លួនរួមមាន ទី១ឈ្មោះ ហន នុត ភេទស្រី អាយុ២៧ឆ្នាំ មុខរបរមេផ្ទះ ទីលំនៅភូមិបរឌិននៀវ សង្កាត់ប៉ៃលិន ក្រុង/ខេត្តប៉ៃលិន ។ ទី២ឈ្មោះ យ៉ែម សុខណា ភេទស្រី អាយុ៣៦ឆ្នាំ មុខរបរលក់ដូរ ទីលំនៅភូមិអូរតាវ៉ៅ សង្កាត់អូរតាវ៉ៅ ក្រុង/ខេត្តប៉ៃលិន(កត់កន្ទុយលេខនៅចំណុចផ្សារប៉ាងរលឹម) ។ ទី៣ ឈ្មោះ តាក់ ស្រីនាង ភេទស្រី អាយុ១៨ឆ្នាំ មុខរបរសិស្ស ទីលំនៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន។ ទី៤ចំណុចភ្នំដំបង ភូមិក្រចាប់ សង្កាត់អូរតាវ៉ៅ ក្រុងប៉ៃលិន ឈ្មោះ ធឿន ស្រីទឿម ភេទស្រី អាយុ២៨ឆ្នាំ មុខរបរលក់ដូរ និងទី៥ចំណុចភ្នំដំបង ភូមិក្រចាប់ សង្កាត់អូរតាវ៉ៅ ក្រុងប៉ៃលិន មានឈ្មោះ ស្វាយ ចន្នី ភេទស្រី អាយុ៤៨ឆ្នាំ មុខរបរកសិករ ទីលំនៅភូមិ/ឃុំខាងលើ(កន្ទុយលេខ និងឆ្នោតកោស)ផងដែរ។
បច្ចុប្បន្នជនសង្ស័យខាងលើ ដែលជាមេកន្ទុយលេខ(ឆ្នោត) ត្រូវបានឃាត់ខ្លួន នៅអធិការដ្ឋាននគរបាលក្រុងប៉ៃលិន ដើម្បីអនុវត្តតាមនីតិវិធី៕
អត្ថបទ៖ សេង សុវណ្ណារិទ្ធ
អាមេរិកមិនទាន់មានផែនការបង្កើនកងទ័ពនៅ កោះ Greenland ទេ
អ្នកនាំពាក្យ៖ឆ្នាំ២០២៤ករណីគ្រោះថ្នាក់ ស្លាប់ និងរបួសព្រោះគ្រោះថ្នាក់ចរាចរណ៍បានថយចុះ បើធៀបនឹងឆ្នាំ២០២៣
រដ្ឋមន្រ្តីបរិស្ថានជឿជាក់ថា ៥ ឆ្នាំទៀត កម្ពុជានឹងស្អាតគ្មានសំរាមប្លាស្ទិក
សមាគម TAFTAC៖ ប្រាក់ឈ្នួលថ្មី បូកបន្ថែមទាំងអត្ថប្រយោជន៍ផ្សេងៗ គឺសមល្មមសម្រាប់ទ្រទ្រង់ជីវភាពកម្មករនិយោជិត
មូលហេតុ នៃភ្លើងឆេះព្រៃ ដ៏មហន្តរាយនៅ LA
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
-
ព័ត៌មានជាតិ១ សប្តាហ៍ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ២៣ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១ សប្តាហ៍ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»