ព័ត៌មានជាតិ
ក្រសួងធម្មការ បើកវគ្គបណ្តុះបណ្តាលអាចារ្យខ្មែរទូទាំងប្រទេសដើម្បីលើកស្ទួយវិស័យព្រះពុទ្ធសាសនា
ក្រសួងធម្មការ និងសាសនា នឹងបើកវគ្គបណ្តុះបណ្តាលតួនាទី ភារកិច្ចនិងក្រមសីលធម៌អាចារ្យខ្មែរជំនាន់ទី៣៦ តាមប្រព័ន្ធអនឡាញ(ហ្សូម) ដោយមានការចូលរួមពីអាចារ្យទូទាំងប្រទេសចំនួន៨០នាក់។
ការបើកវគ្គបណ្តុះបណ្តាលដល់អាចារ្យនេះ ដើម្បីឱ្យពួកគាត់មានការទទួលខុសត្រូវ និងរក្សាបាននូវគុណធម៌ខ្ពស់ ចៀសវាងការប្រព្រឹត្តខុសឆ្គងប្រកាន់បក្សពួកដែលធ្វើឲ្យប៉ះពាល់ដល់សេចក្តីថ្លៃថ្នូររបស់អាចារ្យ-អាចារិនីខ្មែរ។
មិនត្រឹមតែប៉ុណ្ណោះដើម្បីឱ្យពួកគាត់បំពេញតួនាទីឲ្យបានល្អប្រសើរសក្ដិសមជាអ្នកដឹកនាំកិច្ចពិធី អ្នកបង្ហាត់បង្រៀន អ្នកពន្យល់បង្ហាញ និងជាបុគ្គលដែលគួរគោរព និងចូលរួមក្នុងការថែរក្សានូវកេរ្តិ៍មរតកវប្បធម៌ព្រះពុទ្ធសាសនា និងប្រពៃណីទំនៀមទម្លាប់ខ្មែរ ឲ្យបានស្ថិតស្ថេរគង់វង្ស ដើម្បីរួមចំណែកលើកស្ទួយវិស័យព្រះពុទ្ធ-សាសនាឲ្យបានថ្កុំថ្កើងរុងរឿង។
យោងតាមសេចក្តីជូនដំណឹងរបស់ក្រសួងធម្មការនិងសាសនាដែលទើបទទួលបាននៅថ្ងៃនេះ បានឱ្យដឹងថា វគ្គបណ្តុះបណ្តាលតាមប្រព័ន្ធអនឡាញនេះ នឹងប្រព្រឹត្តទៅរយៈពេល៤ថ្ងៃ គឺចាប់ពីថ្ងៃទី២៣-២៦ ខែវិច្ឆិកា ឆ្នាំ២០២១ខាងមុខនេះ។
ក្រសួងបានណែនាំដល់ប្រធានមន្ទីរធម្មការ និងសាសនា រាជធានី ខេត្ត ធ្វើការសហការជាមួយព្រះមេគណរាជធានីខេត្តទាំងពីរគណៈ ជ្រើសរើសអាចារ្យស្ម័គ្រចិត្តតាមវត្តនីមួយៗ ទាំងវត្តខាងគណៈមហានិកាយ និងវត្តខាងគណៈធម្មយុត្តិកនិកាយ ដែលមានលទ្ធភាពចូលរួមវគ្គបណ្តុះបណ្តាលនេះតាមប្រព័ន្ធអនឡាញនៅទូទាំងប្រទេសចំនួន៨០នាក់ ក្នុងនោះនៅភ្នំពេញជ្រើសរើស៦នាក់ និងខេត្តកណ្តាល៣នាក់ និងក្រៅពីនេះខេត្តផ្សេងៗទៀតជ្រើសរើស៣ៗនាក់ក្នុង១ខេត្ត។
ក្រសួងបានណែនាំដល់មន្ទីរធម្មការ និងសាសនារាជធានី ខេត្ត ផ្ដល់កិច្ចសហការ និងបច្ចេកទេសដើម្បីជួយសម្រួលដល់ការសិក្សារបស់សិក្ខាកាមតាមប្រព័ន្ធអនឡាញនៅអគារមន្ទីរធម្មការ និងសាសនានិងសូមផ្ញើតារាងបញ្ជីឈ្មោះសិក្ខាកាមប្រវត្តិរូបសង្ខេបមានបិទរូបថត(៤x៦)ចំនួន១ច្បាប់ រូបថត ទំហំ៤x៦ថតចំពីមុខចំនួន២សន្លឹក និងអត្តសញ្ញាណប័ណ្ណរបស់សិក្ខាកាម(ថតចម្លង)ចំនួន១ច្បាប់ ហើយផ្ញើមកក្រសួងធម្មការ និងសាសនាឲ្យបានមុនថ្ងៃទី១៧ ខែវិច្ឆិកា ឆ្នាំ២០២១ ។
ក្រសួងបានបន្ថែមទៀតថា អាស្រ័យហេតុនេះ សូមលោកប្រធានមន្ទីរធម្មការ និងសាសនារាជធានីខេត្ត ធ្វើការសហការ និងយកចិត្តទុកដាក់អនុវត្តការងារនេះឲ្យមានប្រសិទ្ធភាពខ្ពស់។
គួរបញ្ជាក់ថា ក្រសួងបានបើកវគ្គបណ្តុះបណ្តាលស្តីពីតួនាទី ភារកិច្ច និងក្រមសីលធម៌អាចារ្យខ្មែរ បានចំនួន៣៥វគ្គ និងមានសិក្ខាកាមជាអាចារ្យ អាចារិនី មកពីគ្រប់រាជធានី/ខេត្ត ទូទាំងប្រទេសមានជាង១០០០នាក់ចូលមកសិក្សារួចមកហើយ៕
អត្ថបទ៖ សំអឿន
សម្ដេចតេជោ ថា ត្រាំ ក្លាហានចេញដឹកនាំពិភពលោក ប្រឆាំងព័ត៌មានក្លែងក្លាយ ដោយផ្តើមពីស្ថាប័នដែលអាមេរិកផ្ដល់ថវិកាជាមុន
លោក រដ្ឋមន្ត្រី នេត្រ ភក្រ្តា ៖ ការផ្តល់អាហារូបករណ៍ដល់និស្សិតកម្ពុជា ពីបណ្តាប្រទេសជាមិត្តភក្ដិ ជាការចូលរួមអភិវឌ្ឍមូលធនមនុស្សនៅកម្ពុជា
រោងចក្រច្នៃដំណាប់ស្វាយមួយកន្លែង ត្រូវមន្ទីរបរិស្ថានខេត្តប៉ៃលិនចាត់វិធានការណ៍ ក្រោយបញ្ចេញកាកសំណល់កខ្វក់ចូលប្រភពទឹកសាធារណៈ
ក្រសួងបរិស្ថានគាំទ្រ TotalEnergies កាត់បន្ថយការបញ្ចេញកាបូននៅកម្ពុជា និងការវិនិយោគលើថាមពលកកើតឡើងវិញ
ក្រោយភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ សមត្ថកិច្ចចេញប្រតិបត្តិការជួយសង្គ្រោះភ្លាមៗ
ឃាត់ខ្លួនមនុស្ស៥នាក់ពាក់ព័ន្ធករណីលួចលុយពីធនាគារឯកជនមួយក្នុងទំហំទឹកប្រាក់ខ្ទង់លានដុល្លារ
អ្នកនាំពាក្យការពារជាតិច្រានចោលព័ត៌មានដែលថាថៃបំពានដែនអាកាសកម្ពុជា
សមាជិកសភាបារាំង ទាមទារឲ្យអាមេរិកប្រគល់រូបសំណាកសេរីភាពមកវិញ
អ៊ុយក្រែន ធ្វើតេស្តជោគជ័យ នូវមីស៊ីលដ៏ខ្លាំង ដែលអាចបាញ់ដល់មូស្គូ និងត្រៀមដាក់ប្រយុទ្ធលើសមរភូមិ
អ្នកនាំពាក្យ ថា កម្ពុជានៅតែសកម្មក្នុងកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែន
-
KPT+២ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
សន្តិសុខសង្គម៣ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៦ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៣ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៣ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
សន្តិសុខសង្គម៥ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះឃ្លាំងស្តុកអេតចាយ(មានវីដេអូ)
-
ព័ត៌មានជាតិ៣ ថ្ងៃ agoអឺរ៉ុបនឹងសាងសង់ស្ពានតម្លៃជាង១០លានដុល្លារភ្ជាប់ទៅកោះខ្សាច់ទន្លានៅខេត្តកណ្ដាល