អ្នកទោស៧នាក់ ទម្លុះរបងពន្ធនាគារខេត្តស្ទឹងត្រែង គេចខ្លួននៅវេលាទៀបភ្លឺព្រឹកមិញនេះ

អ្នកទោស​គ្រឿងញៀន និងអ្នកទោស​បទល្មើស​ផ្សេងៗសរុប​៧​នាក់ បាន​ទម្លុះ​របង​ពន្ធនាគារ​ខេត្តស្ទឹងត្រែង រត់គេចខ្លួន​ដោយ​សុវត្ថិភាព នា​វេលា​ទៀបភ្លឺ ថ្ងៃទី​៨ ខែវិច្ឆិកា ឆ្នាំ​២០២១ នេះ ។​

តាម​ប្រភព​ព័ត៌មានបានឲ្យដឹងថា អ្នកទោស​ទាំង​៧​នាក់នេះ បាននាំគ្នា​ប្រើ​ឧបករណ៍​ដើម្បី​រំដោះខ្លួន​ចេញពី​បន្ទប់​ខាងក្នុង រួចបន្ត​យក​ត្រសេះ​និង​ដុំ​ឈើបុក​ទម្លុះ​របង​ថ្ម​ពន្ធនាគារគេចខ្លួន​បាត់អស់ ខណៈ​មន្ត្រី​ពន្ធនាគារ ក៏បាន​ផ្ទុះអាវុធ ដើម្បី​រារាំង​ការ​រត់គេច​ផងដែរ តែ​មិនបាន​សម្រេច ។​

សមត្ថកិច្ច​ពាក់ព័ន្ធកំពុងឡោម​ព័ន្ធ​តាម​ចាប់ខ្លួន​អ្នកទោសទាំង៧នាក់មកវិញ​ តែ​មិនទាន់​អាច​ចាប់ខ្លួនបាន​នៅឡើយ​ ៕

​