សន្តិសុខសង្គម
ផ្ទៃដីជាង ២ ពាន់គីឡូម៉ែត្រ ត្រូវចំណាយថវិកា ជាង ៣០០ លានដុល្លារ សម្រាប់បោសសំអាតមីន
ថវិកាប្រមាណជាង ៣០០ លានដុល្លារ ដែលជាថវិការបស់រាជរដ្ឋាភិបាល និងការឧបត្ថម្ភពីបរទេស បានប្រើប្រាស់សម្អាតមីនលើផ្ទៃដីប្រមាណ ២.២០០ គីឡូម៉ែត្រក្រឡា។
រាជរដ្ឋាភិបាលកម្ពុជាបានចំណាយថវិកាជាង ១៨០លានដុល្លារ និងមានការឧបត្ថម្ភពីបរទេសជាង ២០០ លានដុល្លារ ដើម្បីបោសសម្អាតគ្រឿងយុទ្ធភណ្ឌមិនទាន់ផ្ទុះ និងកាកសំណល់ពីសង្គ្រាម នារយៈកាលកន្លងមក នឹងមកទល់បច្ចុប្បន្ននេះ កម្ពុជាបានបោសសម្អាតរំដោះផ្ទៃដីបានប្រមាណ ២.២០០ គីឡូម៉ែត្រក្រឡា។
ក្នុងឱកាសជួបសំណេះសំណាល និងត្រួតពិនិត្យកម្លាំងប្រតិបត្តិការជួរមុខ នៃកងឯកភាព បោសសម្អាតមីន ទី២ នៅមណ្ឌលអភិវឌ្ឍន៍ស៊ីម៉ាក់មរតកតេជោ ខេត្ដបាត់ដំបងនាថ្ងៃទី ២៤ ខែវិច្ឆិកា ឆ្នាំ២០២១ នៅក្នុងឃុំដូនបារ ស្រុកគាស់ក្រឡ ខេត្ដបាត់ដំបង ឯកឧត្ដមទេសរដ្ឋមន្ត្រី លី ធុច អនុប្រធានទី១ អាជ្ញាធរមីនកម្ពុជាបានមានប្រសាសន៍ថា បំណងប្រាថ្នារបស់រាជរដ្ឋាភិបាលគឺបានបោសសម្អាតកាកសំណល់ជាតិផ្ទុះយកដីប្រគល់ជូនប្រជាពលរដ្ឋ ដើម្បីប្រើប្រាស់បង្កបង្កើនផល ទៅតាមតម្រូវការ។ ឯកឧត្ដមបន្តថា «រាជរដ្ឋាភិបាលកម្ពុជា បានចំណាយថវិកាជាង ១៨០លានដុល្លារ ដើម្បីផ្ដល់ជូនសម្រាប់បោសសម្អាតគ្រឿងយុទ្ធភណ្ឌ កាកសំណល់មិនទាន់ផ្ទុះសល់ពីសង្គ្រាម ហើយក៏មានការឧបត្ថម្ភពីបរទេសនូវថវិកាជាង ២០០ លានដុល្លារផងដែរ»។
ឯកឧត្ដមទេសរដ្ឋមន្ត្រីបានបញ្ជាក់ថា ក្នុងនោះថវិកាជាង ៣០០ លានដុល្លារ ដែលទទួលបាន ត្រូវបានប្រើប្រាស់ក្នុងប្រតិបត្ដិការបោសសម្អាតគ្រឿងយុទ្ធភណ្ឌមិនទាន់ផ្ទុះ កាកសំណល់ពីសង្គ្រាមបានចំនួនដីទូទាំងប្រទេសកម្ពុជាប្រមាណ ២ ២០០គីឡូម៉ែត្រក្រឡា ខណៈកម្ពុជានៅសល់ដីប្រមាណជាង ២ ០០០គីឡូម៉ែត្រក្រឡា ដែលមិនទាន់បានសំអាតមីនដែលក្នុងនោះមានគ្រាប់មីន ៨០០គីឡូម៉ែត្រក្រឡា គ្រាប់បែកចង្កោម ៧០០គីឡូម៉ែត្រក្រឡា និងប្រភេទផ្សេងៗទៀតជាកាកសំណល់សល់ពីសង្គ្រាម ហើយសម្រាប់ថវិកាសម្រាប់បោសសម្អាតមីនកម្ពុជាត្រូវការប្រមាណ ៣០០ លានដុល្លារ បន្ថែមទៀតផងដែរ។
ឯកឧត្ដមក៏បានថ្លែងអំណរគុណដល់ប្រទេស ដែលជាម្ចាស់ជំនួយក្នុងនោះមានប្រទេសអូស្ដ្រាលី UNDPដែលបានចុះមកទស្សនាផ្ទាល់ រួមទាំងអាជ្ញាធរគ្រប់ជាន់ថ្នាក់ ជាពិសេសអង្គការ CMAC ដែលជាប្រតិបត្ដិករដ៏ឆ្នើមមានបទពិសោធន៍ខ្ពស់ មិនមែនត្រឹមតែនៅក្នុងប្រទេសកម្ពុជានោះទេ គឺទូទាំងពិភពលោកតែម្ដង ។
ក្នុងឱកាសនេះផងដែរលោក សុខ លូ អភិបាលខេត្ដបាត់ដំបងក៏បានថ្លែងថា «ក្នុងនាមជាអាជ្ញាធរមូលដ្ឋានខេត្ដ នឹងប្ដេជ្ញាចូលរួមសហការជាមួយអង្គការ CMAC ដែលជាប្រតិបត្ដិករសម្អាតមីនដ៏សំខាន់ នៅគ្រប់ពេលវេលា គ្រប់អ្វីដែលអាចសហការបាន» ។ លោកអភិបាលខេត្ដក៏បានថ្លែងអំណរគុណទៅកាន់ប្រទេស ដែលជាម្ចាស់ជំនួយឧបត្ថមមកកាន់ប្រទេសកម្ពុជានូវថវិកាដើម្បីបោសសម្អាតមីន ដូចជាប្រទេសអូស្ដ្រាលី UNDP និងប្រទេសជាច្រើនទៀតផងដែរ។
លោកអភិបាលខេត្ដ ក៏បានអំពាវនាវទៅកាន់ប្រជាពលរដ្ឋថា បើសិនជាបានទៅកាន់តំបន់ណាដែលមិនច្បាស់លាស់ តំបន់ដែល CMAC ដាក់ជាតំបន់ហានិភ័យ សូមមេត្តាកុំចូលទៅកាន់តំបន់នោះព្រោះនឹងបណ្ដាលឱ្យមានគ្រោះថ្នាក់ បើសិនជាបានឃើញ ឬជួបតំបន់ណាដែលមានការសង្ស័យសូមឱ្យប្រជាពលរដ្ឋរាយការណ៍ទៅកាន់អាជ្ញាធរឃុំ ស្រុក ខេត្ដ ដើម្បីសហការរាយការណ៍បន្តទៅកាន់ CMAC ឱ្យចុះមកសម្អាតយកដីប្រើប្រាស់តាមតម្រូវការផងដែរ៕
អត្ថបទ៖ សោ និយមរ័ត្ន
ក្តីអន្តរាយដល់ប្រទេសជាតិ និងពលរដ្ឋ ក្នុងរបប ប៉ុល ពត បានឆ្លុះបញ្ជាំងពីការធ្វើបដិវត្តន៍ដ៏គ្រោះថ្នាក់សម្រាប់កម្ពុជា
សម្តេចតេជោ៖ ជនណានៅតែប្រឆាំងនឹង «៧មករា» គឺជាអ្នកចង់ឱ្យរបបប្រល័យពូជសាសន៍ និងសង្គ្រាមកើតឡើងវិញនៅកម្ពុជា
បុរសខ្លាំងកម្ពុជា វាយតម្លៃថា អ្នកបន្តវេនសម្រេចបានសមិទ្ធផលលើសការរំពឹងទុក ហើយដឹកនាំមានប្រសិទ្ធភាពល្អជាងអ្នកជំនាន់មុន
បណ្ឌិតយង់ ពៅ៖ សង្គ្រាមនៅក្នុងពិភពលោកបច្ចុប្បន្ននេះ មិនស្មើនឹងសម័យកាលប្រល័យពូជសាសន៍នៅកម្ពុជានោះទេ
ឯកឧត្តម ហ៊ុន ម៉ានី អញ្ជើញជាអធិបតីក្នុងពិធីអបអរសាទរខួបទី ៤៦ ថ្ងៃរំដោះ ៧មករា នៅខេត្តកំពង់ស្ពឺ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
រញ្ជួយដីកម្រិតធ្ងន់ វាយប្រហារតំបន់ទីបេ បណ្តាលឲ្យមានមនុស្សស្លាប់
អាមេរិក ចាប់ផ្តើមមានមនុស្សស្លាប់ ដោយសារព្យុះព្រឹលដ៏កាចសាហាវ
លោក ហ្សេលេនស្គី៖ ស្តាយណាស់ ដែល អ៊ុយក្រែន គ្មាននុយក្លេអ៊ែរ ទុកកំញើញរុស្ស៊ី
ចិន កំពុងតាមដាន ខណៈជំងឺមួយស្រដៀងកូវីដ១៩ ផ្ទុះឆ្លងកាន់តែខ្លាំង
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ