សន្តិសុខសង្គម
គិតមកទល់ល្ងាចថ្ងៃទី១៣ ខែវិច្ឆិកានេះ ពលករពុលអាល់កុលចំនួន២៥នាក់ ស្លាប់៧នាក់ដដែល មន្ត្រីជំនាញយកភស្តុតាងធ្វើការស្រាវជ្រាវ
បន្ទាយមានជ័យ ៖ លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្ត និងមន្ត្រីអាជ្ញាធរមានសមត្ថកិច្ច ពិសេសគ្រូពេទ្យពិនិត្យបន្សាបព្យាបាលបានប្រាប់អ្នកយកព័ត៌មានឲ្យដឹងថា គិតមកទល់ល្ងាច ថ្ងៃទី១៣ ខែវិច្ឆិកា ឆ្នាំ ២០២១ នេះពលករមកពីថៃក្រុមគ្រូពេទ្យយកមកសម្រាកនៅមណ្ឌលចត្តាឡីស័កកូបធំ សង្កាត់និមិត្ត ក្រុងប៉ោយប៉ែត នោះបានពុលអាល់កុលលាយនិងភេសជ្ជៈចំនួន២៥នាក់ ស្លាប់៧នាក់ដដែល មន្ត្រីជំនាញកំពុងយកភស្តុតាងធ្វើការស្រាវជ្រាវនៅមន្ទីរពិសោធន៍ជាតិក្រសួងសុខាភិបាល។
លោកវេជ្ជបណ្ឌិតឡែ ច័ន្ទសង្វាតបានបញ្ជាក់ឲ្យដឹងបន្តថា ពលករខ្មែរវិលត្រឡប់ពីប្រទេសថៃមកធ្វើចត្តាឡីស័កដាក់ជាក្រុមតូចៗនៅមណ្ឌលចត្តាឡីស័កកូបធំនោះបានយកទឹកអាល់កុលដែលទិញខ្លនឯងនិងបានពីស្ត្រីពលករម្នាក់ ឈ្មោះលី ដា ភេទស្រី អាយុ៣៥ឆ្នាំ លំនៅភូមិទំនប់៥សង្កាត់ប៉ិយ ក្រុងប៉ោយប៉ែត មកលាយជាមួយទឹកក្រូច ទឹកអូអ៊ីឈិក និងទឹកសុទ្ធ យកទៅលួចផឹកតាំងពីថ្ងៃទី៩ ខែវិច្ឆិកា ឆ្នាំ២០២១ មកម្ល៉េះ ប៉ុន្តែមិនទាន់អី។ លុះដល់រសៀលថ្ងៃទី១១ខែវិច្ឆិកាឆ្នាំ២០២១ បានផឹកបន្ត ហើយច្រើនជាងមុនក៏បណ្តាលឲ្យមានបញ្ហាសុខភាពដូចជាទន់ដៃជើង ឈឺពោះ ចុះក្អួត វិលមុខ និងថប់ដង្ហើម ។
ឃើញសភាពដូច្នេះ ក្រុមការងារបានយករថយន្តគិលានសង្គ្រោះរបស់ពេទ្យដឹកបញ្ជូនទៅជួយសង្គ្រោះ នៅមន្ទីរពេទ្យប៉ោយប៉ែត មន្ទីរពេទ្យខេត្តមិត្តភាព ជប៉ុន មង្គលបូរីខេត្តបន្ទាយមានជ័យ និងក៏បញ្ជូន បន្តទៅមន្ទីរពេទ្យខេត្តសៀមរាប សរុបចំនួន២៥នាក់ ស្រី ២នាក់ នៅយប់នោះបានពុលស្លាប់ចំនួន ៧នាក់ស្រី ១នាក់។
លោកវេជ្ជបណ្ឌិតឡែ ច័ន្ទសង្វាតបានបញ្ជាក់ឲ្យដឹងបន្តថាពលករដែលស្លាប់រួមមាន :
១/ ឈ្មោះលី ដា ភេទស្រី អាយុ៣៥ឆ្នាំ លំនៅភូមិទំនប់៥សង្កាត់ប៉ោយ ក្រុងប៉ោយប៉ែត ជាអ្នកចែកអាល់កុលអាយគ្មានប្រភពឲ្យអ្នកផ្សេងលាយផឹក
២/ឈ្មោះ ហៃ ឈិន ភេទប្រុសអាយុ៣៥ឆ្នាំ លំនៅនៅស្រុកពញាឮខេត្តកណ្តាល
៣/ ឈ្មោះរឿត រ៉ាន ភេទប្រុសអាយុ២៧ឆ្នាំ លំនៅស្រុកពួកខេត្តសៀមរាប
៤/ឈ្មោះភាព សិទ្ធិ ភេទប្រុស អាយុ២៩ឆ្នាំ លំនៅភូមិរំដាស់ឃុំស្រែខ្វាវស្រុកអង្គរជុំអ្នកទាំងនេះស្លាប់នៅមន្ទីរពេទ្យខេត្តមិត្តភាព កម្ពុជា ជប៉ុនមង្គលបូរី
៥/ឈ្មោះសុខ ហេង ភេទប្រុសអាយុ២២ឆ្នាំ លំនៅស្រុកមេមត់ខេត្តត្បូងឃ្មុំ
៦/ឈ្មោះ ផៅ ផល្លី ភេទប្រុសអាយុ២៧ឆ្នាំ លំនៅស្រុកភ្នំស្រួចខេត្តកំពង់ស្ពឺ
៧/ឈ្មោះ សាំ សិទ្ធិភេទប្រុស៣៥ឆ្នាំ មិនដឹងលំនៅ ។អ្នកទាំងនេះស្លាប់នៅខែត្តសៀមរាប ។
លោកវេជ្ជបណ្ឌិតឡែ ច័ន្ទសង្វាតបានបញ្ជាក់ឲ្យដឹងបន្តថា ក្រុមការងារ និងអាជ្ញាធរមានសមត្ថកិច្ចពាក់ព័ន្ធកំពុងធ្វើការស្រាវជ្រាវ យកភស្តុតាងដូចជាសំណាកដែលនៅសល់ មានទឹកអាល់កុលសុទ្ធ ទឹកអាល់ដែលបានលាយផឹក និងវត្ថុផ្សេងទៀតបញ្ជូនទៅមន្ទីរពិសោធន៍ជាតិក្រសួងសុខាភិបាល មន្ទីរពិសោធន៍ ក .ប .ប (អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែងនិងបង្ក្រាបការក្លែងបន្លំ(ក.ប.ប.ឬCCF) ក្រសួងពាណិជ្ជកម្ម ដើម្បីវិភាគរកមើលជាតិពុល ដែលជាមូលហេតុធ្វើឲ្យមានបញ្ហាសុខភាព រហូតដល់មានការបាត់បង់អាយុជីវិតមនុស្ស។
ក្រោយពីធ្វើការពិនិត្យហើយបានចេញលទ្ធផលគឺ អាល់កុលដែលពលករលាយផឹកនោះ មានសារជាតិមេតាណុលកម្រឹតខ្ពស់ ក្រោយពីមានមនុស្សបាត់បង់ជីវិតហើយកំលាំងការពារបានបង្កើនការរឹតបន្តឹងសន្តិសុខ ក៏ដូចជាការយកចូលមណ្ឌលនូវចំណីអាហារ គ្រឿងស្រវឹង អាល់កុលនិងរបស់ផ្សេងៗជាដើម៕
ដោយ ៖ វ៉ាន់ ណាង
ក្រុមហ៊ុន ក្រេឌីត ប្យួរ៉ូ (ខេមបូឌា) និងគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី ដាក់ដំណើរការសេវាពិនិត្យសុខភាពហិរញ្ញវត្ថុតាម AMK Mobile
នគរបាលរាជធានីបញ្ជូនខ្លួនជនសង្ស័យ២៨នាក់ទៅតុលាការ ពាក់ព័ន្ធបទល្មើស៩ករណី
រដ្ឋមន្ត្រីមហាផ្ទៃ បញ្ជាកម្លាំងឱ្យបង្កើនកិច្ចការពារសន្តិសុខ ខណៈក្រុមជ្រុលនិយមមានផែនការភេរវកម្មលើសម្ដេចតេជោ
ឯកឧត្តម ឃួង ស្រេង ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន
ខេត្តស្ទឹងត្រែង រៀបចំទីតាំងដំឡើងរូបសំណាកអធិរាជសំឡេងមាស ស៊ីន សាមុត នៅសួនច្បារមាត់ទន្លេសេកុង
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត