Kim Joo Ryeong តួស្រី Squid Game បញ្ចេញ​រូបភាព​សិចស៊ី ៤សន្លឹកលើទស្សនាវដ្ដី សម្រាប់ខែថ្មី

កាលពីថ្ងៃទី ២៧ ខែវិច្ឆិកានេះ តារាសម្ដែងស្រី Kim Joo Ryeong បានបញ្ចេញរូបភាពសិចស៊ីប៉ុន្មានសន្លឹក នៅលើទស្សនាវដ្តីម៉ូដប្រណីត Avenuel សម្រាប់ការចេញផ្សាយនៅដើមខែធ្នូខាងមុខ។

តួស្រីខ្សែភាពយន្ត Squid Game រូបនេះ ថតកាច់រាងយ៉ាងទាក់ទាញនូវរូបថតប ៤សន្លឹក ជាមួយនឹងបបូរមាត់ក្រហមឆ្អិនឆ្អៅ។ ជាពិសេសមិនថានាងស្លៀកពាក់បែបណា Kim Joo Ryeong មើលទៅស្អាតខ្លាំង ទាក់ទាញគ្រប់ទម្រង់ទាំងអស់ ទោះបីពាក់អាវក្រហម អាវខ្មៅ ឈុតសំពត់ និងរ៉ូបសូត្រក៏ដោយ។

រូបភាពប៉ុន្មានប្លង់នេះ ស្ដែងឱ្យឃើញថា ទោះបី Kim Joo Ryeong​ មានវ័យជ្របន្តិច ប៉ុន្តែសមត្ថភាព និងរូបសម្រស់ពិតជាមិនចាញ់តារាស្រីស្រករក្រោយ​ ឬអ្នកមានវ័យក្មេងជាងនាងឡើយ។

គួរបញ្ជាក់ថា Kim Joo Ryeong ត្រូវបានទស្សនិកស្គាល់ និងផ្ដល់ការគាំទ្រទូទាំងពិភពលោក តាមរយៈការសម្ដែងជា Player 212 ក្នុងខ្សែភាពយន្ត Squid Game របស់ Netflix នៅក្នុងឆ្នាំនេះ។ ក្រៅពីអាជីពសម្ដែង នាងក៏ជាតារាបង្ហាញម៉ូដដ៏ជំនាញមួយរូបផងដែរ៕

ប្រែសម្រួល៖ សន្យា

ចុចអាន៖ ទម្រាំមានថ្ងៃនេះ តួស្រី “Squid Game” ធ្លាប់ធ្វើការងារយ៉ាងលំបាក គ្មានអ្នកស្មានដល់