អាចម៍ផ្កាយគ្រោះថ្នាក់ ទំហំប៉ុន ប៉ម Eiffel កំពុងហោះសំដៅមក ផែនដី (មានវីដេអូ)

អាចម៍ផ្កាយ ដែលមានទំហំប៉ុន ប៉ម Eiffel កំពុងហោះសំដៅមកផែនដី ខណៈអង្គការ NASA ចាត់ទុកវាថាជា អាចម៍ផ្កាយគ្រោះថ្នាក់បំផុត (PHA)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាចម៍ផ្កាយឈ្មោះ 4660 Nereus មានទំហំធំជាងទីលានបាល់ទាត់ជិត៣ដង។ ដោយសារតែទំហំដ៏ធំរបស់វា ការហោះមកបុកផ្ទៃផែនដី អាចបង្កការបំផ្លិចបំផ្លាញ ប៉ុន្តែជាសំណាងល្អ វានឹងមិនបង្កការគំរាមកំហែងដល់មនុស្សជាតិឡើយ ហើយត្រូវបានគេរំពឹងថានឹង ចៀសផុតពីភពផែនដី។

ក្រុមឃ្លាំមើលអាចម៍ផ្កាយរបស់អង្គការ NASA បានព្យាករណ៍ថា វានឹងមកកៀកផែនដីនៅថ្ងៃទី ១១ ខែធ្នូ។ ទោះបីជាយ៉ាងណាក៏ដោយ អាចម៍ផ្កាយនេះ នឹងហោះកាត់ភពផែនដីនៅចម្ងាយ ៣.៩ លានគីឡូម៉ែត្រ។

Nereus មានប្រវែង ៣៣០ ម៉ែត្រ។ នេះបើយោងតាមគេហទំព័រ ​​Space Reference។

អាចម៍ផ្កាយ បានធ្វើដំណើរគោចរជុំវិញព្រះអាទិត្យរៀងរាល់៦៦៤ថ្ងៃ ថ្វីបើវាត្រូវបានគេព្យាករណ៍ថា នឹងមិនមកជិតផែនដីម្តងទៀតរហូតដល់ថ្ងៃទី២ខែមីនា ឆ្នាំ២០៣១ និងបន្ទាប់មកនៅខែវិច្ឆិកា ឆ្នាំ២០៥០ក៏ដោយ។

ត្រូវបានរកឃើញនៅឆ្នាំ១៩៨២ ដោយតារាវិទូអាមេរិក Eleanor F. Helin, Nereus គឺជាសមាជិកនៃក្រុមអាចម៍ផ្កាយ Apollo ដែលត្រូវបានគេស្គាល់ថា ដោយសារតែការឆ្លងកាត់ផ្លូវរបស់ផែនដីនៅពេលដែលវាធ្វើដំណើរគោចរជុំវិញព្រះអាទិត្យ។

អ្នកវិទ្យាសាស្ត្របានពិចារណា បេសកកម្មធ្វើដំណើរទៅកាន់អាចម៍ផ្កាយ ប៉ុន្តែផែនការតែងតែបរាជ័យ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Star

ចុចអាន៖ យាន Perseverance របស់អង្គការណាសា ចុះចតនៅភពអង្គារដោយជោគជ័យ