ព័ត៌មានអន្ដរជាតិ
គ្រួសារជនរងគ្រោះខឹងសម្បារខ្លាំងឡើង ក្រោយ ICC ផ្អាកស៊ើបអង្កេតសង្គ្រាមថ្នាំញៀនហ្វីលីពីន
គ្រួសារ និងសាច់ញាតិរបស់ជនរងគ្រោះដែលត្រូវបានសម្លាប់ក្នុងសង្គ្រាមថ្នាំញៀននៅហ្វីលីពីនបានចោទប្រកាន់រដ្ឋាភិបាលពីការប៉ុនប៉ងគេចចេញពីការទទួលខុសត្រូវដោយបានស្នើសុំតុលាការឧក្រិដ្ឋអន្តរជាតិ (ICC) ឲ្យពន្យារពេលលើការស៊ើបអង្កេតរបស់ខ្លួន។
តុលាការ ICC ដែលកាលពីខែវិច្ឆិកាបានអនុម័តឲ្យមានការស៊ើបអង្កេតលើសង្គ្រាមថ្នាំញៀនរបស់លោកប្រធានធិបតី Rodrigo Duterte ដែលបានធ្វើឲ្យមនុស្សរាប់ពាន់បានបាត់បង់ជីវិតកាលពីថ្ងៃសៅរ៍បានផ្អាកការស៊ើបអង្កេតរបស់ខ្លួនតាមការស្នើសុំរបស់រដ្ឋាភិបាលក្រុងម៉ានីល។
អ្នកស្រី Normita Lopez អាយុ៥៧ឆ្នាំដែលកូនប្រុសរបស់គាត់បានស្លាប់ក្នុងសង្គ្រាមគ្រឿងញៀនបាននិយាយថា ៖«ខ្ញុំអត់ទ្រាំនឹងផ្ទុះកំហឹងមិនបានទេ។ ខ្ញុំបានបោកទូរសព្ទចោលនៅពេលខ្ញុំអានព័ត៌មាន។ ពួកគេកំពុងភ័យខ្លាចពីការស៊ើបអង្កេត»។
រដ្ឋាភិបាលហ្វីលីពីនដែលកាលពីមុនបានបដិសេធសហការជាមួយតុលាការ ICC បានប្រាប់តុលាការកាលពីថ្ងៃទី១០ ខែវិច្ឆិកាថា ប្រព័ន្ធច្បាប់របស់ខ្លួនមានសមត្ថភាពជាងការដោះស្រាយលើការរំលោភសិទ្ធិមនុស្សដែលគេសង្ស័យទៅទៀត។
លិខិតរបស់រដ្ឋាភិបាលហ្វីលីពីនទៅកាន់តុលាការឧក្រិដ្ឋកម្មអន្តរជាតិបាននិយាយថា ៖«តុលាការអាចអនុវត្តយុត្តាធិការដែលប្រព័ន្ធច្បាប់ជាតិមិនអាចធ្វើបាន ដែលនេះមិនមែនជាករណីនៅហ្វីលីពីនទេ»។
រដ្ឋាភិបាលអាចស្នើសុំ ICC ពន្យារពេលលើករណីមួយ ប្រសិនបើពួកគេកំពុងស៊ើបអង្កេត។ ពីរបីសប្តាហ៍ បន្ទាប់ចៅក្រម ICC អនុម័តចំពោះការស៊ើបអង្កេត ប្រទេសហ្វីលីពីនបាននិយាយថា ខ្លួនបានពិនិត្យមើល៥០ករណីដែលបង្ហាញពីដំណើរការមិនត្រឹមត្រូវ។
ទោះបីជាយ៉ាងណា ស្ត្រីឈ្មោះ Kristina Conti តំណាងឲ្យអ្នកស្រី Lopez និងគ្រួសាររងគ្រោះផ្សេងទៀតសង្ឃឹមថា ICC នឹងបន្តការស៊ើបអង្កេតវិញ។
រដ្ឋមន្ត្រីក្រសួងយុត្តិធម៌ហ្វីលីពីន លោក Menardo Guevarra បាននិយាយថា លោកបានជំរុញឲ្យគ្រួសាររបស់ជនរងគ្រោះដាក់ពាក្យបណ្តឹងផ្ទាល់ជាមួយក្រសួង និងប្រើប្រាស់កម្មវិធីការពារជាសាក្សី។
ការបញ្ចេញលំអិតនៃកាស្លាប់ដោយសារសង្គ្រាមគ្រឿង៥០ករណីបានកត់សំគាល់ឃើញថា មានការទទួលស្គាល់ដ៏កម្រដោយរដ្ឋដែលការរំលោភបំពានបានកើតឡើង។
អ្នកស្រី Llore Pasco អាយុ៦៧ឆ្នាំដែលមានកូនប្រុសពីរនាក់ត្រូវបានសម្លាប់ក្នុងការបង្ក្រាបគ្រឿងញៀនបាននិយាយថា ៖«ឥឡូវនេះ ហេតុអ្វីបានជារដ្ឋាភិបាលធ្វើបែបនេះ? តើដោយសារពួកគេត្រូវបាន ICC រកឃើញអ្វីមែនទេ? ពួកគេគួរចាប់ផ្តើមស៊ើបអង្កេតឲ្យបានលឿន ពីការសម្លាប់តាំងពីឆ្នាំ២០១៦»។
ចាប់តាំងពីលោកប្រធាធិបតី Duterte អនុវត្តសង្គ្រាមគ្រឿងញៀនមក កម្លាំងសន្តិសុខបាននិយាយថា អ្នកជួយដូរថ្នាំញៀនដែលសង្ស័យជាង៦០០០នាក់ត្រូវបានសម្លាប់ ពីព្រោះពួកគេតដៃវិញដោយហិង្សា។
ក្រុមសិទ្ធិមនុស្សនិយាយថា អាជ្ញាធរហ្វីលីពីនបានប្រហារជីវិតរបស់អ្នកទាំងនោះដោយគ្មានការកាត់ទោសតាមផ្លូវតុលារ៕
ប្រែសម្រួល៖ វីរបុត្រ
ប្រភព៖ reuters
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
ដុតទៀនធូបសែនចូលឆ្នាំចិន ចាក់សោរទុកចោលក្លាយជាអគ្គិភ័យឆេះផ្អើលអ្នកជិតខាង
-
ចរាចរណ៍៣ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៣ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១៣ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ១ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានអន្ដរជាតិ៥ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក